ZƐKARƖYA 8:3 - WƖA TENIŊ

³ Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”

ZƐKARƖYA 8:3 ပူးပေါင်းရင်းမြစ်များ

WƖA YƖƖLAA 2:6

“Mɩ bil mɩ kuoro nɛ Zaayɔŋ lɛ, mɩ dundolo-la mɩ sɩ lɩɩsa pɩ mɩ tɩtɩa lɛ.”

WƖA YƖƖLAA 48:1

La Tɩɩna Wɩa nɛ kɛŋ doluŋ, ʋ dʋndʋŋa nɛ maga dɩ la dɛnnʋ ʋ tabalɩŋ lɛ, ʋ peel-la sɩ bɩ disiniŋ kɛnɛ nyuŋ.

MOSIS KƐŊ IZIRAL TƖŊŊAA LƖƖ 29:45

Mɩ jaŋ hɛ Iziral tɩŋŋaa teeŋ a ŋaa ba Wɩa.

AZAAYA 1:21

Jerusalɛm fa nagɛ haala sɩ kɛŋ wʋtɩtɩɩ nɛ arɩ ʋ bala, ama lɛɛlɛ ʋ mɩɩra bɩrɩmɛ nɛ a ŋɩŋaa wʋlɩɩlɩŋ. Taŋ-la nɩaa fa kɛŋ wʋtɩtɩɩ, tʋɔpʋl tɩŋŋaa nɛ fa hɛ taŋ-la lɛ, ama lɛɛlɛ nɩkpʋʋraa nɛ suo.

AZAAYA 1:26

Mɩ jaŋ leŋ dɩ nɩalɩŋ sɩ jaŋ bibemma nagɛ faafaa-la nɩaa, ma nɩalɩŋ sɩ bʋl wɩaa chɩchagɩlɛma jaŋ bɩra nagɛ bumbuŋ nɩalɩŋ. Nɩaa jaŋ yɩyɩrɛ Jerusalɛm tabal-la nɩaa sɩ kɛŋ tʋɔpʋla, taŋ-la nɩaa sɩ kɛŋ wʋtɩtɩɩ.”

AZAAYA 11:9

Wɩa peel-zɔŋ-la kala lɛ wʋbɔŋ koo wʋcheyii bɩ jaŋ kɔ dɩ ʋ hɛ nɩmɛ. Wɩa wɩaa jaŋ su dʋnɩa kala a nagɛ lɩɩŋ sɩ yie su mʋgʋ-balɩŋ ŋɩɩ.

AZAAYA 12:6

Nɩalɩŋ sɩ hɛ Jerusalɛm lɛ, má faasa yɩɩ yɩɩlaa arɩ tʋɔtɔrʋŋ, bɛɛ wɩaa Iziral tɩŋŋaa Wɩɩ-balɩŋ sɩ bɩ disiniŋ kɛnɛ hɛ ma tʋɔŋ nɛ.”

AZAAYA 32:16

Wʋtɩtɩɩ jaŋ hɛ tintee-la sɩ hɩla lɛ dɩ tʋɔpʋla ma hɛ tintee-la lɛ.

AZAAYA 60:14

Ŋ dʋndɔmɔ-la sɩ dɔgʋsʋŋ doho nɩaa jaŋ kʋ kpirimi ŋ sɩpaaŋ. Nɩalɩŋ kala sɩ kɛnɩŋ ŋmoo gbɛɛŋ jaŋ kʋ gbieni ŋ sɩpaaŋ. Ba jaŋ yɩyɩrɩŋ: ‘La TƖƖNA tabal-la, Zaayɔŋ, Iziral tɩŋŋaa Wɩa sɩ bɩ disiniŋ kɛnɛ jaŋ.’

AZAAYA 65:25

Guŋguro arɩ pie-bie jaŋ pɛ dɔŋɔ a didii kɩaa. Naachigiŋ jaŋ didii yaŋ a nagɛ nɛŋ. Dɩmɩŋ ma jaŋ didii hagɩla. Ba bɩra bɩ jaŋ ŋaa wʋbɔŋ dɔŋɔ lɛ koo a chei dɔŋɔ mɩ peel-zɔŋ-la nyuŋ. Mɩ-na ma TƖƖNA nɛ bʋla.”

AZAAYA 66:20

Ba jaŋ kɛŋ ma naambiiri-la kala sɩ hɛ tinteye-la lɛ a kɔ mɩ peel-la sɩ bɩ disiniŋ kɛnɛ a hɛ Jerusalɛm lɛ, dɩ ba nagɛ Wɩɩsʋllɩ kɩaa mɩ teeŋ. Ba jaŋ paaba hɛ janɩŋ, janɩŋ torukoba, kakusuŋ arɩ ba torukoba arɩ bʋntaŋŋaba lɛ nɛ a kaa kɔ. Ba jaŋ kɛmba kɔ a nagɛ Iziral tɩŋŋaa sɩ yie joŋ Wɩɩsʋlʋŋ mɩaa a hɛ gbansɩ-la sɩ bɩ disiniŋ kɛnɛ lɛ a kɔ la TƖƖNA dɩɩ-balɩŋ a ŋaa Wɩɩsʋlʋŋ ŋɩɩ.”

AZAAYA 8:18

Na mɩ dɩ nɩalɩŋ kala La TƖƖNA sɩ joŋo pɩmɛ nɛ ŋ-la. La TƖƖNA doluŋ kala Tɩɩna sɩ hɛ peel-la ba sɩɩ yɩrɛ Zaayɔŋ lɛ, ʋ jonla la ŋaa magɩl nɛ a pɩ Iziral tɩŋŋaa.

JƐRƖMAAYA 14:9

Bɛɛ nɛ tɩɩ ŋ nagɛ nʋʋ ba sɩ ŋaa wɩaa a dɩ ʋ lɛ a nagɛ laalɩyuori wajɩa sɩ bɩ doluŋ kɛnɛ dɩ ʋ laa nɩaa ta? La TƖƖNA, ŋ hɛ la tʋɔŋ nɛ, la ŋaa ŋ nɩaa nɛ, sɩ́ la vɩa ta.

JƐRƖMAAYA 26:18

“Mɩka sɩ lɩɩ taŋ-la ba sɩɩ yɩrɛ Mɔrɛsɛf fa bʋl wɩaa Wɩa doluŋ lɛ nɛ bʋa-la lɛ Hezikaaya sɩ ŋaa Juda tinteeŋ kuoro. Ʋ fa bʋla pɩ Juda nɩaa kala: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, ‘Ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.’

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 33:16

Tapʋlɩa-la lɛ, ba jaŋ laa Juda nɩaa ta, dɩ Jerusalɛm nɩaa hɔŋ sɔm. Ba jaŋ yɩyɩrɛ tabal-la: La TƖƖNA nɛ ŋaa la kɛŋ tʋɔpʋla.”

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

DANƖƐL 9:16

La TƖƖNA, a tɩŋ tʋɔpʋl wɩalɩŋ kala ŋ sɩ ŋaa wɩaa, sɩ́ baanɩŋ na. Leŋ dɩ ŋ baanɩŋ fɩɛlɛ Jerusalɛm nyuŋ sɩ ŋaa ŋ tabalɩŋ, a ŋaa ŋ dundolo sɩ bɩ disiniŋ kɛnɛ. La wʋbɔŋŋɔɔ arɩ la nyɩmmaba wʋbɔŋŋɔɔ leŋe Jerusalɛm arɩ ŋ nɩaa ŋaa nɩmɔmɩa nɛ nɩalɩŋ kala sɩ gollila teeŋ.

JOWƐL 3:17

Ŋɩɩ nɛ ma jaŋ jɩŋ arɩ mɩ-na ma TƖƖNA Wɩa hɛ Zaayɔŋ lɛ nɛ, mɩ peel-la sɩ bɩ disiniŋ kɛnɛ lɛ. Jerusalɛm jaŋ ŋaa lee sɩ bɩ disiniŋ kɛnɛ. Nɩwogusuŋ maachie kala bɩra bɩ jaŋ kɔ dɩ ba tɔʋ hɛ.

MƖKA 4:1

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna nɛ jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ tinteyee gire mʋ ʋ leriŋ.

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 12:6

Tapʋlɩɩ-la, mɩ jaŋ leŋ dɩ Juda sɩpaalaaraa nagɛ pupoiŋ sɩ chɔ dandʋla arɩ nyiniŋ lɛ, a nagɛ nyiŋgeliŋ sɩɩ sii sekelee. Ba jaŋ dii nadiiŋ arɩ nagʋa nɩalɩŋ kala sɩ golliba. Ama wɩɩkala bɩ jaŋ ŋaa Jerusalɛm nɩaa-na lɛ.

ZƐKARƖYA 14:10

Tintee-la kala, a chɩŋ Geba lɛ a kaa mʋ Rimoŋ sɩ hɛ Jerusalɛm wɩɩpɔsʋŋ nadiiŋ dɩɩrɩŋ, jaŋ mɩɩra nagɛ lee-la ba sɩɩ yɩrɛ Araba. Ama Jerusalɛm jaŋ sii je a chɩŋ ʋ dɩchɩnɩŋ, a lɩɩ Bɛnjamɩŋ Boi-baalɩŋ a kaa mʋ Boi-baal Bumbuŋ leriŋ, a kaa mʋ Je-gʋnʋŋ Boi-baalɩŋ lɛ, a bɩra chɩŋ Hananɛl dɩɩ-leŋii-la lɛ a kaa mʋ kuoro girep nɛnɛɛ sɩnɩŋ dɩ-chagɩŋ.

ZƐKARƖYA 8:16

Wɩalɩŋ sɩ maga dɩ ma ŋaa nɛ ŋ-la: Má bʋl wʋtɩtɩɩ a pɩpɩ dɔŋɔ. Ma sarɩya dɩ-diilee, má to wʋtɩtɩɩ sɩ jaŋ leŋ dɩ ma hɔŋ arɩ fɩɛlɩŋ.

ZƐKARƖYA 8:19

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma sɩ yie vɔɔ niiŋ chɛŋ-nɛsɛ, chɛŋ-nɔŋ, chɛŋ-pɛɩ arɩ chɛŋ-fii lɛ ŋɩɩ, ba jaŋ ŋaa jʋɔsa tapʋlɩa arɩ tʋɔtɔrɛ gbielee a pɩ ma Juda nɩaa. Ŋɩɩ wɩaa má cho wʋtɩtɩɩ, a hɔŋ arɩ fɩɛlɩŋ.”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

2 Kɔrɩntɩ Nɩaa 6:16

La ŋaa Wɩa-la sɩ weye dɩa nɛ, ʋ hɛ la lɛ. Ŋ bɩ jaŋ wuo jʋʋ Wɩa dɩa a kpaarɛ vʋɩyaa nɩmɛ. Ŋ-la nɛ Wɩa tɩtɩa bʋl ʋ teniŋ tʋɔŋ. Ʋ sɩ, “Mɩ jaŋ hɛ mɩ nɩaa tʋɔŋ a gʋgɔllɛ. Mɩ nɛ jaŋ ŋaa ba Wɩa, dɩ ba ma ŋaa mɩ nɩaa.

Koloosi Nɩaa 2:9

Wɩa nagɩsɩŋ kala hɛ Yesu nuhuobiiŋ yara-la lɛ nɛ.

Jɔɔŋ Wʋnaalaa 21:10

Ŋɩɩ nɛ Wɩa Dɩŋ-zɔmʋŋ kʋ hɛ mɩ lɛ, Wɩa tɩndaarʋ-la jommi kaa jɩl peel-bal kʋbala sɩ leŋie nyuŋ. Ŋɩɩ nɛ ʋ dagɛmɛ taŋ-la sɩ bɩ disiniŋ kɛnɛ baa yɩrɛ Jerusalɛm, dɩ ʋ lɩɩ Wɩa-jaŋ kuu tuu tinteeŋ.

Jɔɔŋ Wʋnaalaa 21:27

Ama kʋŋkala sɩ kɛŋ disiniŋ, koo nɩɩ-la kala sɩ ŋaa nɩbɔŋ, koo wʋnyɩɛrʋ kala bɩ jaŋ jʋʋ taŋ-la, see nɩalɩŋ Pie-bie-la sɩ ŋmʋnsɛ ba yɩraa hɛ mɩɩsɩŋ teŋ-la lɛ nɛ jaŋ jʋʋ nɩmɛ.

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.