ZƐKARƖYA 9:4 - WƖA TENIŊ

⁴ Ama La TƖƖNA jaŋ laa kɩalɩŋ Taaya sɩ kɛnɛ, a chei dol-la ʋ sɩ kɛnɛ mʋgʋ-balɩŋ lɛ. Nyiniŋ jaŋ diiu.

ZƐKARƖYA 9:4 ပူးပေါင်းရင်းမြစ်များ

NAMAGABA 10:2

Dɩ ŋ nɛ to bɔŋ bɔŋ a dʋa, kɩalɩŋ bɩ yuŋ kala kɛnɛ. Ama tʋɔpʋla jaŋ lɩɩsɩŋ sʋʋŋ lɛ.

NAMAGABA 11:4

Dʋa ŋaa pɛɩ nɛ tapʋlɩɩ-la La Tɩɩna sɩ jaŋ na baanɩŋ, ama tʋɔpʋla-na jaŋ laaŋ ta sʋʋŋ lɛ.

AZAAYA 23:11

La TƖƖNA kɛŋ ʋ nɩsɩŋ zaarɛ mʋgʋ-balɩŋ nyuŋ nɛ a kɛŋ kuoru-gentisi-la kala jigisi. Ʋ nɛ leŋe ba chei Taaya arɩ Sɩdɔŋ ta-duoru-la ba sɩ saa jebiee a kaa pʋpɔ ba tɩtɩa.

ƐZƖKƖƐL 26:17

Ŋɩɩ nɛ ba jaŋ ta jembiiŋ pɩŋ a bʋl: ‘Tabal-la sɩ kɛŋ yɩrɩŋ, ba cheyu, nɩalɩŋ fa sɩ jɩŋ mʋgʋ-balɩŋ. Ŋ dɩ nɩalɩŋ sɩ hɔŋ ŋ lɛ nɛ fa kɛŋ doluŋ mʋgʋsʋŋ lɛ, ŋ fa joŋ fawʋllʋŋ hɛ nɩalɩŋ kala sɩ hɔŋ ŋ tinteeŋ mʋgʋ-balɩŋ niiŋ nɛ.

ƐZƖKƖƐL 28:16

Ŋ bayalɩŋ fa yʋga, ŋɩɩ leŋ ŋ ŋaa nii-jɩgɛ tɩɩna a ŋaa wʋbɔŋŋɔɔ. Ŋɩɩ nɛ mɩ kiriŋ ta mɩ-na Wɩa peel-la nyuŋ, mɩ tɩndaarʋ-la sɩɩ pɔŋ nɛ kiriŋ ta ŋ lɩɩ tabɩa-la sɩɩ chol nyiniŋ tʋɔŋ.

ƐZƖKƖƐL 28:18

Ŋ ŋaa wʋbɔŋŋɔɔ yʋgɛ nɛ ŋ bayalɩŋ lɛ a chei ŋ Wɩɩchʋɔlɛ leree kala. Ŋɩɩ nɛ mɩ joŋ nyiniŋ hɛ ŋ taŋ lɛ, ʋ kala dii buru a pɩŋ tinteeŋ. Nɩalɩŋ kala sɩɩ beniŋ na arɩ ŋ die nɛ a bɩrɩmɛ tʋɔrʋŋ.

ƐZƖKƖƐL 28:2

Nuhuobiiŋ, bʋla pɩ Taaya kuoro, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ŋ bigisi ŋ tɩtɩa lɛ a bʋl, ‘Mɩ ŋaa wɩa nɛ, a hɔŋ wɩa kuoru kpasa nyuŋ mʋgʋ-balɩŋ tʋɔŋ.’ Ama ŋ ŋaa nuhuobiiŋ nɛ, ŋ bɩ wɩa ŋaa, ŋ sɩ bɩɩna ŋ jɩŋ wɩaa a nagɛ wɩa ŋɩɩ.

ƐZƖKƖƐL 28:8

Ba jaŋ kpʋŋ, dɩ ŋ sʋʋ nɩduo sʋʋŋ a tuu mʋgʋ-balɩŋ tʋɔŋ.

JOWƐL 3:8

Mɩ jaŋ yallɛ ma hambolibiisiŋ arɩ ma hantolibiisiŋ a pɩ Juda nɩaa, dɩ ba ma laa yalla pɩ Sabɩa nɩaa sɩ hɛ tintee-la sɩ bolie lɛ.” Mɩ-na ma TƖƖNA nɛ bʋla.

AMƆS 1:10

Mɩ jaŋ joŋ nyiniŋ a hɛ taŋ-la ba sɩɩ yɩrɛ Taaya jeyee lɛ, dɩ ʋ dii ʋ dɩɩ-duoruŋ.”

ZƐKARƖYA 9:5

Tabal-la ba sɩɩ yɩrɛ Asɩkɛlɔŋ jaŋ naʋ dɩ fawʋllʋŋ kɛnʋ. Hɛɛŋ jaŋ jʋʋ taŋ-la ba sɩɩ yɩrɛ Gaza, a pɛ Ɛkʋrɔŋ lɛ, ʋ yɩɛlaa kala jaŋ lɛl. Ba jaŋ kpʋ Gaza kuoro, ka dɩ Asɩkɛlɔŋ ma pɩŋ jikpeeŋ.