1 Korin 11:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Sangkon, tuktuk bi mangan tinapay ka nginum tubaꞌ anggul meꞌ looy, paliksaun bi doꞌ duhuꞌ kawul-piil bi bong tuwaꞌ meꞌ bi buwat pagkahi bi atawa niyaꞌ. Bong ndaꞌ bi yaꞌ tuwaꞌ pabuwatan bi, nawbat na doꞌ kam duhuꞌ, boꞌ bi mangan ka nginum.

1 Korin 11:28 ပူးပေါင်းရင်းမြစ်များ

Matiyu 26:22

Lay jaꞌ takale meꞌ mulit na, tud susa sila sampay magsing-sīng na sila nilaw, “Saꞌ bilay aku awnan nu Tuwan, saꞌ ba?”

1 Korin 11:29

Batan bong ina kam ngikut tabiat mangan ka nginum ni pangintoman meꞌ looy, boꞌ yaꞌ kam ngaddoꞌ-ngaddoꞌ pa lassa ni pagkahi bi ma dambuwaꞌ baran ka kaam njawman Almasi, sibuꞌ du kam ka nohoꞌ dī bi pinidjalaꞌ ni Tuhan.

1 Korin 11:31

Sugaꞌ bong siꞌ ina paliksaꞌ bi doꞌ duhuꞌ kawul-piil bi sampay labbahan bi na pabuwatan bi ma yaꞌ tuwaꞌ, malaingkan yaꞌ na kam kalabuan pidjalaꞌ meꞌ looy.

2 Korin 13:5

Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

Galatiya 6:4

Gam na pindogahan tabi doꞌ dī tabi bong tuwaꞌ pabuwatan tabi atawa niyaꞌ. Bong ina tud tuwaꞌ du, inaa ya pataꞌ man tabi gāk. Daa jaꞌ kitabi meꞌ kasohean ma tigiꞌ manding bong sila lumabi man pagkahi da.