1 Korin 11:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Batan kasohean kam magti mangan san yaꞌ lagi kam kumpo labbasakayi. Dari kasohean sso na sampay lango na ga. Kuwan ma dambuli bay takka, lingantu na ga sabap yaꞌ san bay kaambanan.

1 Korin 11:21 ပူးပေါင်းရင်းမြစ်များ

Yahiya 2:10

boꞌ na halling niiya, “Pooy tu la, Nges? Jama mimon, bong mainum, pinaduhuꞌ doꞌ tubaꞌ anggul ma mahap banahan. Noy jama yaꞌ na kasilang lassa na sabap meka na bay inum da, boꞌ pinōꞌ ilooy ma kulang ayad na. Boꞌ kau baw tu, sarī. Noy batnaa na bohoꞌ nu mōꞌ ilooy ma mahap banahan.”

1 Korin 11:20

Boꞌ ilooy gi laat na, bila kam kumpo-kumpo ngikut tabiat tabi mangan tinapay ka nginum tubaꞌ anggul para pangintoman ni Papuꞌ Isa, saꞌ ga iya kinanna meꞌ bi. Ilooy ya hagaan ningkaam yana dī bi. Meꞌ ga mas mehe gi ningkaam meꞌ bi magpaasso.

1 Korin 11:34

Bong hati kam ndang lingantu na, mangan na doꞌ kam duhuꞌ ni lumaꞌ. Ngilag kam, taggahaꞌ yaꞌ na baw mintu taagak bi dī bi sampay man bi na baw pinidjalaꞌ meꞌ Tuhan. Na ni kapasal bay tilaw bi kasohean, noy ku takka na pilu boꞌ bi baan ku.

2 Pitel 2:13

Kalaatan bay pabuwat da, tinungbasan du sila ka kalaatan. Tud yaꞌ luu kaiyaan da. Bbuwatan da nganduwan napsu da jaꞌ mōꞌ kasabuhan ni mayran. Tigiꞌ sila maglaw-lamud ka kaam mangan-mangan bahasa dambuwaꞌ atay sila ka kaam. Boꞌ ko, sarī maksud da. Sila ina meꞌ sapantun tamak ni badjuꞌ poteꞌ.

Suwat Lakka man si Jūd 1:12

Siga jama naa ina ma nabid kabanahan sibuꞌ du karuha da ka tamak ni badjuꞌ poteꞌ. Tuktuk bi ina kumpo-kumpo mangan-mangan, mmeꞌ sina sila ningkaam bahasa dambuwaꞌ mukalnaꞌ sila ka kaam sikaaseꞌ-kaaseꞌ. Boꞌ ko, maksud da ina ngulihal kasongan para ni dī da sadjaꞌ. Yaꞌ luu tawu da pa Tuhan. Kaap-apan jaꞌ jama meꞌ da. Sibuꞌ du karuha da ka andom ma pingkaꞌ jaꞌ bay tinuran meꞌ baliyu yaꞌ san uwan ni huma. Maka sibuꞌ du karuha da ka poon kayu yaꞌ kuhi buwaꞌ san taabut na timpu na, atawa meꞌ karuha poon kayu tud matoy na ma lay na pungkad.