1 Korin 1:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Bbuwatan bi konoꞌ, yuk dangan, “Aku mmeꞌ ni si Pol.” Yuk disu na baw, “Bong aku, mmeꞌ ku ni si Apolos.” Yuk disu na baw, “Niyaku la, mmeꞌ ku ni si Pitel.” Kuwan kasohean baw, yuk da konoꞌ, “Ningkami la, ilooy jaꞌ bean kami Almasi.”

1 Korin 1:12 ပူးပေါင်းရင်းမြစ်များ

Matiyu 23:8

“Sugaꞌ kaam, daa kam magsitingka pagkahi bi ma pitsayaꞌ niyaku. Daa subay na pin kam nganggalla pagkahi bi ‘Tuwan Guru,’ atawa ‘Maꞌ,’ atawa ‘Papuꞌ,’ batan saliꞌ-saliꞌ du kam magdanganakan, boꞌ disu du guru bi ka Papuꞌ bi, yana aku, Almasi. Damikiyan, disu du Mmaꞌ bi sikamimon, yana Tuhan ni sulgaꞌ.

Yahiya 1:42

Pag-anu, lay na boo na si Saymon pa mman si Isa. Pag takita ya meꞌ si Isa, yuk na, “Kau na bitu hati si Saymon, anak si Yahiya. Sugaꞌ batnaa, awnan ta na ko si Sipas.” (Ni pallun Yahudi hatiyan Sipas sibuꞌ du ka hatiyan Pitel ni pallun Greek. Hatiyan da sikaduwa yana “batu.”)

Salsila siga Rasul 18:24

Na ni waktu looy du siꞌ, luu na baw disu Yahudi ma pitsayaꞌ na du ni si Isa takka pa Epesus. Awon na si Apolos, jama man Aleksandriya. Iya ilay pintal mitsala maka lahal ni kitab kanabi-nabihan.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

1 Korin 1:11

Kon ku tu mitsala meꞌ naa, siga danganakan, sabap bay ku kaakahan meꞌ siga paglūng si Kaluya luu konoꞌ kam nnaa magjaw-jawap.

1 Korin 15:5

Pag-anu, llum jaꞌ siꞌ ya pabalik, lay gi ya patammu ni si Pitel, boꞌ na bay nammuhan siga rasul na ilooy kasohean.

1 Korin 15:50

Siga danganakan, hantak bitsala ku ilay siꞌ, baran tabi itu ma luu isi na ka lahaꞌ na, yaꞌ luu lamud na ni pamarinta Tuhan. Batan baran tabi itu ma kuhi gi matoy sampay ngahaluꞌ, yaꞌ luu kabigiꞌ-bigian na ni hāl ma yaꞌ luu masa na.

1 Korin 16:12

Na kuwan danganakan tabi si Apolos, sabuli-buli ku situ bay nganjunjung iya nohoꞌ mmeꞌ ni siga danganakan tabi pilu ngandaꞌ-ngandaꞌ kaam, sugaꞌ yaꞌ gi ya konoꞌ kasakap. Bāꞌ na, pilu sa ya bong luu na dapat na.

1 Korin 4:6

Na siga danganakan, aku ilay siꞌ bay nabbut pabuwatan kami ka si Apolos man ku muwanan kaam pamintangan. Maksud ku mari kam yaꞌ palabi man siga tōꞌ njawom kitab. Intong na, ddong na kam mantug disu danganakan saula-ula patingkat ya man kasohean.

1 Korin 7:29

Siga danganakan, ituu jaꞌ meꞌ ku ka kaam: Yaꞌ na situ hallom waktu tabi taꞌ junyaꞌ. Sangkon, labba man batnaa, subay Papuꞌ numbul satu pakutuꞌ tabi, luu yaꞌ luu soheꞌ tabi sitampu.

1 Korin 9:5

Maka saꞌ ba, luu du kapatut kami handa ni danda ma pitsayaꞌ ni si Isa sampay moo nda kami padisu-padisu lahat? San baw ga si Pitel ka siga rasul si Isa kasohean sampay siga danganakan si Isa moo nda da du. Boꞌ na, sapatut na, siga nda da pun subay du binalanjaan meꞌ siga jamaa.

2 Korin 10:7

Kaam ina kasohean, meꞌ bi manding jama, mindoga jaꞌ kam ni hāl ma takita bi ni poan, boꞌ niyat njawom atay, niyaꞌ san paruli bi. Baꞌ-bāꞌ kasohean nnaa, sila du bay binuwanan kapatut meꞌ Almasi binuwat sosohoan na. Sugaꞌ subay siꞌ tabista da, bong sila sosohoan Almasi, kami pun iyadu.

2 Korin 9:6

Hāl muwan ina, papaham kam. Sibuꞌ du sina karuha na ka jama naburan bani. Soysoy ngumit meꞌ na bay naburan bani, pag kattom na, dangkitiꞌ du. Sugaꞌ soysoy ina bay nabud paeka, pag kattom na, mastiꞌ meka du.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.