1 Korin 1:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 1:30 ပူးပေါင်းရင်းမြစ်များ

Matiyu 1:21

Pag maddi na ina mintu, lalla anak na. Awnan nu ya si Isa, hati na tukang nalamat, sabap iya na sina mintu nalamat siga sukuꞌ na mari sila yaꞌ minulkaan sabapan bay dusa da.”

Lukas 11:49

Sangkon, ni kalawom akka Tuhan, ndang luu na bay garaꞌ na mungka kalaatan bi. Yuk Tuhan maruhuꞌ, ‘Sohoꞌ ku du sina mintu kanabi-nabihan ka ga rasul pa mman bangsa Yahudi. Pag pōꞌ da ina mintu, kasohean bininsanaꞌ, kuwan kasohean sampay pinapatoy!’ ”

Lukas 21:15

Aku sa muwanan kaam kapandoyan ka bitsala ayad man bi nampung. Dari sagannap ma nulang kaam, yaꞌ na luu dapat da tumanjataꞌ atawa māꞌ magsāꞌ kam.

Yahiya 1:18

Na inawnan Tuhan, yaꞌ bay pingkaꞌ takita leꞌ manusiyaꞌ. Sugaꞌ lay na baw ya pinalahil ningkitabi meꞌ Anak tungga na, yana Tuhan du ma tattap njawom atay Mmaꞌ na.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 17:8

Mimon bay sohoꞌ nu pinamāꞌ niyaku, lay na pasampay ku ninsila, sampay lay na du bay kinapitsayaan meꞌ da. Katoonan da na bana aku lakka mman nu. Pitsayaꞌ na sila kau bay mapitu aku.

Yahiya 8:12

Pag-anu, luu na baw disu waktu si Isa noan jama, yuk na, “Aku tu yana sūꞌ marantaan pamiki manusiyaꞌ. Soysoy mmeꞌ niyaku, yaꞌ na sila bagagap njawom lindom batan luu na sūꞌ da man da ngita lān pa kasampulnaan nyawa.”

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Suwat si Pol pa mman Baanan Sukuꞌ si Isa ndooy ni Rom 1:17

Ni umanat mahap ina, tatammu jama jalan man da taitung meꞌ Tuhan intong. Jalan ma awnan ku ilay siꞌ yana pangando tabi ni si Isa. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

Suwat si Pol pa mman Baanan Sukuꞌ si Isa ndooy ni Rom 11:36

Kon na ilay meꞌ looy batan mimon-mimon lakka man Tuhan. Maka iya magbayaan labbasakayi. Maksud mimon-mimon bay pinapayak supaya labbasakayi kaboo kabantugan niiya. Sangkon, subay ya pinudji saumu-umu. Amin.

Suwat si Pol pa mman Baanan Sukuꞌ si Isa ndooy ni Rom 12:5

Damikiyan, meꞌ kitabi itu binilang baran Almasi, san kitabi meka, tibuuk du kitabi. Maka siguna-guna sina kitabi saliꞌ-saliꞌ.

Suwat si Pol pa mman Baanan Sukuꞌ si Isa ndooy ni Rom 16:11

sampay pa mman si Herodiyon, disu pagkahi ku Yahudi. Maka salam duwaa ni sagannap sukuꞌ si Isa ni lumaꞌ si Narsisus.

Suwat si Pol pa mman Baanan Sukuꞌ si Isa ndooy ni Rom 16:7

Maka salam duwaa du ni siga pagkahi ku Yahudi, yana ga si Andronikas ka si Hunyas ma bay pingkaꞌ dambuwaꞌ ka aku njawom jīl. Sila ina pinagmaltabatan meꞌ mimon rasul si Isa. Maka duhuꞌ gi sila man aku bay mmeꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 4:25

Si Isa ilay bay pinaglillaꞌ meꞌ Tuhan pinapatoy sabapan dusa tabi, boꞌ na pinakallum pabalik supaya kitabi taitung intong.

Suwat si Pol pa mman Baanan Sukuꞌ si Isa ndooy ni Rom 4:6

Bitsala ku itu siꞌ sikatuwaꞌ du ka bitsala Nabi Daud njawom kitab pasal kagakan sagannap ma initung meꞌ Tuhan intong san yaꞌ luu bay pabuwat da.

Suwat si Pol pa mman Baanan Sukuꞌ si Isa ndooy ni Rom 5:19

Bong pasiglaꞌ ta bitsala, poonan disu jama yaꞌ bay ngasip, sikamimon manusiyaꞌ bay dari baldusa. Sugaꞌ poonan disu jama bay ngasip ni panohoan Tuhan, meka na manusiyaꞌ bay initung intong.

Suwat si Pol pa mman Baanan Sukuꞌ si Isa ndooy ni Rom 5:21

Sibuwa ilay, mimon manusiyaꞌ takawum meꞌ napsu da buwat dusa. Dari pag toklas na, matoy sila maka tiksaꞌ nyawa da. Sugaꞌ batnaa, sabapan aseꞌ Tuhan, lay na kitabi initung intong. Maka sabapan pabuwatan Papuꞌ tabi si Isa Almasi, luu na kasampulnaan nyawa tabi saumu-umu.

Suwat si Pol pa mman Baanan Sukuꞌ si Isa ndooy ni Rom 8:1

Sangkon, pagka tibuuk na kitabi ka si Isa Almasi, yaꞌ na luu hukuman mulkaꞌ njataꞌ tabi.

Suwat si Pol pa mman Baanan Sukuꞌ si Isa ndooy ni Rom 8:23

Kitabi pun itu, meꞌ sapantun ngandahing na du, batan landuꞌ na meꞌ tabi magdautan llaw man baran tabi pinabahauwan. Bana na, lay na kitabi pinaasokan Rū Tuhan, yana sabahagiꞌ ni mimon supaat ma bay duhuꞌ pinamuwan meꞌ Tuhan ningkitabi. Sugaꞌ masi du kitabi magdautan llaw man Tuhan malahil kajatuhan mimon supaat ma ndang bay hinallian siga anak na.

Suwat si Pol pa mman Baanan Sukuꞌ si Isa ndooy ni Rom 8:9

Boꞌ kaam ina, yaꞌ na kam pinagbayaan meꞌ napsu bi. Ilooy sa bean bi kahandak Rū Tuhan pagka luu na ya patannaꞌ njawom atay bi. Sugaꞌ bong baw ina luu gi kam nnaa yaꞌ gi luu Rū Tuhan bay pinaasok pa jawom atay bi, malaingkan saꞌ du sina kam sukuꞌ Almasi.

1 Korin 1:2

pa mman bi ma pitsayaꞌ ni si Isa nnaa ni Korin. Kaam ina, lay na lliyun meꞌ Tuhan pa jawom okoman na sampay lay na sinutsiꞌ sabapan pagkatibuuk bi ka si Isa Almasi. Dari lay na kam dari sukuꞌ Tuhan tabeꞌ ni sikamimon jama nnoy-nnoy lahat ma ngisbat si Isa Almasi, yana Papuꞌ da sampay na ningkitabi labbasakayi.

1 Korin 1:24

Boꞌ ningkitabi baw tu ma lay na lliyun meꞌ Tuhan binuwat sukuꞌ na, bangsa Yahudi atawa ssaꞌ, tabista tabi na Almasi ngantanan kawasa ka kapandoyan Tuhan.

1 Korin 12:18

Lipara, mimon kalangkapan baran saliꞌ-saliꞌ ndang lay na pinagsibatuk-batuk meꞌ Tuhan meꞌ ndang karomanan na.

1 Korin 12:27

Na hantak bitsala ku siꞌ, mimon kitabi ma pitsayaꞌ ni Almasi binilang disu baran, yana baran Almasi. Maka saliꞌ-saliꞌ kitabi binilang kalangkapan ni baran na.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 4:15

San ina meka bay pingkaꞌ ngayaran kaam mari kam yaꞌ magsiꞌ man Almasi, aku du tabilang mmaꞌ bi. Batan poonan bi bay pitsayaꞌ ni si Isa Almasi sabap aku bay masampay umanat mahap ningkaam.

1 Korin 6:11

Kaam pun ina maruhuꞌ, meꞌ naa du bay kadarihan bi kasohean. Lipara, lay na kam sinutsiꞌ, maka lay na kam binuwat sukuꞌ Tuhan sampay initung intong. Na mimon kaayaran looy siꞌ, yaꞌ silay bay takoleꞌ bi bong saꞌ sabapan pabuwatan Papuꞌ tabi si Isa Almasi ka Rū Tuhan.

2 Korin 12:2

luu na sapu-mpat taun bay pingkaꞌ. Jaman looy, luu disu lalla katoonan ku ma pitsayaꞌ ni Almasi bay inangkat pa katallu pangkat sulgaꞌ. Yaꞌ baw katoonan ku bong nyawa na sadjaꞌ ka, atawa lay tabeꞌ sampay baran na. Isu-isu Tuhan tau. Sugaꞌ katoonan ku baw, basta mattan ya bay nakka pa sulgaꞌ.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Galatiya 3:13

Boꞌ kitabi itu, ndang katoonan tabi na mimon manusiyaꞌ ngalangga saraꞌ Tuhan. Sangkon pataꞌ kitabi minulkaan bbos-bbos. Lipara, luu na Almasi bay nongan umu na llansang taꞌ tehang supaya tapaddusan na na kitabi man mulkaꞌ Tuhan. Iya ilay gantiꞌ tabi minulkaan. Boꞌ magbēꞌ du silay ka suwat njawom kitab, ilooy ma yuk na, “Soysoy pinapatoy siniitan taꞌ tehang, tumatandaꞌ lay minulkaan meꞌ Tuhan.”

Epesus 1:10

Na garaꞌ Tuhan ilay meꞌ tuu: Pag mintu taabut waktu bay ginantaꞌ meꞌ na, labba man junyaꞌ sampay pa sulgaꞌ subay tinibuuk mimon-mimon pa jawman sakup Almasi.

Epesus 1:14

Boꞌ Rū Sutsiꞌ ina yana katakkoan man tabi katantu takoleꞌ tabi mimon ma bay hinalliꞌ meꞌ Tuhan ni sukuꞌ na. Maka tatantu tabi na bbos-bbos puhu na kasalamatan tabi takoleꞌ tabi pamaehe sanglit ka kabantugan pa Tuhan.

Epesus 1:7

Sabapan lahaꞌ Almasi bay tumpa, ilooy na silay bay maddusan kitabi man pidjalaꞌ ni dusa tabi. Sangkon luu na kaampunan ningkitabi tandaꞌ landuꞌ ehe aseꞌ Tuhan ningkitabi.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 4:30

Maka daa pasusahun bi Rū Sutsiꞌ ka kawul-piil ma naggaꞌ ni kahandak na. Iya ina yana katakkoan man tabi katantu sukuꞌ Tuhan na kitabi. Maka iya du sina katakkoan man tabi katantu mastiꞌ pinaddusan jaꞌ kitabi man mimon kalaatan junyaꞌ bbos-bbos.

Epesus 5:26

supaya kitabi dari sukuꞌ na. Pag batnaa, lay na baw kitabi sinutsiꞌ meꞌ na sabap meꞌ tabi bay pitsayaꞌ ni umanat na sampay bay pinandi.

Pilipi 3:9

Maka ituu gi tu hagaan niyaku ni hāl meꞌ ku initung meꞌ Tuhan intong. Sugaꞌ kaintongan ku itu, saꞌ ga sabap meꞌ ku bay mogbogan saraꞌ agama, arapun sabap meꞌ ku pitsayaꞌ ni si Isa Almasi. Batan kaintongan ku tu, yana ladjikiꞌ man Tuhan niyaku.

Kolossa 1:14

Anak na ina bay nanggung pidjalaꞌ ni mimon dusa tabi supaya tabi taampun na leꞌ Tuhan.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 9:12

Dari meꞌ Almasi bay paasok ni Lugar Pinakasutsiꞌ ndooy ni sulgaꞌ, yaꞌ na ya bay moo lahaꞌ kambing atawa lahaꞌ sapiꞌ lalla. Iya bay boo na, yana lahaꞌ na mismu. Maka iya bay paasok, sakayi labba du, saꞌ na meꞌ karuha siga panghuluꞌ imam mattoꞌ talpaksaꞌ taun pa taun paasok ni Bilik Pinakasutsiꞌ. Maka man sabapan lahaꞌ na bay tumpa, lay ya nanggung mimon dusa manusiyaꞌ supaya luu na lawang man da salamat saumu-umu.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

1 Yahiya 5:6

Na si Isa ilay, luu buktiꞌ man tabi toon iya Anak Tuhan bay pinapitu pa junyaꞌ. Disu buktiꞌ yana jaman na bay tasakup meꞌ jama pinandi ka boheꞌ. Kaduwa na, jaman lahaꞌ na bay pinaduwai. Dari siꞌ, sarī man jaman si Isa bay pinandi, kapatoy na pun, buktiꞌ du iya yana Anak Tuhan. Katallu na, luu gi Rū Sutsiꞌ makitau ningkitabi. Boꞌ mimon ina ma pinakitau meꞌ Rū Sutsiꞌ, mastiꞌ bana sadjaꞌ.

Siga Pakaradjaan bay Pinalahil 14:4

Sutsiꞌ sila. Kanaalla sila pa Tuhan. Sibuꞌ du karuha da ka lalla ma yaꞌ kuhi magjina. Maka paninggai-paninggai Bili-bili looy, luu na pin sila patuhut niiya. Sila ilay yana sagannap manusiyaꞌ ma lay nilakkat man komkoman Ibilis supaya sila dari sukuꞌ Tuhan. Sila meꞌ sapantun buwaꞌ kattoman ma pabiddaꞌ ayad na sinongan pa Tuhan ka Bili-bili looy.

Siga Pakaradjaan bay Pinalahil 5:9

Maka bbuwatan da ngalang kalangan bahau man mudji Bili-bili looy, yuk da, “Kau du tawop ngaddoꞌ suwat naa sampay ngalukap siga kanjiꞌ na sabap lay ko bay nongan umu nu man maddusan manusiyaꞌ man komkoman Ibilis. Lahaꞌ nu bay pinaduwai supaya dari sukuꞌ Tuhan na jama ni mimon kalahat-lahatan ka mimon kabangsa-bangsahan, kaniya-kaniya ka jinisan pallun da.