1 Korin 11:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

^5-7 Lalla ina bay pinapayak ni limbagan arat-tabiat Tuhan supaya ya kaboo kabantugan pa Tuhan. Sangkon, yaꞌ sina sikatuwaꞌ bong limbagan Tuhan, yana lalla, turung, saula-ula manusiyaꞌ magtakokan iya. Boꞌ karandahan ina, pataꞌ ninsila turung bila sila maku duwaa atawa masampay umanat man Tuhan njawom baanan bi. Kon da ina subay turung man da muwan sipat luu manusiyaꞌ magtakokan sila, yana lla da atawa mmaꞌ da. Bong sila yaꞌ turung, kadiyoꞌ ni takōk da. Sibuꞌ du karuha da ka danda lay kuku pōꞌ pa jawom mayran. Bong danda yaꞌ kuhi turung, gam na pongan na na bū takōk na. Sugaꞌ pagka kaiyaan ni karandahan mongan bū takōk da atawa kuku, gam na sila turung. Dari yana meꞌ lalla bay pinapayak man moo kabantugan pa Tuhan, danda pun lay du sinukuꞌ ninsila moo kabantugan ni kalallahan.

1 Korin 11:5 ပူးပေါင်းရင်းမြစ်များ

Lukas 2:36

Na ndooy siꞌ ni langga mehe, luu du disu bawu danda tud toa na. Awon na si Anna. Iya ilay tukang masampay siga umanat man Tuhan. Mmaꞌ na si Panuwel, disu panubuꞌ si Asel. Jaman si Anna masi baddung, lay na matoy lla na bohoꞌ pitun taun halloman da bay kinawin.

Salsila siga Rasul 2:17

Yuk Tuhan, ‘Ni ahil jaman, patannaꞌ ku Rū ku njataꞌ bangsa sikamimon. Kuwan siga anak bi, danda-lalla, masampay na siga umanat ma pinalahil meꞌ Rū ku ninsila. Kuwan kalallahan bi ma anak-anak bahau, pinakitahan na siga pandapat. Kuwan ga kalallahan bi pun ma toa na, luu du palahil Rū ku ninsila njawom siga upihan da.

Salsila siga Rasul 21:9

Iya ilay anakan mpat budjang. Ga kabudjangan looy ilay siꞌ, saliꞌ-saliꞌ lay kaladjikian tukang masampay siga umanat ma pinalahil meꞌ Rū Sutsiꞌ ninsila.

1 Korin 11:4

Sangkon, bila kam kumpo-kumpo numba, boꞌ luu lalla maku duwaa atawa masampay umanat ma bay pinalahil meꞌ Tuhan niiya, subay ya yaꞌ turung. Batan bong lalla turung sasang na numba, inaa na sipat takōk na manusiyaꞌ sadjaꞌ. Dari sibuꞌ du ya ka madiyoꞌ takōk na, yana Almasi.

1 Korin 14:34

Hati na, subay sila diyam-diyam sasang baanan bi numba. Yaꞌ sila dari hibuk. Maka subay sila lillaꞌ ni kalallahan meꞌ ndang bay tinōꞌ njawom kitab.