1 Korin 10:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Sangkon, soysoy kam nnaa mista takkoꞌ banahan pangando bi pa Tuhan, paayad-ayad kam, taggahaꞌ bong yaꞌ iyakinan bi dī bi, lay du kam mintu kapabuwat dusa meꞌ karuha sila du mattoꞌ.

1 Korin 10:12 ပူးပေါင်းရင်းမြစ်များ

Lukas 8:18

Sangkon pakale kam paayad, batan soysoy ina nganna bitsala ku, mastiꞌ sinampunan gi sina pangahati na. Sugaꞌ soysoy ina yaꞌ nganna, malaingkan lugiꞌ jaꞌ ya. Sakayi na ina mintu kasayu, san luu pangahati na dangkitiꞌ, lay na kinaddoan.”

Suwat si Pol pa mman Baanan Sukuꞌ si Isa ndooy ni Rom 11:20

Bana du baw bilay, sugaꞌ intomun bi, danan da bay sinappean sabap yaꞌ sila pitsayaꞌ ni si Isa. Boꞌ kaam ina, danan bi bay pinatunggu isu-isu sabap pitsayaꞌ kam. Sangkon, daa kam malangkaw dī bi. Gam pin subay kam tawu taggahaꞌ binasa kam meꞌ abbu bi.

1 Korin 8:2

Soysoy mista dī na halul-akka, boꞌ yaꞌ luu aseꞌ na, mastiꞌ kulang pangahati na.

Kolossa 2:8

Iyakin kam taggahaꞌ takawum na baw kam meꞌ jama ma mōꞌ tōꞌ palsu. Batan luu sina jinisan ilmuꞌ pinōꞌ ma mahap pinakale, sugaꞌ yaꞌ luu kapuspusan na. Luu ina mōꞌ tōꞌ lakka man arat kabboꞌ-bboan da, bong saꞌ tōꞌ lakka man jinisan aturan pinabuwat-buwat meꞌ manusiyaꞌ. Tōꞌ da ina saꞌ lakka man Almasi.

2 Pitel 3:17

Sangkon, siga kakasi ku, pagka katoonan bi na mimon bay sabbut ku siꞌ, iyakinan bi tōꞌ jama ma yaꞌ ngisbat Tuhan, taggahaꞌ lay na baw kam mintu takoleꞌ da binoo magsiꞌ sampay man bi na ngalabbahan ntan bi.