1 Korin 11:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Na pasunuꞌ bitsala ku, yaꞌ na ku la pandoy nanglitan kaam, batan bila kam kumpo-kumpo numba, yaꞌ luu toklas na pa kaayaran, gam pin pa kalaatan.

1 Korin 11:17 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 13:3

Kamasaꞌ, bong ina kita buwat kaintongan, yaꞌ sina luu katawuhan ta ni siga pa-mmean parinta. Boꞌ sagannap ma buwat maat, mastiꞌ subay sila tawu. Sangkon, bong kam yaꞌ doman luu katawuhan bi, buwat jaꞌ kam kaintongan. Bong ina asip bi jaꞌ palbiatan tuu, malaingkan kasulutan sina jama ningkaam.

1 Korin 11:2

Na siga danganakan, sanglit ku baw ningkaam sabap yaꞌ takupan bi suntuan bay takita bi njataꞌ tangge-tingkōꞌ ku. Maka yaꞌ kam halin man siga tōꞌ ma bay pinasampay meꞌ ku ningkaam.

1 Korin 11:20

Boꞌ ilooy gi laat na, bila kam kumpo-kumpo ngikut tabiat tabi mangan tinapay ka nginum tubaꞌ anggul para pangintoman ni Papuꞌ Isa, saꞌ ga iya kinanna meꞌ bi. Ilooy ya hagaan ningkaam yana dī bi. Meꞌ ga mas mehe gi ningkaam meꞌ bi magpaasso.

1 Korin 11:22

Subay siꞌ sagannap ma doman magpaasso, ndang mangan na doꞌ sila ni lumaꞌ. Bong siꞌ ilay bean bi meꞌ looy, malaingkan yaꞌ na kam buwat siga pagkahi bi sukuꞌ Tuhan subay ga jama yaꞌ luu hagaꞌ na. Bong ina luu pagkahi bi yaꞌ san bay kaambanan, saꞌ ga bina oy, tud yaꞌ luu maltabat bi ninsila. Yaꞌ na ku la pandoy bong pooy lagi meꞌ ku mitsalahan kaam. Tud yaꞌ sina kam pataꞌ sinanglitan meꞌ ku bila kam buwat meꞌ naa.

1 Korin 11:34

Bong hati kam ndang lingantu na, mangan na doꞌ kam duhuꞌ ni lumaꞌ. Ngilag kam, taggahaꞌ yaꞌ na baw mintu taagak bi dī bi sampay man bi na baw pinidjalaꞌ meꞌ Tuhan. Na ni kapasal bay tilaw bi kasohean, noy ku takka na pilu boꞌ bi baan ku.

1 Korin 14:23

Sugaꞌ ni kapasal siga pallun ag-agan, minsan inaa sipat kawasa para jama ma yaꞌ pitsayaꞌ, bong ina man gundalaꞌ pamiki da ngita kaam, yaꞌ du sina sila koleꞌ kaayaran njataꞌ bi. Nnaꞌ ta na, luu paasok ni baanan bi jama ma yaꞌ pitsayaꞌ ni Almasi atawa ma kulang pangahati ni hāl Tuhan, bong ina ndaꞌ da labbasakayi na kam mitsala ni jinisan pallun ag-agan, mastiꞌ panganna da bilawan na baw kam, saꞌ ba?

1 Korin 14:26

Na siga danganakan, bila kam kumpo-kumpo numba, ituu palbiatan ku ningkaam. Mahap sina bong kasohean ngalang kalangan pudji pa Tuhan; maka mahap du bong kasohean nganasihat maka kasohean masampay umanat ma bay pinalahil meꞌ Rū Sutsiꞌ ninsila. Maka mahap du bong kasohean mitsala ni siga pallun ag-agan, basta luu jaꞌ tukang muwan maana. Sugaꞌ junjung ku na ningkaam, oy-oy pabuwat bi, subay kasambu ni siga nyawa sikamimon njawom baanan bi.

Hibrani 10:25

Daa kitabi ngakig kasohean ma nabiat yaꞌ mmeꞌ bila pagkahi da kumpo-kumpo numba. Arapun subay kitabi mmeꞌ sampay sibuwansang-buwansang pa kaayaran, labi na ni timpu batnaa pagka song patapit na pin llaw man Papuꞌ Isa pabeleng.

1 Pitel 2:14

pa siga gubnul sampay pa siga saraꞌ ndiyoan da, subay sila inasip meꞌ bi. Ndang-ndang sila ilay bay binuwanan kapatut para kaayaran du ni lahat supaya tapidjalaꞌ da sagannap ma buwat maat, maka supaya tabuwanan da kabantugan sagannap ma buwat mahap.