ZƐKARƖYA 9:11 - WƖA TENIŊ

¹¹ Ama ma-na mɩ nɩaa, a tɩŋ nii-la sɩ hɛ mɩ dɩ ma pɛgɛ la kɛŋ chalɩŋ magɩlɛ wɩaa, mɩ jaŋ lɩɩsɛ ma nɩalɩŋ sɩ ŋaa dansarɩkaba buotuo-la sɩ bɩ lɩɩŋ kɛnɛ lɛ.

ZƐKARƖYA 9:11 ပူးပေါင်းရင်းမြစ်များ

2 SAMƲƐL 13:13

Dɩ ŋ nɛ ŋaa wɩɩŋ deeŋ mɩ lɛ, nɩɩ nɛ mɩ jaŋ kɛŋ hɩɩsɩ-la to mʋ? Ka ŋ-na tɩtɩa? Ŋ jaŋ nagɛ nɩpɛɩ Iziral tinteeŋ lɛ. Mɩɩ sʋlʋŋ, bʋl wɩɩ-la pɩ kuoro, ʋ jaŋ leŋ dɩ mɩ jaaŋ.”

2 IZIRAL TƖŊŊAA NAABARƖŊ 7:17

Ŋ-na Solomoŋ, dɩ ŋ nɛ tomi arɩ ŋɩɩ ŋ nyɩmma Devit fa sɩ tomi, a ŋaa wɩalɩŋ kala mɩ sɩ daga, a to mɩ niiriŋ arɩ wombie-la mɩ sɩ bile,

JOB 33:30

dɩ ʋ lɩɩsʋ sʋʋŋ bʋa lɛ, dɩ ʋ wuo kɛŋ mɩɩsɩŋ a nɩɩ sɩma.

WƖA YƖƖLAA 30:3

a lɩɩsɛmɛ sʋʋŋ lɛ, mɩ bɩ sʋʋŋ bʋa jʋa.

WƖA YƖƖLAA 40:2

Ʋ lɛrɛ lɩɩsɛmɛ buotuo-luŋuŋ sɩɩ sɩɛrʋ lɛ nɛ, a kɛmmɛ lɩɩsɛ vʋchɔɔŋ lɛ a jɩla bil bʋŋ nyuŋ, mɩ chɩŋ kpaŋkpaŋ.

WƖA YƖƖLAA 69:33

La Tɩɩna ka jegili nɩalɩŋ sɩ bɩ ba tɩtɩa lɛ wuo pɛ nii-ŋmobo nɛ, ʋ bɩ ʋ nɩalɩŋ ba sɩ yuo kɛsɛ wɩaa ka yʋ.

MOSIS KƐŊ IZIRAL TƖŊŊAA LƖƖ 24:8

Ŋɩɩ nɛ Mosis joŋ chal-la mɩsɛ nɩalɩŋ aŋ bʋl, “Chal-la Wɩa sɩ joŋo hɛ niiŋ ʋ dɩ ma pɛgɛ nɛ ŋ-la a tɩgɛ wɩalɩŋ ʋ sɩ bʋla lɛ.”

AZAAYA 24:22

Ba jaŋ kiriba hɛ dɔŋɔ a nagɛ nɩaa sɩ hɛ bɩnɩŋ dɩa tʋɔŋ. Ba jaŋ tɔba hɛ nɩmɛ a mʋ yi bʋa-la ba sɩ jaŋ dɔgɩsɛba.

AZAAYA 42:22

Ama ʋ nɩaa ŋaa nɩa ba sɩ yuo dii a kɛsɛ hɛ buotuonuŋ lɛ nɛ ba faa a nagɛ nɩaa ba kaa tɔ bɩnɩŋ dɩa ka nʋʋ tuo sɩ jaŋ laaba ta. Ba kɛmba mʋmʋ nɛ ka nʋʋ tuo sɩ jaŋ bʋl, “Má kɛmba mɩɩra kɔ.”

AZAAYA 42:7

Ŋ jaŋ suri nyʋlɩmaa sɩaa, a lɩɩsɛ nɩalɩŋ sɩ hɛ bɩnɩŋ dɩa lɛ birimiŋ tʋɔŋ a ta.

AZAAYA 49:9

Ŋ jaŋ laa nɩalɩŋ ba sɩ yuo kɛsɛ arɩ nɩalɩŋ sɩ hɛ birimiŋ tʋɔŋ a ta dɩ ba na pʋlʋmʋŋ. Ba jaŋ na kʋdiilee lee-la kʋŋkala sɩ paala tuo.

AZAAYA 51:14

Fawʋlʋba-la kala ba sɩ kaa tɔ bɩnɩŋ dɩa, ʋ bɩ jaŋ dieni ka mɩ laaba ta. Ba bɩ jaŋ sʋʋ birimiŋ tʋɔŋ. Losuŋ ma bɩ jaŋ kpʋba,

AZAAYA 58:12

Ma nɩaa jaŋ paa ma jikpeeniŋ wasa saa, dɩ ba chɩŋ ba gentiŋ-bɩnaa lɛ. Nɩaa jaŋ yɩyɩrɛma nɩalɩŋ sɩ paa jikpeeniŋ kɛrɩsɩŋ arɩ dɩɩsɩŋ saa, dɩ nɩaa bɩra hɛ ma dɩ-jʋʋlaa lɛ.”

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

JƐRƖMAAYA 38:6

Ŋɩɩ nɛ ba kɛŋ Jɛrɩmaaya, a joŋu hɛ kuoro nanʋala Malɩkɩja viliŋ lɛ. Vil-la fa hɛ nɩalɩŋ sɩɩ pɔ leriŋ kaala lɛ nɛ. Ba kɛŋ ŋmɛsɩŋ nɛ vɔɔ Jɛrɩmaaya a joŋu hɛ vil-la tʋɔŋ. Lɩɩŋ fa tuo vil-la lɛ, vʋchɔɔŋ dʋndʋŋa nɛ, ŋɩɩ nɛ Jɛrɩmaaya tuu mʋʋrɛ vʋchɔɔ-la lɛ.

DANƖƐL 2:29

Kuoro, ŋ sɩ pɩŋ bɔsɔ lɛ, ŋ tʋɔbɩɩnaa mʋ wɩalɩŋ sɩ jaŋ ŋaa maachie lɛ nɛ. Wɩa sɩ joŋ wʋkpuŋkperisiŋ dɩdagɛ nɩaa, dagɩŋ wɩalɩŋ maachie sɩ jaŋ ŋaa nɛ.

Matiu 26:28

bɛɛ wɩaa mɩ chalɩŋ nɛ ŋɩɩ. Chalɩŋ deeŋ nɛ Wɩa joŋo hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Maak 14:24

Ŋɩɩ nɛ Yesu bʋla pɩba, “Mɩ chalɩŋ nɛ ŋɩɩ. Chalɩŋ deeŋ nɛ Wɩa kaa hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba.

Luuk 16:24

Ŋɩɩ nɛ ʋ yɩrʋ a bʋl, ‘Mɩ nyɩmma Abɩraham, fá mɩ nenige aŋ tɩŋ Lazarɔs dɩ ʋ kɛŋ ʋ neniiŋ yuu lɩɩŋ a kaa kɔ a fɩɛlɛ mɩ nandelimiŋ. Mɩɩ na hɛɛŋ nɛ woruŋ nyiniŋ deeŋ tʋɔŋ.’

Luuk 22:20

Ba sɩ dii kɩalɩŋ dɛrɛ, ʋ bɩra joŋ nyʋnyʋala arɩ sɩŋ-la a pɩba aŋ bʋl, “Nyʋnyʋala arɩ sɩnɩŋ deeŋ ŋaa nii-falɩɩ nɛ Wɩa hɛ ʋ dɩ ma pɛgɛ. Mɩ chalɩŋ sɩ jaŋ jaasɛ ma wɩaa nɛ tɩɩ Wɩa ta nii-la.

Luuk 4:18

“Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

1 Kɔrɩntɩ Nɩaa 11:25

Ŋɩɩ nɛ ba sɩ dii boroboro-la dɛrɛ, ʋ bɩra joŋ nyʋnyʋala arɩ sɩnɩŋ aŋ bʋl, “Nyʋnyʋala deeŋ nɛ Wɩa joŋo hɩhɛ nii-falɩɩ-la ʋ dɩ ma pɛgɛ. Mɩ jaŋ sʋʋ dɩ mɩ chalɩŋ jaasɛ. Bʋa na-kala lɛ dɩ ma nɩɩ nyʋaʋ, má nyʋa a liliisi mɩ wɩaa.”

MOSIS BƖRA WULLI WƖA WOMBIIŊ 5:31

Ama ŋ-na Mosis, hɛ mɩ teeŋ daha, dɩ mɩ dagɩŋ mɩ wombiee arɩ mɩ niiriŋ ŋ sɩ jaŋ kaa mʋ a dagɛba dɩ ba tutoba tintee-la lɛ mɩ sɩ jaŋ joŋo pɩba dɩ ʋ ŋaa ba kʋŋ.”

Hiburu TƖŊŊAA 10:2

Dɩ pʋsʋ-la ba sɩ yie kaa mʋ kpʋ pɩpɩ Wɩa nɛ fa wuo leŋ nɩalɩŋ sɩ kaa kɔ chaasa ŋaa nɩzɔmɔ sɩ bɩ disiniŋ kɛnɛ, ŋɩɩ-na ba fa bɩra bɩ jaŋ kpʋkpʋ pʋsʋŋ deemba jɩna-na kala. Dɩ ba nɛ fa wuo pɩɩsɛ nɩalɩŋ disiniŋ tɩta, ŋɩɩ-na ba fa bɩra bɩ jaŋ bɩbɩɩnɛ dɩ ba kɛŋ wʋbɔŋ kala.

Hiburu TƖŊŊAA 10:29

Dɩ ba nɛ fa yie ŋaa ŋ-la, ɛɛ nɛ saa ba jaŋ ŋaa nɩɩ-la sɩ bee gʋʋnɛ Wɩa Bie arɩ ʋ tuo kʋŋkala? Tɩɩna bɩra kɛŋ Yesu chal-la Wɩa sɩ kaa bil niiŋ ʋ dɩ nɩaa pɛgɛ kaa chei nɛ. Chal-la nɛ Wɩa fa kaa chɛsɛ tɩɩna disiniŋ kala ta ʋ kʋ ŋaa tʋɔpʋl tɩɩna. Dɩ tɩɩna bɩra tʋʋsɛ Wɩa Dɩŋ-zɔŋ-la fa sɩɩ pɛ ʋ lɛ, ʋ maga dɩ ba dɔgɩsʋ a kɩɩ nɩalɩŋ sɩ chei wɩalɩŋ Mosis fa sɩ ŋmʋnsa bil dɩ nɩaa tuto.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

Jɔɔŋ Wʋnaalaa 20:3

Ŋɩɩ nɛ Wɩa tɩndaarʋ-la joŋ dɩŋ-la a yuo hɛ buotuo-la lɛ a kaa tɔ, a magɩlɛ buotuo-la niiŋ, dɩ ʋ bɩra sɩ́ dʋnɩa nɩaa nyɩsʋ, see dɩ jɩsɩŋ bʋɩ-la bala. Dɩ jɩsɩŋ bʋɩ-la nɛ bala, ba jaŋ kɛnʋ puro ta mʋapɩlɩɩ.