ZƐKARƖYA 9:10 - WƖA TENIŊ

¹⁰ Mɩ jaŋ leŋ dɩ laalɩŋ janɩŋ torukoba-la kala lɛl Efirem lɛ, arɩ laalɩŋ janɩ-la sɩ hɛ Jerusalɛm lɛ, aŋ bori ba laalɩŋ tosuŋ. Ma kuoro jaŋ heele bʋl fɩɛlɩŋ wɩaa a pɩ tinteyee nɩaa kala. Ʋ jaŋ bibeŋ nɩaa a lɩɩ mʋgʋ-balɩŋ dɔŋɔ lɛ a mʋ yi dɔŋɔ, a lɩɩ Yufireti fuo-la lɛ a kaa mʋ dʋnɩa dɩdɛrɩŋ.

ZƐKARƖYA 9:10 ပူးပေါင်းရင်းမြစ်များ

1 KUOROO 4:21

Solomoŋ nɛ faa beŋ tintee-la kala a chɩŋ Yufireti fuo-la lɛ a kaa mʋ yi Fɩlɩsɩtɩa tɩŋŋaa tinteeŋ a kɛŋ ŋɩɩ mʋ yi Ijipiti tinteeŋ bʋa. Solomoŋ mɩɩsɩŋ kala lɛ, nɩalɩŋ sɩ hɛ tinteye-la kala lɛ fa tiŋ ba lampoo a pʋpʋ nɛ.

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

WƖA YƖƖLAA 72:3

Leŋ dɩ tintee-la nɩbalaa arɩ nɩbiisiŋ kala dʋa, dɩ tʋɔpʋla hɛ nɩmɛ.

WƖA YƖƖLAA 85:8

Mɩ jaŋ jegile nɩɩ wɩalɩŋ La Tɩɩna Wɩa sɩ jaŋ bʋl. Ʋ sɩ ʋ jaŋ leŋ dɩ nɩalɩŋ sɩ laaʋ dii hɔŋ arɩ fɩɛlɩŋ, dɩ la nɛ bɩra bɩ nɩyaarɩ wɩaa ka ŋaa.

WƖA YƖƖLAA 89:26

Ʋ jaŋ yɩrɛmɛ a bʋl, ‘Ŋ nɛ mɩ Nyɩmma, mɩ Wɩa, mɩ dɩ-duoŋ arɩ mɩ Laataara.’

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

AZAAYA 2:4

Ʋ jaŋ laa tinteyee nɩaa wɩaa a jɩma pɩba, aŋ kɛŋ ba nɩ-daŋ hɛ dɔŋɔ lɛ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩkɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 60:12

Dɩ tintee koo kuoru-gentine nɩaa nɛ hɛ nɩmɛ a bɩ sɛyɛ dɩ ba tɩma pɩpɩŋ, ba kala jaŋ sʋʋ dɛrɛ, ka dɩ ba tinteeŋ pɩŋ jikpeeŋ.

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

HOSIA 2:18

Tapʋlɩɩ-la, mɩ jaŋ hɛ niiŋ mɩ dɩ baga kɩaa arɩ diibiisiŋ sɩɩ zaarɛ wɩa-nyuŋ arɩ kɩalɩŋ sɩɩ tuuri tinteeŋ pɛgɛ dɩ ba sɩ́ ba walɩmʋ. Mɩ jaŋ giri laalɩŋ ta tintee-la lɛ dɩ bayuori kɩaa lɛl, tosuŋ arɩ tokobiee, ka dɩ mɩ nɩaa wuo hɔŋ sɔm.

HOSIA 2:20

Mɩ jaŋ jaaŋ arɩ wʋtɩtɩɩ. Ŋɩɩ nɛ ŋ jaŋ sɛɩ arɩ mɩ nɛ ŋ TƖƖNA.

MƖKA 4:8

Ŋ-na Jerusalɛm nagɛ dɩɩ-leŋii nɛ mɩ sagɛ ʋ nyuŋ aa beŋ mɩ piesee, a ŋaa Zaayɔŋ nɩaa dɩ-duoŋ. Mɩ jaŋ leŋ dɩ ŋ bɩra kɛŋ ŋ faafaa dol-la. Ma-na Jerusalɛm nɩaa nɛ jaŋ didii kuoruŋ.

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

MƖKA 5:9

Iziral tɩŋŋaa jaŋ yuo dii ma dʋndɔŋŋɔɔ, ma jaŋ chei ma dʋndɔmɔ-la kala.

HAGAƖ 2:22

Mɩ jaŋ kɛŋ kuoru kpasɩnɩŋ wuro chu, a chei dol-la ba sɩ kaa bibeŋ tintee-wogusu-la. Mɩ jaŋ kiri laalɩŋ janɩŋ torukoba arɩ nɩalɩŋ sɩ kɛmba vɩvɛŋ, janɩŋ jaŋ sʋʋ dɩ nɩalɩŋ sɩɩ jɩlba gʋra kpʋ dɔŋɔ.”

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

2 Kɔrɩntɩ Nɩaa 5:18

Wʋfalaa deemba kala lɩɩ Wɩa teeŋ nɛ. Wɩa to Kirisito lɛ nɛ a leŋ ʋ dɩ nɩaa sɩŋ. Tɩntɩmɩɩ-la Wɩa sɩ joŋo pɩla nɛ ŋ-la: dɩ la mʋ bʋla pɩ nɩaa dɩ ba kɔ, dɩ ba dɩ Wɩa ŋaa sɩma.

2 Kɔrɩntɩ Nɩaa 5:20

A tɩŋ ŋɩɩ wɩaa Kirisito naasɩŋ lɛ nɛ la chɩŋ a bʋbʋl wɩaa deemba a pɩpɩ nɩaa. Wɩa to la lɛ nɛ a bʋla pɩma dɩ ma kɔ ʋ teeŋ. A tɩŋ Kirisito wɩaa laa sʋlma dɩ ma kɔ, dɩ ma dɩ Wɩa ŋaa sɩma.

MOSIS BƖRA WULLI WƖA WOMBIIŊ 11:24

Lee na-kala ma sɩ joŋ naaŋ nʋɔsɛ, ʋ jaŋ ŋaa ma kʋŋ. Ma tinteeŋ bʋa jaŋ chɩŋ tintee-hɩlɩɩ-la lɛ a mʋ yi Lɛbanɔŋ tinteeŋ, a bɩra chɩŋ Yufireti fuo-la lɛ a kaa mʋ mʋgʋ-bal-la ba sɩɩ yɩrɛ Mediterenia sɩ hɛ wɩɩjʋʋlʋŋ dɩɩrɩŋ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”