ZƐKARƖYA 8:7 - WƖA TENIŊ

⁷ Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ laa mɩ nɩaa ta wɩɩpɔsʋŋ arɩ wɩɩjʋʋlʋŋ tinteye-la lɛ.

ZƐKARƖYA 8:7 ပူးပေါင်းရင်းမြစ်များ

NƐHƖMAAYA 1:9

Ama dɩ ma nɛ bɩra mɩɩra kɔ mɩ teeŋ a ŋɩŋaa wɩalɩŋ mɩ sɩ dagɛma, dɩ ma nɩalɩŋ ba sɩ kɛsɛ mʋ yoŋ-baga nɛ paala hɛ dɩ-bolii ma, mɩ jaŋ kɛmba lɩɩ nɩmɛ a kaa kɔ lee-la mɩ sɩ lɩɩsa dɩ ba chʋɔlɛmɛ nɩmɛ.’

WƖA YƖƖLAA 113:3

Má dɛnnɛ La Tɩɩna a chɩŋ wɩɩpɔsʋŋ a kaa mʋ yi wɩɩjʋʋlʋŋ. La Tɩɩna yɩrɩŋ maga dɩ ʋ yɩrɛ nɛ.

WƖA YƖƖLAA 147:2

La Tɩɩna nɛ wasa saa Jerusalɛm, ʋ nɛ kɛŋ Iziral tɩŋŋaa fa sɩ hɛ yoŋ-baga lɛ mɩɩra kɔ ba jaŋ.

WƖA YƖƖLAA 50:1

La Tɩɩna Wɩa doluŋ kala Tɩɩna yɩrɛ dʋnɩa nɩaa kala nɛ, a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ dɩɩrɩŋ a kʋ hɛ dɔŋɔ lɛ.

AZAAYA 49:12

Mɩ nɩaa jaŋ lɩɩ dɩ-boloo a kɔ. Dɔnsʋŋ jaŋ lɩɩ wɩɩpɔsʋŋ nagʋa dɩɩrɩŋ, dɩ dɔnsʋŋ ma lɩɩ wɩɩjʋʋlʋŋ dɩɩrɩŋ, ka dɔnsʋŋ ma lɩɩ tintee-la ba sɩɩ yɩrɛ Asɩwaŋ.”

AZAAYA 59:19

Nɩalɩŋ sɩ hɛ wɩɩjʋʋlʋŋ dɩɩrɩŋ jaŋ fɩfá La TƖƖNA nɩalɩŋ ma sɩ hɛ wɩɩpɔsʋŋ dɩɩrɩŋ jaŋ zizilu, ʋ jaŋ kʋ tii paaba a nagɛ fuoŋ sɩ suo a pɩpɛllɛ koo pel-duoŋ.

JƐRƖMAAYA 31:8

Má bee na, mɩ jaŋ kɛmba lɩɩ wɩɩpɔsʋŋ nagʋa tinteeŋ dɩɩrɩŋ a kɔ, mɩ jaŋ kɛmba lɩɩ dʋnɩa sɛmɛ na-kala a kʋ hɛ dɔŋɔ. Nyʋlɩmaa arɩ gbɛrɩgɛɛ jaŋ hɛ ba tʋɔŋ, hapuugoo arɩ haalaa sɩɩ chɛ ba lʋl ba luoruŋ wʋwɩɩ ma jaŋ hɛ ba tʋɔŋ. Ba jaŋ yʋgɛ woruŋ a mɩɩra kɔ.

ƐZƖKƖƐL 11:17

Ŋɩɩ wɩaa bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛmma hɛ dɔŋɔ a kaa lɩɩ tinteyee arɩ tinteye-la lɛ mɩ fa sɩ kɛmma pɩsa hɛ kɔ. Mɩ jaŋ bɩra joŋ ma Iziral tɩŋŋaa tinteeŋ pɩma.’

ƐZƖKƖƐL 36:33

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: “Dɩ mɩ nɛ pɩɩsɛ ma wʋbɔŋŋɔɔ ta, mɩ jaŋ leŋ dɩ ma bɩra hɔŋ ma tasɩŋ lɛ, a wasa paa jikpeeni-la saa.

ZƐKARƖYA 10:6

Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

MOSIS BƖRA WULLI WƖA WOMBIIŊ 30:3

ma TƖƖNA Wɩa jaŋ fá ma nenige a lɩɩsɛma tinteye-la lɛ ʋ sɩ ŋmooma pɩsa hɛ a kɛmma kʋ hɛ dɔŋɔ aŋ leŋ dɩ ma bɩra dʋa.