1 Korin 1:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

1 Korin 1:21 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Lukas 10:21

Na ni waktu looy siꞌ, katakkahan na si Isa kagakan mehe meꞌ Rū Sutsiꞌ sampay yuk na pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, pudji ta ko. Magsuku ku ningkau sabap kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak. Lay na gantaꞌ nu meꞌ looy batan ilooy kasulut ningkau.”

Lukas 12:32

“Na meꞌ kaam siga ipatan ku, san kam yaꞌ meka, daa kam hanggaw ni oy maka oy na. Ndang-ndang gāk du sina Mmaꞌ bi Tuhan muwanan kaam mimon supaat njawom pamarinta na.

Yahiya 12:31

Taabut na situ waktu man Tuhan ngalabuꞌ hukuman na ni kapasal mimon dusa manusiyaꞌ. Maka taabut na du waktu man maā Ibilis ma panghuluꞌ ni manusiyaꞌ ma yaꞌ pitsayaꞌ niyaku.

Suwat si Pol pa mman Baanan Sukuꞌ si Isa ndooy ni Rom 1:28

Pagka bistahan da yaꞌ luu pūs na bong kita ngisbat Tuhan, pinabiya na sina sila meꞌ Tuhan pinagmundaan meꞌ pamiki bingkok buwat kajinisan ma yaꞌ pataꞌ pinabuwat.

Suwat si Pol pa mman Baanan Sukuꞌ si Isa ndooy ni Rom 11:33

Tuhan ina, tud kahaylan-haylan kaayaran na. Yaꞌ tabista tabi ehe lawom akka na ka kapandoyan na. Tunmanūn meꞌ jama kahati siga garaꞌ na ka pabuwatan na.

1 Korin 1:18

Na umanat pasal kapatoy si Isa taꞌ tehang ina, tuktuk na pinasaplag, bong ni sagannap ma song pa nalkaꞌ, meꞌ da mista, karupangan jaꞌ. Boꞌ ningkitabi itu ma sinalamat, katoonan tabi na njataꞌ umanat mahap luu na dapat manusiyaꞌ ngissa kawasa Tuhan nalamat.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

1 Korin 1:24

Boꞌ ningkitabi baw tu ma lay na lliyun meꞌ Tuhan binuwat sukuꞌ na, bangsa Yahudi atawa ssaꞌ, tabista tabi na Almasi ngantanan kawasa ka kapandoyan Tuhan.

1 Korin 1:25

Dari san kasohean mista karupangan jaꞌ garaꞌ Tuhan nalamat manusiyaꞌ, daa kam hidjab. Batan san du sina pooy diyoꞌ kapandoyan Tuhan, masi yaꞌ luu pangabut-ngabut kapandoyan manusiyaꞌ. Damikiyan, san du pooy lammaꞌ kawasa Tuhan, masi du yaꞌ luu pangabut-ngabut manusiyaꞌ san du pooy basag kawasa da.

1 Korin 1:27

Batan Tuhan ina nabiat meneꞌ jama binuwat sukuꞌ na ma binilang meꞌ manusiyaꞌ yaꞌ pandoy. Maksud na, man na mahinaꞌ sagannap ma mista dī da halul-akka. Maka peneꞌ na jama ma yaꞌ luu kawasa-kapatut da man na mahinaꞌ sagannap ma mista dī da kawasahan.

1 Korin 11:32

Sugaꞌ bong ina yaꞌ labbahan ta kalaatan ta, mastiꞌ pinidjalaꞌ jaꞌ sina kita meꞌ Tuhan. Sugaꞌ kon na ilay midjalaꞌ kita mari kita insap supaya yaꞌ na kita pinatabeꞌ ni hukuman ma llabuꞌ njataꞌ sagannap ma saꞌ sukuꞌ na bbos-bbos.

1 Korin 2:14

Sugaꞌ sagannap ma yaꞌ pitsayaꞌ ni Almasi, yaꞌ sila doman pakale ni tōꞌ lakka man Rū Sutsiꞌ sabap kaawran sila kahati. Bong ninsila, karupangan jaꞌ. Yaꞌ tahati da hāl Tuhan sabap yaꞌ luu Rū na njawom atay da muwanan sila pangahati.

1 Korin 4:10

Ni bandingan manusiyaꞌ ina, biddaꞌ na dupang kami sabap meꞌ kami amu-amu masaplag pasal Almasi. Boꞌ kaam baw ina, kanna bi halul-akka na kam ni hāl Almasi. Kami itu, ni bandingan jama, lammaꞌ kawasa kami. Boꞌ kaam baw tu, subay ga kam jama sukup kawasa. Kami itu pinag-udjuꞌ. Gam ina kaam, pinaehe gi.

1 Korin 6:2

Yaꞌ kina katoonan bi, bbos-bbos kitabi sukuꞌ Tuhan ngahukum mimon manusiyaꞌ ma yaꞌ pitsayaꞌ? Dari bong yaꞌ takaya bi nalassay sat palkalaꞌ dikiꞌ ni baanan siga danganakan bi, pooy na baw mintu meꞌ bi pandoy ngahukum mimon ma saꞌ sukuꞌ Tuhan?

Galatiya 1:15

Sugaꞌ pag taabut gantaan Tuhan, lay na ku lliyun meꞌ na binuwat sosohoan na ni kaehe timbang na niyaku. Boꞌ ko hati, niyaꞌ gi san ku bay pōꞌ man jawom kūn induꞌ ku, ndang lay na ku peneꞌ Tuhan.

Galatiya 4:8

Kaam ina nnaa ma saꞌ turunan bangsa Yahudi, saꞌ ba, bay jaman yaꞌ gi katoonan bi Tuhan, bay jaꞌ kam ngisbat siga tuhan-tuhan? Waktu looy ilay, subay ga kam ata siga tuhan-tuhan bi hangat bi numba sila.

Epesus 1:9

Boꞌ garaꞌ na ilay, ndang bay ginantaꞌ pinajatu njataꞌ si Isa Almasi, batan ndang inaa nulut ni kahandak na. Kamaatunan garaꞌ na ilay yaꞌ gi bay tasayu meꞌ manusiyaꞌ maruhuꞌ. Sakayi na pinalahil noy ningkitabi na ni timpu batnaa.

Epesus 3:10

Maksud Tuhan ina, njataꞌ kawul-piil sagannap ma pitsayaꞌ ni Almasi, pakitahan na mimon malaikat ka siga seytan bong pooy lawom akka na ka pangahati na majatu garaꞌ na.

Kolossa 1:19

Batan ndang bay silay ginaraꞌ meꞌ Tuhan subay mimon arat-tabiat na ka kawasa pagkaTuhan na takita njataꞌ Anak na.

Hibrani 1:14

Boꞌ siga malaikat ina sosohoan Tuhan sadjaꞌ sinohoꞌ ngayaran mimon manusiyaꞌ ma koleꞌ kasalamatan man Tuhan.

Hibrani 2:3

Na bong meꞌ looy bay katuwaꞌ ninsila, pooy meꞌ tabi kailag mulkaꞌ Tuhan bong pabiya tabi umanat kasalamatan, meꞌ naa na ehe hagaꞌ na? Umanat looy ilay, Papuꞌ Isa mismu bay duhuꞌ masaplag. Pag-anu, kuwan sila ma bay kale niiya balharapan, sila na baw bay masaplag sampay muwanan kitabi buktiꞌ tud bana bitsala na.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

Yaꞌkub 5:15

Na bong ina tud mangando du siga pa-mmean bi pa Tuhan ngabbul duwaa da, malaingkan kaulian jaꞌ sina jama looy ma saki. Maka pinabalik na sina anggawtaꞌ na meꞌ Papuꞌ. Maka bong luu dusa na lay na akuhan na ni pag-awpan da, inampun na du sina ya meꞌ Papuꞌ.

Yaꞌkub 5:20

Batan subay katoonan bi, bong ina luu jama bay takoleꞌ bi nohoꞌ ngalabbahan siga dusa na, lay na ya paddusan bi man jawom katiksaan nyawa. Dari san bay meka dusa na, lay na puwas. Ngkod tuu jaꞌ bitsala ku. Wassalam