ZƐKARƖYA 9:3 - WƖA TENIŊ

³ Taaya saa dɩ-duo nɛ a pɩ ʋ tɩtɩa, a chɛ hɔpʋla chʋɔrɛ a nagɛ hagɩla, a chɛ sɛlɩmɛ ma chʋɔrɛ a nagɛ nʋsʋrʋŋ sɩ pɩŋ womporunuŋ lɛ.

ZƐKARƖYA 9:3 ပူးပေါင်းရင်းမြစ်များ

2 SAMƲƐL 24:7

Ba lɩɩ nɩmɛ a mʋ Taaya, taŋ-la ba sɩ saa kɛrɛ a golli, a joŋo mʋ Hivi tɩŋŋaa arɩ Kɛnaŋ tɩŋŋaa tasɩŋ kala. Dɩdɛrɩŋ ba mʋ Bɛɛsɩba sɩ hɛ Juda tintee-hɩlɩŋ wɩɩpɔsʋŋ nadiiŋ dɩɩrɩŋ.

1 KUOROO 10:21

Kuoro Solomoŋ nyʋnyʋalʋsʋŋ kala, sɛlɩmɛ nɛ ba kaa ŋaa. Ʋ kuoru dɩa gbansɩ-la kala sɩ hɛ dɩa-la ba sɩɩ yɩrɛ Lɛbanɔŋ duuŋ lɛ, sɛlɩmɛ dʋndʋŋa nɛ ba kaa ŋaa. Kʋŋkala fa tuo ba kɛŋ hɔpʋla ŋaa, bɛɛ wɩaa bʋa-la lɛ hɔpʋla fa bɩ yuŋuŋ kɛnɛ.

1 KUOROO 10:27

Bʋa-la lɛ Solomoŋ sɩ dii kuoruŋ, hɔpʋla fa pʋrɩga nɛ woruŋ Jerusalɛm lɛ a nagɛ tabɩaa, kuolu daasɩŋ ma pʋrɩgɛ woruŋ a nagɛ tutogusuŋ sɩ hɛ Juda tinteeŋ dundollu-la sɩ hɛ peelee bʋbʋɔŋ nyuŋ.

JOB 22:24

a joŋ ŋ sɛlɩmɛ yuo ta hagɩla lɛ, a joŋ ŋ sɛlɩmɛ-la sɩ chaasa zɔŋ a yuo ta fuonaaŋ sɩ hɩla lɛ,

JOB 27:16

Dɩ nɩbɔmʋŋ nɛ paala kɛŋ dʋnɩa moribiee kala, dɩ ʋ gɛnnɩŋ ma chʋɔrɛ a nagɛ chʋrʋŋ,

JOB 3:15

arɩ kuorusu-la fa sɩ kɛŋ sɛlɩmɛ, a chʋŋ hɔpʋla su ba dɩɩsɩŋ.

AZAAYA 23:11

La TƖƖNA kɛŋ ʋ nɩsɩŋ zaarɛ mʋgʋ-balɩŋ nyuŋ nɛ a kɛŋ kuoru-gentisi-la kala jigisi. Ʋ nɛ leŋe ba chei Taaya arɩ Sɩdɔŋ ta-duoru-la ba sɩ saa jebiee a kaa pʋpɔ ba tɩtɩa.

AZAAYA 23:8

Kʋbɛɛba nɛ vʋʋra joŋ wɩɩŋ deeŋ ŋaa Taaya lɛ, tabal-la kuoroo sɩɩ bil kuori biisiŋ? Ʋ bayalaa kala fa ŋaa kuori-biiriŋ nɛ, dʋnɩa nɩaa kala zizilba.

ƐZƖKƖƐL 26:12

Ba jaŋ paa ŋ dʋa arɩ ŋ bayal kɩaa, ba jaŋ ŋmoo ŋ jeyee lo aŋ giri ŋ dɩɩ zɔŋŋɔɔ, aŋ paa ba tabɩaa, doloo arɩ tɩɛrɩŋ a yuo hɛ mʋgʋ-balɩŋ tʋɔŋ.

ƐZƖKƖƐL 27:27

Ŋ dʋa, ŋ bayal kɩaa, ŋ lɩɩ-duoroo, ŋ nɩalɩŋ sɩɩ tɩŋ lɩɩŋ tʋɔŋ arɩ nɩalɩŋ sɩɩ kpaasɛ lɩɩŋ daborusuŋ, ŋ bayalaa arɩ ŋ laalɩyuoroo arɩ nʋʋ na-kala sɩ hɛ ŋ lɛ jaŋ tuu mʋgʋ-balɩŋ tʋɔŋ tapʋlɩɩ-la ŋ sɩ jaŋ yɛrɛ.

ƐZƖKƖƐL 27:33

Ŋ sɩ kɛŋ ŋ bayal kɩaa chol mʋgʋ-balɩŋ cholo, ŋ leŋe tintee daŋ nɛ na ba kʋchɛɛlɛɛ, ŋ dʋa daŋ-la arɩ ŋ bayal kɩaa leŋe dʋnɩa kuoroo ŋaa kɩa tɩmma nɛ.

ƐZƖKƖƐL 27:34

Ama lɛɛlɛ ŋ yɛrɛ nɛ mʋgʋ-balɩŋ tʋɔŋ, a tuu lɩɩŋ bʋbʋɔŋ dɩ-luŋuŋ. Ŋ bayal kɩaa arɩ ŋ nɩaa kala nɛ to ŋ harɩŋ tuu lɩɩŋ bʋbʋɔŋ.

ƐZƖKƖƐL 28:1

La TƖƖNA fa bʋl wɩaa pɩmɛ, ʋ sɩ:

AMƆS 1:9

Wɩɩ-la La TƖƖNA bɩra sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Taaya nɩaa a tɩŋ ba wʋbɔŋ dandaŋ-la wɩaa. Ba kɛsɛ ta-pilimee nɩaa nɛ a yalla pɩ Ɛdɔm tɩŋŋaa ba ŋaa yosi, aŋ bɩ naambii nii-la sɩ hɛ ʋ dɩ ba pɛgɛ kaa tɩŋ.

JOSUA 19:29

Ŋɩɩ nɛ bʋa-la bɩra gɛbɛ a tʋʋlɛ Rama a joŋ ŋɩɩ a mʋ yi Taaya tabal-la ba sɩ saa kɛrɛ golli aŋ gʋrɛ a tʋʋlɛ Hosa a kʋ lɩɩ dɛrɛ Mediterenia mʋgʋ-bal-la lɛ. Tasɩ-la dɔnsʋŋ ma nɛ Mahalab arɩ Akɩzɩb,