ZƐKARƖYA 8:8 - WƖA TENIŊ

⁸ Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

ZƐKARƖYA 8:8 ပူးပေါင်းရင်းမြစ်များ

WƖAA DƖ-SUOMUŊ 17:8

Kɛnaŋ tinteeŋ deeŋ lɛ ŋ sɩ hɛ a ŋaa nʋhʋɔrʋ ŋ-la, mɩ jaŋ joŋu pɩ ŋ dɩ ŋ doho nɩaa dɩ ʋ ŋaa ma kʋŋ a kaa mʋ wuu dɩ mɩ ŋaa ba Wɩa.”

JƐRƖMAAYA 11:4

wɩalɩŋ mɩ sɩ joŋo dagɛ ma naabalɩmaba bʋa-la lɛ mɩ fa sɩ laaba ta Ijipiti tɩŋŋaa nɩsɩŋ lɛ a kɛmba kʋ lɩɩ, lee-la ba fa sɩ chaasa nɩna hɛɛŋ.’ Mɩ fa bʋla pɩba, ‘Má to mɩ niiŋ a ŋaa wɩalɩŋ mɩ sɩ dagɛma. Dɩ ma nɛ ŋaa ŋɩɩ, ma jaŋ ŋaa mɩ nɩaa, dɩ mɩ ma ŋaa ma Wɩa.’

JƐRƖMAAYA 23:8

Ama ba jaŋ bʋl, ‘La ŋmɩɛsɛ La TƖƖNA sɩ weye a kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ lɛ arɩ tinteye-la kala lɛ ʋ sɩ kɛmba pɩsa hɛ.’ Ŋɩɩ nɛ ba jaŋ bɩra hɔŋ ba tɩtɩa tinteeŋ lɛ.”

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 30:22

Ma jaŋ ŋaa mɩ nɩaa, dɩ mɩ ma ŋaa ma Wɩa.”

JƐRƖMAAYA 31:1

La TƖƖNA sɩ, “Bʋa-la lɛ, mɩ jaŋ ŋaa Iziral doho nɩaa kala Wɩa, dɩ ba ma ŋaa mɩ nɩaa.”

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

JƐRƖMAAYA 32:41

Mɩ jaŋ jʋjʋɔsɛ dɩ mɩ nɛ ŋaa wʋzɔŋŋɔɔ pɩba, aŋ sɛnɛ kɛŋ mɩ tʋɔŋ arɩ mɩ wɩɩkala a leŋ dɩ ba hɔŋ tinteeŋ deeŋ lɛ.”

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

ƐZƖKƖƐL 11:20

Ŋɩɩ nɛ ba jaŋ to mɩ wʋdagaa a fɩɛlɛ ba sɩaa a to mɩ wombie-la mɩ sɩ bile dɩ ba tuto. Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 36:28

Ma jaŋ hɛ tintee-la mɩ sɩ joŋo pɩ ma naabalɩmaba lɛ. Ma jaŋ ŋaa mɩ nɩaa, dɩ mɩ ma ŋaa ma Wɩa.

ƐZƖKƖƐL 36:33

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: “Dɩ mɩ nɛ pɩɩsɛ ma wʋbɔŋŋɔɔ ta, mɩ jaŋ leŋ dɩ ma bɩra hɔŋ ma tasɩŋ lɛ, a wasa paa jikpeeni-la saa.

ƐZƖKƖƐL 37:25

Ba jaŋ hɔŋ tintee-la mɩ fa sɩ joŋo pɩ mɩ tɩntɩnna Jekɔb lɛ, lee-la ba naabalɩmaba fa sɩ hɔnɔ. Ba dɩ ba biiriŋ arɩ ba nihee kala jaŋ hɔŋ nɩmɛ a kaa mʋ wuu. Mɩ tɩntɩnna Devit nɛ jaŋ ŋaa ba sɩpaalaara a kaa mʋ wuu.

ƐZƖKƖƐL 37:27

Mɩ dɩjʋʋlʋŋ jaŋ hɛ ba tʋɔŋ, dɩ mɩ ŋaa ba Wɩa, dɩ ba ma ŋaa mɩ nɩaa.

HOSIA 11:11

Ba jaŋ nagɛ diibii-laalɩŋ a lɩɩ Ijipiti tinteeŋ, a lɩɩ Asiiria tinteeŋ a nagɛ kokosuŋ. Mɩ jaŋ bɩra holliba ba dɩɩsɩŋ lɛ. La TƖƖNA nɛ bʋla.”

JOWƐL 3:20

Mɩ jaŋ tiŋ nɩalɩŋ ba sɩ kpʋa chɩmɩŋ. Mɩ bɩ jaŋ leŋ nɩalɩŋ sɩ kɛŋ cheeriŋ. Ama nɩaa jaŋ hɛ Juda tinteeŋ arɩ Jerusalɛm lɛ a kaa mʋ wuu. Mɩ-na ma TƖƖNA jaŋ hɛ Zaayɔŋ peel-la nyuŋ.

LEVI DOHO NƖAA 26:12

Mɩ jaŋ hɛ ma tʋɔŋ a ŋaa ma Wɩa dɩ ma ma ŋaa mɩ nɩaa.

ZƐKARƖYA 10:10

Mɩ jaŋ kɛmba mɩɩra lɩɩ Ijipiti tinteeŋ kɔ, a kɛmba lɩɩ Asiiria tinteeŋ ma kɔ. Mɩ jaŋ kɛmba kɔ Gɩlɩad arɩ Lɛbanɔŋ tinteyee dɩ ba paala su lee-la kala, dɩ leriŋ bɩra tuo.

ZƐKARƖYA 10:6

Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.