1 Korin 1:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ tandaꞌ pitsayaꞌ na kam ni umanat mahap pasal si Isa Almasi.

1 Korin 1:6 ပူးပေါင်းရင်းမြစ်များ

Malkus 16:20

Dari kuwan siga mulit na siꞌ, lay na ngalataan kalahat-lahatan masaplag umanat mahap pasal Papuꞌ Isa. Man kawasa na njataꞌ da, meka na sipat kahaylan-haylan bay tapōꞌ da bilang buktiꞌ ni sikamimon tud bana du umanat da.

Salsila siga Rasul 11:17

Na bong sila bay kaladjikian meꞌ Tuhan Rū Sutsiꞌ meꞌ bay karuha ningkitabi du pag lai na tabi pitsayaꞌ ni Papuꞌ tabi si Isa Almasi, soy ku pabasa-basa naggaꞌ Tuhan?”

Salsila siga Rasul 11:21

Njawom da masaplag, luu na pin Papuꞌ magpandoyan sila. Dari tud bay meka jama Antiyok pitsayaꞌ sampay lay na mmeꞌ ni Papuꞌ Isa.

Salsila siga Rasul 18:5

Na yaꞌ gi siꞌ hallom, takka na ga si Saylas ka si Timuti man Masidunya. Ni katakka da, ndaꞌ da si Pol masaplag na pin umanat Tuhan. Bbuwatan na, mahati ni siga Yahudi ndooy pasal si Isa yana Almasi, tukang nalamat bay njanjiꞌ meꞌ Tuhan.

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Salsila siga Rasul 22:18

Njawom pandapat ku, luu Papuꞌ Isa takita ku mitsala niyaku, yuk na, ‘Lakka na ko deꞌ-dēꞌ man Jerusalem mari ko yaꞌ kongoy-kongoy sabap siga jama ntuu yaꞌ ngahasi umanat nu pasal aku.’

Salsila siga Rasul 23:11

Na pag sangom, luu na baw Papuꞌ Isa nammuhan si Pol, nangge ni bihing na. Yuk Papuꞌ niiya, “Pahallotun na pin ba tawakka nu. Yana meꞌ nu bay masaplag kabanahan pasal aku ntuu ni Jerusalem, subay du meꞌ naa meꞌ nu buwat pag mintu ndooy ni Rom.”

Salsila siga Rasul 28:23

Dari lay na baw sila isun bong llaw oy tanam man da pakale ni bitsala si Pol. Na taabut llaw looy, meka na lay pilay pa lumaꞌ man si Pol. Pag-anu siꞌ, lay na sila pahatiyan si Pol kabanahan pasal pamarinta Tuhan. Boꞌ na, lay gi ya mōꞌ buktiꞌ man jawom saraꞌ Nabi Musa ka kitab kanabi-nabihan inaa si Isa yana tukang nalamat ma bay njanjiꞌ meꞌ Tuhan. Boꞌ tud bay pinagtuyuan bana meꞌ si Pol mitsalahan sila labba man sayu ngabut sampay sangom bong pin sila pitsayaꞌ jaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

2 Korin 12:12

Bong siꞌ taintom bi bay jaman ku nnaa natasan kabinsanaan, tumatandaꞌ na pagkarasul ku. Batan jinisan pabuwatan kahaylan-haylan maka sipat kawasa Tuhan bay takita bi njataꞌ ku.

Galatiya 3:5

Saꞌ ba, lay na dean Tuhan Rū na ningkaam, boꞌ lay gi ya makitahan kaam jinisan pabuwatan kahaylan-haylan? Sugaꞌ saꞌ silay sabap meꞌ bi bay buwat jinisan taat saraꞌ agama. Arapun iya ilay bay buwat meꞌ looy sabap meꞌ bi bay pitsayaꞌ ni umanat ma bay takale bi pasal si Isa.

2 Tesaloneka 1:10

Ni llaw katakka na ina mintu, pinudji na ya sampay binuwanan kabantugan mehe meꞌ siga sukuꞌ na, yana sikamimon ma pitsayaꞌ niiya. Boꞌ tud haylan banahan mintu sila ngandaꞌ iya ni kaehe kawasa na. Kaam pun, mastiꞌ tabeꞌ na du sina kam ni siga sukuꞌ na ni llaw looy mintu sabap lay na kam bay pitsayaꞌ ni kabanahan ma bay pasaplag kami ningkaam.

1 Timuti 2:6

Iya ilay, atas na bay nongan umu na supaya tatanggung na dusa manusiyaꞌ sikamimon mari sila kapaddus man hukuman ni dusa da. Boꞌ ituu na situ masa bay ginantaꞌ man umanat pasal iya pinasaplag.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

Siga Pakaradjaan bay Pinalahil 1:2

Dari suwatan ku na mimon ma bay tasakup ku sampay umanat Tuhan ma bay pinalahil meꞌ si Isa Almasi niyaku.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”

Siga Pakaradjaan bay Pinalahil 12:17

Pag ndaꞌ naga looy yaꞌ luu dapat na, tud bay dugahan ya ni danda looy. Dari lay ya lakka mandooy ngalān siga anak danda looy ilooy kasohean. Siga anak na ilay, yana sagannap manusiyaꞌ ma mean panohoan Tuhan ka magkanaalla ngantanan tōꞌ si Isa.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 6:9

Pag lukap Bili-bili looy kanjiꞌ ni kalima na, ngita na baw ku pangulbanan. Ndiyoꞌ na luu ndooy siga nyawa sagannap ma bay pinapatoy sabap meꞌ da bay masaplag palman Tuhan ka meꞌ da kanaalla masampay kabanahan pasal Almasi.