1 Korin 11:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Kanna bi mareꞌ subay na pin kam magsulemaꞌ pamiki boꞌ tumatandaꞌ bong mamooy kam man Tuhan kasulutan.

1 Korin 11:19 ပူးပေါင်းရင်းမြစ်များ

Matiyu 18:7

Baan ta kam banahan, siya-siya sina manusiyaꞌ ma mandang hāl junyaꞌ sabap wā sila takoleꞌ sinasat. Ni junyaꞌ tuu itu ndang yaꞌ taambat sasat ma moo jama buwat dusa. Sugaꞌ tud siya-siya sina mintu sagannap ma bay moo sasat meꞌ looy.

Lukas 17:1

Pag-anu, yuk si Isa ni siga mulit na, “Ni junyaꞌ tuu meka sina sasat kaboo-boo manusiyaꞌ buwat dusa, tud yaꞌ sina tatangkisan. Sugaꞌ tud siya-siya sina mintu soysoy bay moo sasat meꞌ looy.

Lukas 2:35

Pag toklas na, bungka na kalaatan njawom atay da. Kuwan kau Mariyam, ni kaehe susa atay nu ina mintu ni anak nu, meꞌ lassa kataliꞌ pinantokan na sina njawom jantung nu.”

Salsila siga Rasul 15:5

Na ndooy siꞌ, luu du kasohean sukuꞌ si Isa ni baanan looy ma bay pingkaꞌ tabeꞌ ni palhimpunan Parisi. Pag takale da luu na du jama saꞌ Yahudi pitsayaꞌ na ni si Isa, yuk da, “Wajib du baw bilay ninsila inislam maka subay du sila sinohoꞌ mogbogan saraꞌ Nabi Musa.”

Salsila siga Rasul 20:30

Minsan ina kaam, luu na du sina mintu kasohean ni baanan bi nabid umanat kabanahan. Bbuwatan da ina mintu moo-moo siga pagkahi bi magsiꞌ. Kainagon da ina mintu, luu na jama taboo-boo da mmeꞌ ni ntan da.

Salsila siga Rasul 24:14

Tuwan Gubnul, mangaku baw situ ku mmeꞌ ni lān kasalamatan ma baꞌ-bāꞌ siga pagkahi ku Yahudi ntuu magsāꞌ. Sugaꞌ bong baw inawnan Tuhan ma sumba ku, yana Tuhan kabboꞌ-bboan kami du. Maka pitsayaꞌ du baw situ ku ni mimon saraꞌ agama kami sampay na mimon suwat kanabi-nabihan njawom kitab.

Salsila siga Rasul 24:5

“Na kon kami itu malkalaꞌ lalla naa ni awpan nu batan paninggai-paninggai jaꞌ ya, mōꞌ jaꞌ ya kalingogan. Boꞌ iya na sina poonan kahiluhalaan mehe ni bangsa kami Yahudi. Iya na sina disu pa-mmean ni baanan jama ma ngantanan agama bahau, yana baanan ma mmeꞌ ni tōꞌ disu lalla man Nasaret.

Salsila siga Rasul 26:5

Katoonan da du ndang hallom na ku bay tabeꞌ ni palhimpunan Parisi ma pinakaadil mogbogan mimon saraꞌ Nabi Musa. Bong siꞌ ina sila bonto, mastiꞌ mangaku jaꞌ sila bana bitsala ku.

Salsila siga Rasul 28:22

Sugaꞌ ninggai-ninggai jaꞌ lahat, luu jaꞌ jama malaat ntan bahau ma kinapitsayaan meꞌ nu ka ga pagkahi nu. Dari doman kami kale bong oy njawom pamiki nu.”

Salsila siga Rasul 5:17

Na pag taaka panghuluꞌ imam ka siga soheꞌ na man palhimpunan Saddusi pasal pabuwatan siga rasul looy, tud bay dangkiꞌ sila.

1 Korin 11:20

Boꞌ ilooy gi laat na, bila kam kumpo-kumpo ngikut tabiat tabi mangan tinapay ka nginum tubaꞌ anggul para pangintoman ni Papuꞌ Isa, saꞌ ga iya kinanna meꞌ bi. Ilooy ya hagaan ningkaam yana dī bi. Meꞌ ga mas mehe gi ningkaam meꞌ bi magpaasso.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

Galatiya 5:20

numba kajinisan sarī man Tuhan, ka makoy ilmuꞌ seytan. Boꞌ na, daran sila lammis, sasaꞌ, dangkiꞌ ka pasuꞌ kōk da. Tabiat da ina ngulihal kaayaran ni dī da sadjaꞌ. Maka mōꞌ sila pagsaggaan atawa magsisasaꞌ pagkahi da dambaanan.

Taytus 3:10

Bong luu njawom baanan bi tigiꞌ mōꞌ pagsaggaan, sohoun patagong. Bong min duwa na sila bay sinaggong, boꞌ amu-amu yaꞌ ngasip, daa na kam palamud ninsila.

1 Yahiya 2:19

Ga jama ma nguntra ilay, lay du bay pingkaꞌ tabeꞌ ningkitabi, sugaꞌ lay na pasakkat. Bong ilay siꞌ tud bay dambuwaꞌ atay sila ka kitabi, yaꞌ du sila bay pasakkat. Sugaꞌ pagka lay na du sila pasakkat, tumatandaꞌ na saꞌ du sila pagkahi tabi sukuꞌ si Isa.