ZƐKARƖYA 9:13 - WƖA TENIŊ

¹³ Mɩ jaŋ kɛŋ Juda gʋɔrɛ a nagɛ mɩ sɩ gʋɔrɛ mɩ toŋ, dɩ Efirem nɛ ŋaa ʋ to-hɛŋŋɛɛ. Mɩ jaŋ leŋ dɩ Zaayɔŋ nɩaa nagɛ laalɩyuori babii-balɩŋ tokobiiŋ, dɩ mɩ kaa yuo Giriisi nɩaa.”

ZƐKARƖYA 9:13 ပူးပေါင်းရင်းမြစ်များ

WƖA YƖƖLAA 144:1

Mɩɩ dɛnnɛ La Tɩɩna sɩ kɛŋ doluŋ a nagɛ bʋŋ, ʋ nɛ gʋnnɛmɛ laalɩŋ yuonuŋ.

WƖA YƖƖLAA 149:6

Má leŋ dɩ Wɩa dɛnnɩŋ hɛ ma niiŋ lɛ. Ka ma kori tokobiiŋ niiriŋ balɩa sɩɩ dii,

WƖA YƖƖLAA 45:3

Laalɩyuori babiibal, joŋ ŋ tokobiiŋ gɩrɩgɛ, ŋ ŋaa nɩbal nɛ a kɛŋ yɩrɩŋ.

AZAAYA 49:2

Ʋ leŋe mɩ niiŋ wɩaa kɛŋ niiŋ a nagɛ tokobiiŋ nɛ. Ʋ kɛmmɛ faa ʋ vaaluŋ bʋbʋɔŋ nɛ. Ʋ chɛsɛmɛ nɛ a nagɛ ba sɩ chɛsɛ to-hɛmɩŋ a joŋo hɛ ʋ to-huoŋ lɛ.

JƐRƖMAAYA 51:20

La TƖƖNA sɩ, “Babɩlɔŋ, ŋ nɛ mɩ laalɩŋ toŋguluŋ, mɩ laalɩyuori kʋa. Ŋ nɛ mɩ jaŋ kaa ŋmoo tinteyee pɩsɛ, ŋ nɛ mɩ kaa chei kuori-gentisiŋ.

JEMBIEE 4:2

Zaayɔŋ nɩaa fa ŋaa nɩfɩama nɛ, ba fa kɛŋ yuŋuŋ a nagɛ sɛlɩmɛ nɛ, aŋ ka nɩaa lɛɛlɛ jomba, ba nagɛ chʋrʋŋ pupoiŋ, pupo-mɛɛrɛ sɩ mɛ.

AMƆS 2:11

Mɩ nɛ lɩɩsɛ ma dɔnsʋŋ ma ŋaa mɩ wʋlaabʋllaa, ma dɔnsʋŋ ŋaa nɩalɩŋ sɩ joŋ ma tɩtɩa pɩmɛ baa yɩrɛ Nazarɩ tɩŋŋaa. Iziral tɩmma, wɩɩŋ deeŋ bɩ wʋtɩtɩɩ ŋaa? Mɩ-na ma TƖƖNA nɛ bʋla.

OBADAAYA 1:21

Nɩduoruŋ jaŋ lɩɩ Zaayɔŋ peel-la lɛ a yuo dii Ɛsɔ doho nɩaa a bibemba, dɩ kuorii-la ŋaa mɩ-na ma TƖƖNA kʋŋ.”

ZƐKARƖYA 1:21

Mɩ pɩɛsɛ, “Bɛɛ kʋŋ nɛ kɩaa deemba arɩ nɩaa deemba kʋkɔ dɩ ba ŋaa?” Ʋ bʋl, “Nyilliŋ deemba nɛ pɩsɛ Juda dɩ nʋʋkala sɩ wuo kɛŋ nyuŋ je nɩmɛ. Ama libire-la kɔ dɩ ba joŋ fawʋllʋŋ hɛ ba lɛ nɛ a chei tinteyee nɩaa dol-la ba sɩ kaa pɛsɛ Juda lɛ dɩ ba leŋ dɩ ʋ nɩaa pɩsɛ.”

Ɛfɛsɩs Nɩaa 6:17

Wɩa sɩ laama ta ŋɩɩ, ʋ maga dɩ ʋ nagɛ hɔɔŋ nyuŋ-chu-gbaŋkogo nɛ ma joŋo chu, aŋ joŋ Wɩa Dɩŋ-zɔmʋŋ tokobiiŋ a kori. Tokobii-la nɛ ŋaa Wɩa niiŋ wɩaa.

2 Timoti 4:7

Mɩ yuo laalɩ-zɔŋ-la nɛ woruŋ. Mɩ fá mɩ fanɩŋ dɛrɛ nɛ. Mɩ chɩŋ wɩalɩŋ mɩ sɩ laa dii lɛ nɛ.

Hiburu TƖŊŊAA 4:12

Wɩa niiŋ wɩaa weye a kɛŋ niiŋ a kɩɩ tokobiiŋ niiriŋ balɩa kala sɩɩ dii nyagaga. Ʋ yie wuo tɔɔ jʋʋ nuhuobiine, a kɛŋ ʋ dɩma arɩ ʋ mɩɩsɩŋ kaa pɔrɛ dɔŋɔ lɛ. Ʋ yie wuo jɩŋ nuhuobiine tʋɔŋ arɩ ʋ tʋɔbɩɩnaa kala.

Jɔɔŋ Wʋnaalaa 1:16

Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 19:21

Nɩɩ-la sɩ jɩl jɔɔ-la kɛŋ tokobii-la sɩ lɩɩ ʋ niiŋ lɛ kaa kpʋ nɩkaanaa. Diibiisiŋ lorigi ba nampɩlɩŋ kala.

Jɔɔŋ Wʋnaalaa 2:12

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Pɛgamɔm lɛ. Mɩ-na nɩɩ-la sɩ kori tokobiiŋ niiriŋ balɩa kala sɩɩ dii nyagaga nɩɩ bʋl wɩaa deemba.