ZƐKARƖYA 9:12 - WƖA TENIŊ

¹² Má mɩɩra mʋ ma dɩɩ-duoruŋ, ma-na dansarɩkaba sɩ kɛŋ yɩɛlaa. Lɛɛlɛ mɩ heele bʋl arɩ mɩ jaŋ bɩra pɩma kɩaa magɛ ŋɩɩ ma fa sɩ kɛnɛ naansɩɩŋ bʋlɩa.

ZƐKARƖYA 9:12 ပူးပေါင်းရင်းမြစ်များ

JOB 42:10

Job sɩ chʋɔlɛ Wɩa pɩ ʋ nandɔsʋ-la harɩŋ, La Tɩɩna leŋ ʋ bɩra dʋa woruŋ, a magɛ ŋɩɩ ʋ fa sɩ kɛnɛ naansɩɩŋ bʋlɩa.

AZAAYA 24:22

Ba jaŋ kiriba hɛ dɔŋɔ a nagɛ nɩaa sɩ hɛ bɩnɩŋ dɩa tʋɔŋ. Ba jaŋ tɔba hɛ nɩmɛ a mʋ yi bʋa-la ba sɩ jaŋ dɔgɩsɛba.

AZAAYA 38:18

Nɩalɩŋ sɩ hɛ lɛlɛɛ-jaŋ bɩ jaŋ wuo dɛnnɩŋ, ba bɩ jaŋ wuo joŋ ba yɩɛlaa hɛ ŋ lɛ arɩ ŋ kɛŋ wʋtɩtɩɩ nɛ.

AZAAYA 40:2

Má fɩɛla bʋl wɩaa pɩ Jerusalɛm nɩaa dɩ ba tʋɔŋ pɩŋ dɩ-bala, arɩ hɛɛ-la ba fa sɩɩ na dɛrɛ nɛ. La TƖƖNA leŋe ba tiŋ ba wʋbɔŋŋɔɔ chɩmɩŋ kala nɛ, ʋ dɔgɩsɛba naansɩɩŋ bʋlɩa nɛ a tɩŋ ba wʋbɔmɔ-la wɩaa.

AZAAYA 49:9

Ŋ jaŋ laa nɩalɩŋ ba sɩ yuo kɛsɛ arɩ nɩalɩŋ sɩ hɛ birimiŋ tʋɔŋ a ta dɩ ba na pʋlʋmʋŋ. Ba jaŋ na kʋdiilee lee-la kʋŋkala sɩ paala tuo.

AZAAYA 52:2

Má pɩɩsɛ ma disiniŋ ta, aŋ hɔŋ ma kuoru kpasa nyuŋ. Ma Jerusalɛm nɩalɩŋ ba sɩ yuo kɛsɛ, má lɩɩsɛ chɔrʋmɔ-la sɩ hɛ ma baŋŋaa lɛ.

AZAAYA 61:7

Mɩ nɩaa sɩ dii hɩɩsɩŋ ŋɩɩ, ba jaŋ nɩɩ sɩma kɩɩ ŋɩɩ bʋlɩa bʋlɩa ba tinteeŋ lɛ. Ba sɩ jolimiba ŋɩɩ, ba kpaalɩŋ jaŋ ŋaa bʋlɩa tintee-la lɛ dɩ ba kɛŋ tʋɔtɔrʋŋ a kaa mʋ wuu.

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 31:17

Ŋɩɩ wɩaa má kɛŋ yɩɛlaa nɛ a mʋ tɩgɛ ma chie lɛ. Mɩ-na ma TƖƖNA nɛ bʋla. Ma biiriŋ jaŋ mɩɩra kɔ ba tɩtɩa tinteeŋ.

JƐRƖMAAYA 31:6

Tapʋlɩɩ dɔŋ jaŋ kɔ, nɩalɩŋ sɩ pɔ leriŋ a bibeŋ jaŋ faasa yɩrɛ Efirem dundolluŋ nyuŋ a bʋl, ‘Má kɔ dɩ la mʋ Zaayɔŋ, La TƖƖNA Wɩa teeŋ.’ ”

JƐRƖMAAYA 50:28

Má jegile nɩɩ nɩalɩŋ sɩ foro lɩɩ Babɩlɔŋ kɔ sɩɩ bʋl wɩalɩŋ Zaayɔŋ lɛ, ŋɩɩ mɩ-na ma TƖƖNA Wɩa sɩ joŋ mɩ baanɩŋ tiŋ Babɩlɔŋ nɩaa lɛ a tɩŋ ʋ dɩɩ-bal-la wɩaa.

JƐRƖMAAYA 51:10

Mɩ nɩaa, má ŋaa goŋ, La TƖƖNA daga arɩ la kɩaa sɩma nɛ. Má kɔ dɩ la bʋlʋ Zaayɔŋ lɛ, wɩɩ-la La TƖƖNA Wɩa sɩ ŋaa.

ƐZƖKƖƐL 37:11

Ŋɩɩ nɛ ʋ bʋla pɩmɛ, “Nuhuobiiŋ, haŋgbelee deemba nɛ ŋaa Iziral tɩŋŋaa kala. Ba sɩ, ‘La haŋgbelee kala hɩla nɛ, la bɩra bɩ yɩɛlaa kɛnɛ, la lɛlɛ nɛ.’

HOSIA 2:15

Nɩmɛ nɛ mɩ jaŋ bɩra joŋ ʋ tɩɩnɛnɛɛ bagɩsɩŋ pʋ, a leŋ dɩ Akɔ fuonaa-la fa sɩ ŋaa wʋjʋʋlaa lee, dɩ ʋ mɩɩra ŋaa lee sɩ kɛŋ yɩɛlaa. Nɩmɛ nɛ ʋ jaŋ yɩɩ yɩɩlaa a nagɛ ʋ hambiiriŋ bʋa lɛ, a nagɛ tapʋlɩɩ-la ʋ sɩ lɩɩ Ijipiti tinteeŋ lɛ.

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

MƖKA 4:8

Ŋ-na Jerusalɛm nagɛ dɩɩ-leŋii nɛ mɩ sagɛ ʋ nyuŋ aa beŋ mɩ piesee, a ŋaa Zaayɔŋ nɩaa dɩ-duoŋ. Mɩ jaŋ leŋ dɩ ŋ bɩra kɛŋ ŋ faafaa dol-la. Ma-na Jerusalɛm nɩaa nɛ jaŋ didii kuoruŋ.

NAHUM 1:7

La TƖƖNA wɩaa zɔmɔ, ʋ nɛ nɩaa yie mʋ yuori dɩ wɩaa nɛ jʋʋba. Ʋʋ beŋ nɩalɩŋ kala sɩ laaʋ dii nyuŋ nɛ,

Hiburu TƖŊŊAA 6:18

Wɩa saa ŋaa wɩaa balɩa nɛ. Ʋ sɩ wuo bʋl wɩɩ-la aŋ pɛ ŋmɩɛsɛ ŋɩɩ, wɩaa deemba balɩamɩŋ bɩra bɩ jaŋ kɔ dɩ ba bɩrɩma, bɛɛ wɩaa Wɩa bɩ wɩaa nyɩɛ. Ŋɩɩ wɩaa, la nɩalɩŋ sɩ fá mʋ Wɩa teeŋ dɩ ʋ laala ta nyuŋ nyaasɛ nɛ dɩ la kɛŋ yɩɛlaa woruŋ a mʋ tɩgɛ wɩalɩŋ Wɩa sɩ sɩ ʋ jaŋ ŋaa pɩla lɛ.

Hiburu TƖŊŊAA 6:19

La sɩɩ yɩɛlɛ wɩalɩŋ ŋɩɩ, la jaŋ wuo nyɩrɛ la bɔyɛ a chɩŋ wɩalɩŋ la sɩ laa dii lɛ woruŋ, a wuo jʋʋ Wɩa dɩ-zɔŋ-la, lee-la patɩɩsaŋ-balɩŋ fa sɩ kɛrɛ.