1 Korin 11:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Na siga danganakan, sanglit ku baw ningkaam sabap yaꞌ takupan bi suntuan bay takita bi njataꞌ tangge-tingkōꞌ ku. Maka yaꞌ kam halin man siga tōꞌ ma bay pinasampay meꞌ ku ningkaam.

1 Korin 11:2 ပူးပေါင်းရင်းမြစ်များ

Lukas 1:6

Ga si Jakariya siꞌ tu ka nda na intong ni mata Tuhan. Mmeꞌ jaꞌ sila ni siga saraꞌ ka panohoan Tuhan labbasakayi maka yaꞌ luu sutsutan njataꞌ da.

1 Korin 11:17

Na pasunuꞌ bitsala ku, yaꞌ na ku la pandoy nanglitan kaam, batan bila kam kumpo-kumpo numba, yaꞌ luu toklas na pa kaayaran, gam pin pa kalaatan.

1 Korin 11:22

Subay siꞌ sagannap ma doman magpaasso, ndang mangan na doꞌ sila ni lumaꞌ. Bong siꞌ ilay bean bi meꞌ looy, malaingkan yaꞌ na kam buwat siga pagkahi bi sukuꞌ Tuhan subay ga jama yaꞌ luu hagaꞌ na. Bong ina luu pagkahi bi yaꞌ san bay kaambanan, saꞌ ga bina oy, tud yaꞌ luu maltabat bi ninsila. Yaꞌ na ku la pandoy bong pooy lagi meꞌ ku mitsalahan kaam. Tud yaꞌ sina kam pataꞌ sinanglitan meꞌ ku bila kam buwat meꞌ naa.

1 Korin 15:2

batan inaa sina poonan bi salamat, basta yaꞌ jaꞌ labbahan bi. Bong ina labbahan bi, yaꞌ du luu kapuspusan bi bay pitsayaꞌ.

1 Korin 4:17

Dari supaya luu suntuan man bi ngakig aku, sohoꞌ ku sa pilu si Timuti gantiꞌ ku. Iya itu meꞌ anak ku na du, disu kakasi ku ma magkanaalla mean kahandak Papuꞌ. Iya sa maintoman kaam bong pooy kawul-piil ku njawman si Isa Almasi mari taakig bi. Batan kawul-piil ku itu magbēꞌ ka mimon ma pinagtōꞌ meꞌ ku ni siga baanan sukuꞌ si Isa nnoy-nnoy jaꞌ lahat.

1 Korin 7:17

Na oy-oy kaadaan bi jaman bi bay lliyun meꞌ Tuhan binuwat sukuꞌ na, san daa na halinun bi. Inaa ina yana aturan ma pinagtōꞌ meꞌ ku ni mimon baanan sukuꞌ si Isa.

1 Tesaloneka 1:6

Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

1 Tesaloneka 3:6

Pag batnaa, yaꞌ na luu kagampangan ku sabap bahau jaꞌ si Timuti bay takka moo habal mahap pasal kaam. Bāꞌ na, masi hallot pangando bi, maka masi kam basag sikaaseꞌ-kaaseꞌ. Maka bāꞌ na, tud gāk kam tuktuk kami tapanambung bi. Maka yuk na, meꞌ kami na du kam konoꞌ wā maglogtoꞌ doman sitammu ka kami pabalik.

2 Tesaloneka 2:15

Sangkon, siga danganakan, daa labbahan bi pangando bi. Maka kuwangkutan bi na siga tōꞌ ma bay pinasampay meꞌ kami ningkaam, labba man ilooy ma bay halling kami ningkaam balharapan sampay ni jawom suwat kami.

2 Tesaloneka 3:6

Na siga danganakan, ni kapatut bay ndean kami meꞌ Papuꞌ tabi si Isa Almasi, luu gi situ panohoan ku ningkaam. Bong luu pagkahi bi sukuꞌ si Isa nnaa ma hūk buwat maka yaꞌ mean bay tōꞌ kami ningkaam, daa kam palamud ninsila.