1 Korin 10:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Na siga kakasi ku, bong kinawnan numba siga tuhan-tuhan, daa na kitabi palamud.

1 Korin 10:14 ပူးပေါင်းရင်းမြစ်များ

Salsila siga Rasul 15:20

Sugaꞌ subay du baw sina sila pokonan tabi suwat nohoꞌ ngilagan kasohean pabuwatan ma sinipin meꞌ bangsa Yahudi. Intong na, subay sila ngilagan sumbalian ma bay sinongan meꞌ siga kapil ni ga tuhan-tuhan da. Batan para ni bangsa Yahudi, makanan meꞌ looy ilay katamak ni manusiyaꞌ. Maka subay du sila inamay-amayan yaꞌ nohoꞌ ubay ka jama bong saꞌ lla da atawa nda da. Maka subay du sila yaꞌ nginum lahaꞌ atawa mangan sumbalian ma yaꞌ bay tiis lahaꞌ na.

Suwat si Pol pa mman Baanan Sukuꞌ si Isa ndooy ni Rom 12:19

Siga kakasi ku, bong luu buwat maat ningkaam, daa na kam mawos, arapun suhuran bi jaꞌ pa Tuhan. Batan yuk Tuhan njawom kitab, “Aku sa mawos; aku sa nungbasan sagannap ma buwat maat ningkaam.”

1 Korin 10:15

Kaam ina, luu du kam ka honaꞌ-honaꞌ bi. Sangkon bong ina kam mindoga paayad, tabista bi du sina bana bitsala ku.

1 Korin 10:19

Sugaꞌ saꞌ baw silay hantak bitsala ku ga luu kawasa-kapatut siga tuhan-tuhan. Tud yaꞌ sina luu. Maka kulban pun ma sinongan ni tuhan-tuhan, yaꞌ du luu sōng na.

1 Korin 10:7

Kasohean, kalaatan da, bay sila numba siga tuhan-tuhan. Meꞌ bay sinuwatan njawom kitab, “Lay sila ballang, nginum-mangan ka maglami-lami njawom da numba tuhan-tuhan da.” Sangkon amay-amay, daa na kitabi mmeꞌ meꞌ uwahan da numba siga tuhan-tuhan.

1 Korin 5:11

Arapun ilooy ya ilay siꞌ bay maksud ku, yaꞌ ku doman kaam palamud ni siga jama ma mangaku mmeꞌ ni si Isa bong maat pabuwatan da, yana meꞌ sapantun magjina, magnapsu mulakab maka numba siga tuhan-tuhan. Maka ilagan bi du sagannap ma mangaku mmeꞌ ni si Isa bong sila pamitna, palalango ka pangalupig. San mangan, daa na kam palamud ninsila.

2 Korin 11:11

Ni bistahan bi, yaꞌ kina kam kaasean ku sukat ku yaꞌ koleꞌ tulung lakka mman bi? Katoonan Tuhan du sina bong pooy ehe aseꞌ ku ningkaam.

2 Korin 12:15

Gāk du situ ku magtuyuꞌ-tuyuꞌ kalnaꞌ kaam san gi man sīn ku katis sampay anggawtaꞌ ku bong pin sambu jaꞌ nyawa bi. Sugaꞌ tilaw ta teꞌ kam, meꞌ tuu na tamba-manamba na aseꞌ ku ningkaam, sikatuwaꞌ kina bong subay gi maglumba aseꞌ bi niyaku?

2 Korin 12:19

Na kanna bi mareꞌ maksud ku nuwat meꞌ tuu man ku jaꞌ ngandapitan dī kami. Sugaꞌ siga kakasi ku, saꞌ sina meꞌ naa maksud ku. Meꞌ kami tu tibuuk ka Almasi, ilu na Tuhan pakale-kale, mimon pabuwat kami ka bitsala kami ningkaam, numbul satu maksud kami masambu nyawa bi.

2 Korin 6:17

“Palawak na kam man sagannap ma buwat maat. Pasakkat na kam mman da. Maka daa na kam palamud ni oy-oy kalalamaan, boꞌ bi hasi ku.

2 Korin 7:1

Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

Pilipi 4:1

Sangkon siga danganakan ku, kakasi ku, kannahun bi bana bay bitsala ku siꞌ mari kam tattog njawman Papuꞌ Isa. Tud ngintom na situ ku ningkaam. Kaam ina yana poonan kagakan ka kabantugan mehe niyaku.

Pilimun 1:1

Ituu itu aku si Pol njawom pilisu sabap meꞌ ku masaplag umanat pasal si Isa Almasi. Ituu itu suwat kami ka danganakan ta si Timuti pa mman nu Pilimun. Kau ina kakasi kami saltaꞌ na limbang kami maghulas-sangsāꞌ kalnaꞌ Papuꞌ.

Hibrani 6:9

Siga kakasi ku, san ku ilay siꞌ bay halling meꞌ looy, ni bistahan ku, saꞌ baw lay tuwaꞌ pa kaam meꞌ karuha tanaꞌ looy ma yaꞌ luu pūs na. Batan tatantu ku iya pabuwat bi kaayaran ma sikatuwaꞌ ka jama ma salamat na.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

1 Yahiya 5:21

Na siga anak, ilagan bi dī bi mari kam yaꞌ magtuhan ni oy maka oy na ma saꞌ Tuhan sabanna. Wassalam

Siga Pakaradjaan bay Pinalahil 13:8

Dari dak mimon na manusiyaꞌ taꞌ babaw junyaꞌ numba sattuwa looy na. Ilooy du yaꞌ numba iya yana sagannap ma lay na sinuwatan awon da njawom Būk Kaallum man ngalista awon sagannap ma luu kasampulnaan nyawa da saumu-umu. Awon da ilay ndang lay na sinuwatan njawom būk looy labba man kapayak junyaꞌ. Ilooy ma dapu būk looy yana Bili-bili looy ma bay pingkaꞌ pinapatoy.

Siga Pakaradjaan bay Pinalahil 2:14

Sugaꞌ luu gi du baw ina man ku kasallahan ningkaam. Kasohean kam nnaa, bbuwatan bi ngikut akka si Balaam mattoꞌ ma bay magpandoyan Sultan Balak bong pooy meꞌ na magsian bangsa Israil. Sabapan palbiatan si Balaam, lay na ga bay taboo-boo siga sukuꞌ Tuhan mangan sumbalian ma bay pingkaꞌ sinongan pa siga tuhan-tuhan, boꞌ lay gi sila taboo-boo magjina.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”

Siga Pakaradjaan bay Pinalahil 22:15

Sugaꞌ kuwan sagannap ma jahallis, meꞌ sapantun jama ma makoy ilmuꞌ seytan, ma magjina, ma mapatoy jama, ma numba siga tuhan-tuhan, ma tigiꞌ ngandustaꞌ ka ngalilu, yaꞌ dari paasok pa jawom daira looy.”