1 Korin 10:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Aku pun itu, inaa du aturan bean ku. Wā ku ngilag oy-oy pabuwatan ma binista meꞌ jama maat. Batan yaꞌ ku muhung kaayaran ni dī ku. Arapun ilooy ya puhung ku, kaayaran ni pagkahi ku manusiyaꞌ bong pin sila nammu jaꞌ kasalamatan.

1 Korin 10:33 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 11:14

Kainagon ku ilohan na sila ningkaam sampay man da na pitsayaꞌ, boꞌ da sinalamat.

Suwat si Pol pa mman Baanan Sukuꞌ si Isa ndooy ni Rom 12:5

Damikiyan, meꞌ kitabi itu binilang baran Almasi, san kitabi meka, tibuuk du kitabi. Maka siguna-guna sina kitabi saliꞌ-saliꞌ.

1 Korin 10:24

Sangkon, oy-oy pabuwat ta, pamikihan ta doꞌ duhuꞌ bong kasampulnaꞌ ni pagkahi ta atawa niyaꞌ. Daa isu-isu pabuwat ta ma karomanan ta sadjaꞌ.

1 Korin 13:5

maka yaꞌ ya halipulu. Yaꞌ ya nabiat miha kaayaran ni dī na sadjaꞌ. Yaꞌ ya mura dugahan, maka yaꞌ ya ngannaꞌ njawom atay na dusa jama niiya.

2 Korin 12:14

Batnaa tu, song pilu na ku ngandaꞌ-ngandaꞌ kaam. Bong itu ku bay tabawus, kamintallu tuu na situ ku nakka lahat bi. Sugaꞌ san baw tu ku mintu pilu, masi du ku yaꞌ maku hasil sabap kaam ya mehe niyaku, saꞌ ga sīn bi. Ndang-ndang saꞌ du sina sukuꞌ ga anak malanjaan induꞌ-mmaꞌ, arapun induꞌ-mmaꞌ ya subay malanjaan ga anak.

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

Galatiya 1:10

Na ni hāl bay halling ku ilay siꞌ, katoonan ku du luu nnaa kasohean yaꞌ kasulutan niyaku. Sugaꞌ basta lay jaꞌ ku nulut ni kahandak Tuhan, yaꞌ du dari oy na san ku yaꞌ na kinahopan meꞌ manusiyaꞌ. Bong siꞌ itu masi puhung ku subay na pin ku kinahopan leꞌ manusiyaꞌ, yaꞌ du ku pataꞌ inawnan sosohoan si Isa Almasi.

Pilipi 2:21

Boꞌ ilooy kasohean ntuu, ndaꞌ ku sikamimon sila, mas hagaan gi ninsila kahandak da man kahandak si Isa Almasi.

1 Tesaloneka 2:16

Batan pag ndaꞌ da kami masaplag supaya luu dapat kabangsa-bangsahan saꞌ Yahudi salamat, buwatan da nulang kami. Tamba-manamba na pin eka dusa da sampay man da na song kalabuan mulkaꞌ Tuhan.