1 Korin 11:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Damikiyan, pag lupus da mangan, lay na baw ya ngaddoꞌ mbuwaꞌ sawan tubaꞌ anggul, boꞌ na halling, “Ingatun bi inuman tuu yana lahaꞌ ku ma muwan kasāhan ni pagsulutan bahau antaraꞌ Tuhan ka manusiyaꞌ. Buwat kam tabiat nginum meꞌ tuu bilang pangintoman bi niyaku.”

1 Korin 11:25 ပူးပေါင်းရင်းမြစ်များ

Lukas 22:20

Pag lupus da mangan, lay na baw ya ngaddoꞌ pabalik mbuwaꞌ sawan tubaꞌ anggul, boꞌ sinongan ni ga mulit na sambayan na halling, “Ingatun bi tubaꞌ anggul njawom sawan tuu yana lahaꞌ ku song tinumpahan kalnaꞌ kaam. Lahaꞌ ku ina, inaa na muwan kasāhan ni pagsulutan bahau antaraꞌ Tuhan ka manusiyaꞌ.

1 Korin 10:16

Katoonan bi na du, tuktuk tabi nginum tubaꞌ anggul bilang pangintoman ni lahaꞌ Almasi, mangaku kitabi tibuuk ka iya. Maka muwan tabi pagsukuhan pa Tuhan. Damikiyan, tuktuk tabi mangan tinapay ma pinong-pōng meꞌ tabi, mangaku du kitabi dambuwaꞌ baran ka iya.

1 Korin 11:24

boꞌ pinagsukuhan pa Tuhan. Pag lupus, pinong-pōng meꞌ na, boꞌ na halling, “Ingatun bi tinapay tuu yana baran ku ma song paglillaꞌ ku kalnaꞌ kaam. Buwat kam tabiat meꞌ tuu bilang pangintoman bi niyaku.”

2 Korin 3:14

Salla na, kuwan pagkahi ku bangsa Israil, labba man maruhuꞌ ngabut sampay batnaa, tud tohas kōk da. Sangkon tuktuk da matsa saraꞌ Nabi Musa, masi du yaꞌ tahati da kamaatunan na. Dari ko ngawon, tambun ni luwa Nabi Musa meꞌ lay na sinaynan pa jataꞌ pamiki da. Bong ina saꞌ Papuꞌ ngalakka, yaꞌ na kuhi lakka tambun ni pamiki da.

2 Korin 3:6

Maka Tuhan du sina nganggaosan kami masaplag pagsulutan bahau ni antaraꞌ iya ka manusiyaꞌ mari jama mahap na niiya. Ni pagsulutan bahau ina, Rū Sutsiꞌ ndean meꞌ Tuhan ni manusiyaꞌ. Boꞌ ni pagsulutan sibuwa, saraꞌ bay ndean ni manusiyaꞌ. Ni pagsulutan sibuwa ina, bong jama doman mahap na pa Tuhan, subay bogbogan da sara. Salla na, ilooy du takoleꞌ jama man saraꞌ yana katiksaan nyawa batan yaꞌ luu kabogbog labbasakayi. Boꞌ ni pagsulutan bahau ina, koleꞌ na kitabi kaallum bahau sampay kasampulnaan nyawa saumu-umu man sabapan Rū Sutsiꞌ.

Hibrani 13:20

Tuhan ina poonan kasannangan. Ni kaehe kawasa na, lay ya makallum Papuꞌ tabi si Isa. Dari si Isa na sina numbul satu tukang ngipat kitabi ma awnan na siga bili-bili na. Man sabapan lahaꞌ na bay tumpa, inaa na kasāhan ni pagsulutan bahau ma yaꞌ luu katapusan na antaraꞌ Tuhan ka sukuꞌ na.