ZƐKARƖYA 8:23 - WƖA TENIŊ

²³ Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Bʋa-la lɛ nɩaa fii jaŋ lɩɩ tintee-wogusuŋ kala sɩɩ bʋl yikorusuŋ sɩ bɩ dɔŋɔ naga, a kʋ kɛŋ Juu tɩɩna gɛrɩŋ lɛ aŋ bʋl, ‘Leŋ dɩ la to ŋ harɩŋ mʋ, bɛɛ wɩaa la nɩa arɩ Wɩa hɛ ma teeŋ nɛ.’ ”

ZƐKARƖYA 8:23 ပူးပေါင်းရင်းမြစ်များ

WƖAA DƖ-SUOMUŊ 31:41

Jɩsɩŋ mara-la kala mɩ fa sɩ hɛ ŋ dɩa lɛ, ŋ-la nɛ ŋaa mɩ lɛ. Mɩ tɩŋ jɩsɩŋ fii arɩ banɛsɛ nɛ pɩŋ aŋ laa ŋ toloo balɩa, aŋ bɩra tɩŋ jɩsɩŋ balɩdʋ dɩ mɩ laa pʋsʋŋ, ka ŋ kɛŋ mɩ time bɩrɩmɛ naansɩɩŋ fii.

WƖAA DƖ-SUOMUŊ 31:7

Ama ma nyɩmma ha gʋrɩmɛ nɛ woruŋ a kɛŋ mɩ time bɩrɩmɛ naansɩɩŋ fii. Arɩ ŋɩɩ kala Wɩa ha bɩ leŋe ʋ ŋaa wʋbɔŋ mɩ lɛ.

2 KUOROO 2:6

Ɩlaaja bɩra bʋla pɩ Elaasa, “Hɔŋ daha, La TƖƖNA tɩmmɛ nɛ Jɔdaŋ fuo-la lɛ.” Elaasa bʋl, “La TƖƖNA sɩ weye, arɩ ŋ ma sɩ weye wɩaa, mɩ bɩ jaŋ mɩɩrɛ ŋ harɩŋ.” Ŋɩɩ nɛ ba kala bɩra to dɔŋɔ a mʋ Jɔdaŋ fuo-la.

1 IZIRAL TƖŊŊAA NAABARƖŊ 12:18

Ŋɩɩ nɛ Wɩa Dɩma guu kʋ jʋʋ Amasaɩ, ʋ nɛ mɩɩra kʋ ŋaa laalɩyuori babiibala-la mara arɩ fii kʋhɩaŋ ŋɩɩ, ʋ bʋl, “Jesi nanʋala Devit, la chɩŋ ŋ harɩŋ nɛ. A leŋ ŋ dɩ nɩalɩŋ sɩɩ to ŋ harɩŋ yuo didii bʋa na-kala, bɛɛ wɩaa Wɩa chɩŋ ŋ harɩŋ nɛ a yuo pɩpɩŋ.” Ŋɩɩ nɛ Devit laaba, a leŋ ba ŋaa ʋ laalɩyuoroo sɩpaalaaraa.

2 IZIRAL TƖŊŊAA NAABARƖŊ 15:9

Ŋɩɩ nɛ aŋ yɩrɛ Juda nɩaa, Bɛnjamɩŋ nɩaa arɩ nɩalɩŋ sɩ lɩɩ Efirem, Manasɛ nɩaa arɩ Simioŋ nɩalɩŋ fa sɩ guoli ba tʋɔŋ. Nɩalɩŋ fa yʋga nɛ woruŋ a lɩɩ Iziral tinteeŋ a kɔ ʋ teeŋ, bɛɛ wɩaa ba na dɩ La TƖƖNA chɩŋ ʋ harɩŋ nɛ.

ƐSƖTA 8:17

Tintee-na kala arɩ taŋ na-kala lɛ tɩndaara-la sɩ kɛŋ nii-la kuoro sɩ bile teniŋ a mʋ karɩma pɩba, Juu tɩmma-la sɩ hɛ nɩmɛ tʋɔŋ yie tɔrɛ nɛ, tapʋlɩɩ-la ŋaa tapʋl-zɔŋ ba gbigbieli. Nɩwogusuŋ dɔnsʋŋ yʋgɛ a joŋ ba tɩtɩa arɩ ba ma ŋaa Juu tɩmma, bɛɛ wɩaa fawʋllʋŋ kɛmba nɛ a tɩŋ Juu tɩmma-la wɩaa.

JOB 19:3

Naansɩɩŋ fii nɛ ŋ-la ma sɩ dii mɩ baanɩŋ lɛ, a bɩ hɩɩsɩŋ fá aŋ tʋʋsɛmɛ.

TƖƖCHA 11:2

Ŋaa kpaa nɩaa balɩpɛ, koo chori, bɛɛ wɩaa ŋ bɩ jɩŋ tapʋlɩɩ-la wʋlɔrʋŋ sɩ jaŋ jʋʋ tinteeŋ.

AZAAYA 3:6

Ʋ jaŋ kʋ yi bʋa kʋbala lɛ dɩ dɩa nɩaa lɩɩsɛ ba naambiiriŋ dɔŋɔ a bʋla pʋ, “Ŋaa la kuoro, bɛɛ wɩaa ŋ-na ha paala kɛŋ gɛrɩŋ nɛ ŋ sɩ jaŋ laalɛ, ŋɩɩ wɩaa ŋaa la sɩpaalaara bʋa deeŋ lɛ la sɩɩ na hɛɛŋ.”

AZAAYA 4:1

Dɩ tapʋlɩɩ-la nɛ kʋ yi, haalaa balɩpɛ jaŋ kɛŋ ba-bala aŋ bʋl, “La jaŋ chɛ a didii aŋ chɛ gɛnnɩŋ ma a vʋvɔɔ la tɩtɩa lɛ. Ŋ-na yaa leŋ dɩ ba yɩyɩrɛla ŋ haalaa a tɔ la hɩɩsɩŋ.”

AZAAYA 45:14

Wɩɩ-la La TƖƖNA sɩ bʋla pɩ Iziral tɩŋŋaa nɛ ŋ-la: “Ijipiti tɩŋŋaa arɩ Kus tɩŋŋaa bayal kɩaa jaŋ ŋaa ma kɩaa. Sɛba tɩŋŋaa bawayiile-la kala jaŋ ŋaa ma yosi. Ma jaŋ hɛba chɔrʋmɔɔ, dɩ baa to ma harɩŋ. Ba jaŋ kpirimi ma sɩpaaŋ a suri ba niiŋ bʋl, ‘Wɩa sɩ chɩŋ ma harɩŋ nɛ sɛnɛ ŋaa Wɩa, kʋŋ dɔŋ tuo.’ ”

AZAAYA 45:24

Ba jaŋ bʋl, ‘La TƖƖNA dʋndʋŋa teeŋ nɛ la jaŋ wuo kɛŋ tʋɔpʋla arɩ doluŋ.’ Nɩalɩŋ kala sɩ na baanɩŋ ʋ nyuŋ jaŋ dii hɩɩsɩŋ ʋ sɩpaaŋ.”

AZAAYA 55:5

Lɛɛlɛ tinteye-la nɩaa ma fa sɩ bɩ jɩŋ, ma jaŋ yɩrɛba hilimi. Tinteye-la nɩaa ma sɩ bɩ jɩŋ jaŋ jegile nɩɩ ma teeŋ, ba jaŋ fá a yʋasa kɔ ma teeŋ a tɩŋ yuŋ-la ma TƖƖNA Wɩa sɩ bɩ disiniŋ kɛnɛ sɩ joŋo pɩma wɩaa.”

AZAAYA 60:14

Ŋ dʋndɔmɔ-la sɩ dɔgʋsʋŋ doho nɩaa jaŋ kʋ kpirimi ŋ sɩpaaŋ. Nɩalɩŋ kala sɩ kɛnɩŋ ŋmoo gbɛɛŋ jaŋ kʋ gbieni ŋ sɩpaaŋ. Ba jaŋ yɩyɩrɩŋ: ‘La TƖƖNA tabal-la, Zaayɔŋ, Iziral tɩŋŋaa Wɩa sɩ bɩ disiniŋ kɛnɛ jaŋ.’

AZAAYA 60:3

Tinteyee nɩaa jaŋ gire kɔ ŋ pʋlʋŋ-la tʋɔŋ dɩ kuoroo kɔ tʋla-la ŋ sɩ kɛnɛ teeŋ.

AZAAYA 66:18

Mɩ jɩŋ ba tʋɔbɩɩnaa arɩ ba wɩɩkala nɛ. Bʋa-la yie nɛ mɩ sɩ jaŋ kɛŋ tinteyee sɩɩ bʋl yikori doho na-kala kʋ hɛ dɔŋɔ dɩ ba na mɩ tʋla.

MƖKA 5:5

Ʋ nɛ jaŋ leŋ dɩ ba hɔŋ arɩ fɩɛlɩŋ. Dɩ Asiiria tɩŋŋaa nɛ kɔ dɩ ba yuo la tinteeŋ a chichei la dɩ-duoruŋ, la jaŋ leŋ la sɩpaalaarɩ duoruŋ baŋmɛnɛ ku lɩɩ yuoba.

ZEFANAAYA 3:19

Bʋa-la nɛ yie, mɩ jaŋ dɔgɩsɛ nɩalɩŋ kala sɩ wʋrʋgʋma. Mɩ jaŋ laa gbɛrɩgɛɛ ta, aŋ kɛŋ nɩalɩŋ sɩ pɩsa kʋ hɛ dɔŋɔ. Mɩ jaŋ leŋ dɩ ma kɛŋ yɩrɩŋ dɩ nɩaa zizilma tinteye-la kala lɛ ba sɩ hɩɩsɛma.

NAMBABA 14:22

nɩaa deemba sɩ na mɩ tʋla arɩ wʋmagɩla-la kala mɩ sɩ ŋaa Ijipiti tinteeŋ lɛ arɩ wʋmagɩl-la mɩ sɩ ŋaa tintee-hɩlɩŋ lɛ aŋ vɩa mɩ niiŋ wɩaa aŋ magɩsɛmɛ naansɩɩŋ fii ŋ-la,

Luuk 8:44

Ŋɩɩ nɛ ʋ lugisi nɩalɩŋ tʋɔŋ a kʋ chɩŋ Yesu harɩŋ a digi ʋ gɛrɩŋ niipiniŋ lɛ. Ʋ tɩŋa-la guu dɛrɛ.

Tɩntɩŋŋaa 19:12

Gɛnnɩŋ arɩ gɛrɩpɛ biisi-la ma sɩ digi Pɔɔl yaraa, nɩaa yie paa nɛ a kaa mʋ pɩ nyanyal tɩŋŋaa ba duduori. Dɩ jɩŋ-bɔŋŋɔɔ nɛ kɛŋ nʋʋ ma, ba lɩɩ tɩɩna lɛ.

1 Kɔrɩntɩ Nɩaa 14:25

Wɩalɩŋ kala sɩ hɛ ʋ tʋɔŋ lɛ jaŋ kʋ lɩɩ pʋlʋmʋŋ Wɩa sɩpaaŋ. Ŋɩɩ nɛ ʋ jaŋ tuu kpirimi Wɩa sɩpaaŋ a chʋɔlʋ, a bʋl arɩ wʋtɩtɩɩ, Wɩa hɛ ma teeŋ nɛ.

JOSUA 8:35

Wɩalɩŋ kala Mosis fa sɩ daga, Josua bɩ ba kʋŋkala kere ta. Ba kala nɛ ʋ karɩmɛ a pɩ Iziral tɩŋŋaa, ba haalaa arɩ ba biiriŋ arɩ nɩwogusu-la kala fa sɩ hɛ ba tʋɔŋ.