1 Korin 12:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Maka kasohean, kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian masampay siga umanat ma bay pinalahil meꞌ Tuhan ninsila. Kasohean kaladjikian nilang bong bitsala jama bana-bana lakka man Rū Sutsiꞌ atawa niyaꞌ. Kuwan kasohean, kaladjikian mitsala ni jinisan pallun ma yaꞌ san bay pingkaꞌ kapandoyan da. Boꞌ luu gi kasohean kaladjikian muwan maana ni siga pallun meꞌ looy.

1 Korin 12:10 ပူးပေါင်းရင်းမြစ်များ

Malkus 16:17

“Na sagannap ma pitsayaꞌ niyaku, meka sina mintu sipat kawasa tapōꞌ da. Kapalakka na sina sila siga seytan man jawom baran jama makoy awon ku. Maka kabitsala gi sina sila ni jinisan pallun ma yaꞌ san bay pingkaꞌ kapandoyan da.

Malkus 16:20

Dari kuwan siga mulit na siꞌ, lay na ngalataan kalahat-lahatan masaplag umanat mahap pasal Papuꞌ Isa. Man kawasa na njataꞌ da, meka na sipat kahaylan-haylan bay tapōꞌ da bilang buktiꞌ ni sikamimon tud bana du umanat da.

Lukas 24:49

Yaꞌ na du sina hallom, papitu ku sa Rū Sutsiꞌ ma bay njanjiꞌ meꞌ Mmaꞌ ku pa mman bi. Ngagad jaꞌ kam ni daira tuu ngkod-ngkoran yaꞌ gi kam bay pinatannaan kawasa man sulgaꞌ meꞌ Rū Sutsiꞌ.”

Yahiya 14:12

“Baan ta kam banahan, soysoy ina pitsayaꞌ niyaku, kapabuwat jaꞌ sina ya mintu pakaradjaan meꞌ ilooy ma bay pabuwat ku sampay labi gi. Batan aku tu moleꞌ na pa mman Mmaꞌ ku.

Yahiya 16:13

Pag ina mintu takka na tukang malahil kabanahan, yana Rū Sutsiꞌ, binuwanan na du sina kam meꞌ na pangahati ni kabanahan. Boꞌ kabanahan ma pinasampay meꞌ na ina, saꞌ du silay mintu lakka man dī na, arapun masampay jaꞌ ya ilooy ma takale na lakka man aku. Maka malahil gi sina ya ningkaam siga pakaradjaan ma magkadarihan ni sinōng.

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 11:27

Na sasang ga si Balnabas ka si Sol masi ni Antiyok, luu na baw siga sukuꞌ si Isa man Jerusalem takka luꞌ pilay. Sila ilay siꞌ tukang masampay siga umanat ma pinalahil meꞌ Rū Sutsiꞌ ninsila.

Salsila siga Rasul 11:28

Ilooy disu, yana si Agabus. Man kapandoyan Rū Sutsiꞌ, lay ya bay nunaꞌ, yuk na, “Yaꞌ na hallom, luu du sina takka gotom mehe ni sikaliput junyaꞌ.” Na bay tunaꞌ na ilay siꞌ lay du bana binakbul sasang si Kalawdiyus panghuluꞌ sultan ndooy ni Rom.

Salsila siga Rasul 19:6

Pus da pinandi, lay na tinappak bumbunan da meꞌ si Pol sampay sarunduun du patannaꞌ Rū Sutsiꞌ ninsila. Dari mitsala na ga sila ni jinisan pallun ma yaꞌ san bay pingkaꞌ kapandoyan da. Sampay lay na ga sila mōꞌ siga umanat man Tuhan ma pinalahil meꞌ Rū Sutsiꞌ ninsila.

Salsila siga Rasul 5:3

Dari yuk si Pitel niiya, “Ananiyas, ongoy taggahaꞌ kuhi-kuhi jaꞌ ko pinagbayaan meꞌ Ibilis. Tatammu nu na ga ngandustaan Rū Sutsiꞌ. Baꞌ-bāꞌ nu, luu na ntuu mimon ballihan tanaꞌ nu, mingkan luu gi kasohean bay nnaꞌ nu para ni dī nu.

Suwat si Pol pa mman Baanan Sukuꞌ si Isa ndooy ni Rom 12:6

Man sabapan aseꞌ Tuhan njataꞌ tabi, lay na kitabi binuwanan jinisan kapandoyan bilang ladjikiꞌ ningkitabi. Dari subay situ tabi saliꞌ-saliꞌ makoy ladjikiꞌ ma bay sinukuꞌ ningkitabi para kaayaran ni pagkahi tabi sukuꞌ si Isa. Bong disu bay kaladjikian masampay siga umanat ma bay pinalahil meꞌ Tuhan niiya, subay du pasampay na umanat ma kinapitsayaan meꞌ na bay pinalahil niiya.

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

1 Korin 11:4

Sangkon, bila kam kumpo-kumpo numba, boꞌ luu lalla maku duwaa atawa masampay umanat ma bay pinalahil meꞌ Tuhan niiya, subay ya yaꞌ turung. Batan bong lalla turung sasang na numba, inaa na sipat takōk na manusiyaꞌ sadjaꞌ. Dari sibuꞌ du ya ka madiyoꞌ takōk na, yana Almasi.

1 Korin 13:8

Na mimon ladjikiꞌ meꞌ sapantun masampay siga umanat Tuhan atawa pun mitsala ni jinisan pallun ma yaꞌ san bay pingkaꞌ kapandoyan na, ahi maka ahi na, luu jaꞌ du sina ka katapusan da. Sampay ilmuꞌ, bbos-bbos tamban du sina. Boꞌ aseꞌ, yaꞌ luu masa na.

1 Korin 14:13

Sangkon, soysoy bay kaladjikian mitsala ni siga pallun ag-agan, subay du sila maku pa Tuhan mari sila binuwanan kapandoyan muwan maana ni pallun meꞌ looy.

1 Korin 14:39

Dari siga danganakan, subay kam magkainagon banahan ni ladjikiꞌ hāl meꞌ masampay siga umanat man Tuhan. Sugaꞌ daa na baw taggahun bi siga pagkahi bi mitsala ni siga pallun ag-agan.

Galatiya 3:5

Saꞌ ba, lay na dean Tuhan Rū na ningkaam, boꞌ lay gi ya makitahan kaam jinisan pabuwatan kahaylan-haylan? Sugaꞌ saꞌ silay sabap meꞌ bi bay buwat jinisan taat saraꞌ agama. Arapun iya ilay bay buwat meꞌ looy sabap meꞌ bi bay pitsayaꞌ ni umanat ma bay takale bi pasal si Isa.

1 Tesaloneka 5:20

Bila luu danganakan bi māꞌ luu umanat karomanan na pinasampay lakka man Rū Sutsiꞌ, padarihun bi na ya. Daa ya sohoun bi diyam-diyam.

Hibrani 2:4

Batan lay sila binuwanan meꞌ Tuhan kawasa mōꞌ jinisan pabuwatan kahaylan-haylan tandaꞌ mawjud umanat da pasal Almasi. Sampay lay gi sila binuwanan ladjikiꞌ man Tuhan, yana jinisan kapandoyan man Rū Sutsiꞌ gantaꞌ ma numan ni kahandak Tuhan.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

Siga Pakaradjaan bay Pinalahil 2:2

“Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.