1 Korin 10:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Sugaꞌ sambat kasohean, “Pagka sukuꞌ Almasi na kitabi, sumunsayaꞌ na situ kitabi buwat oy-oy karomanan tabi.” Bana du baw silay, sugaꞌ saꞌ baw lay mimon pabuwatan kasampulnaꞌ ningkitabi.

1 Korin 10:23 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 14:15

Sarī gi, bong ina mbuwaꞌ danganakan ta bay ngita kita mangan lawuk ma kanna na haram, mastiꞌ lingog jaꞌ kōk na. Dari bong ya mangan sabapan ta san nulang ni honaꞌ-honaꞌ na, tumatandaꞌ yaꞌ luu aseꞌ ta niiya. Intomun bi, iya ina hagaan ni Almasi, batan atas Almasi bay nongan umu na bong pin salamat jaꞌ ya. Sangkon, yaꞌ sikatuwaꞌ bong mintu pangando danganakan ta binasa sabap meꞌ ta bay mangan lawuk yaꞌ biddaꞌ ni awpan na.

1 Korin 14:12

Sangkon, pagka kam magkainagon ni siga ladjikiꞌ man Rū Sutsiꞌ, ilooy pakuhun bi, yana siga ladjikiꞌ ma kasambu ni nyawa mimon pagkahi bi sukuꞌ si Isa.

1 Korin 14:17

San gi pooy ayad meꞌ bi bay muwan pagsukuhan pa Tuhan, bong ina ni pallun ma yaꞌ tahati leꞌ pagkahi bi, yaꞌ du kasambu ni nyawa da.

1 Korin 14:26

Na siga danganakan, bila kam kumpo-kumpo numba, ituu palbiatan ku ningkaam. Mahap sina bong kasohean ngalang kalangan pudji pa Tuhan; maka mahap du bong kasohean nganasihat maka kasohean masampay umanat ma bay pinalahil meꞌ Rū Sutsiꞌ ninsila. Maka mahap du bong kasohean mitsala ni siga pallun ag-agan, basta luu jaꞌ tukang muwan maana. Sugaꞌ junjung ku na ningkaam, oy-oy pabuwat bi, subay kasambu ni siga nyawa sikamimon njawom baanan bi.

1 Korin 6:12

Na baꞌ-bāꞌ kasohean, “Pagka njawman sakup Almasi na kitabi, maka saꞌ na kitabi njawman sakup saraꞌ agama, sumunsayaꞌ na kitabi buwat oy-oy karomanan tabi.” Sugaꞌ bong aku, san ku sumunsayaꞌ na njawman Almasi, bong baw pabuwatan gantaꞌ yaꞌ katabang man ku lungbid ka Tuhan, basta ilagan ku baw. Atawa bong pabuwatan gantaꞌ man ku takawum meꞌ napsu ku, malaingkan basta yaꞌ du pabuwat ku.

1 Korin 8:1

Na ni kapasal bay tilaw bi hāl mangan sumbalian ma sinongan meꞌ siga kapil ni siga tuhan-tuhan da, ndang tahati tabi na du bong kinawnan siga tuhan-tuhan, yaꞌ luu kawasa da samasakali. Sugaꞌ paayad-ayad kam, batan mangkin ina pasōng pangahati ta, pasōng du sina abbu ta. Boꞌ abbu ina, yaꞌ kasambu ni nyawa pagkahi ta. Iya kasambu yana aseꞌ.

1 Korin 8:9

Sugaꞌ san ina kita sumunsayaꞌ na mangan oy maka oy na, subay du kita paayad-ayad taggahaꞌ ndusa siga danganakan ta ma kulang pangahati sabapan ta.

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

Epesus 4:29

Timanan bi na mimon bitsala maat atawa lakaꞌ-lakaꞌ. Ilooy ya poun bi yana bitsala ma katabang atawa ma kasambu ni nyawa sagannap ma kale.

1 Tesaloneka 5:11

Sangkon sipaintom-paintom kam mari kagamgaman pamiki bi saliꞌ-saliꞌ. Maka patagguhun bi iman pagkahi bi meꞌ ndang kabiyasahan bi.

1 Timuti 1:4

Sohoun na sila patagong masensengan waktu da mitsala pasal siga pali-pali ka usuwan kabboꞌ-bboan. Siga hāl meꞌ naa ina yaꞌ luu kapuspusan na. Boꞌ na, inaa na sina poonan pagjawapan. Dari pada meꞌ naa, gam na sila mōꞌ tōꞌ ma katabang ni jama ngahati garaꞌ Tuhan pasal kasalamatan njataꞌ pangando ni si Isa.