ZƐKARƖYA 8:22 - WƖA TENIŊ

²² Nɩ-daŋ arɩ tintee-duoruŋ jaŋ kɔ Jerusalɛm a chɩchɛ La TƖƖNA doluŋ kala Tɩɩna dɩ ba sʋlʋ dɩ ʋ pɛ ba lɛ.”

ZƐKARƖYA 8:22 ပူးပေါင်းရင်းမြစ်များ

WƖA YƖƖLAA 68:30

Dɔgɩsɛ Ijipiti tɩŋŋaa, ba nagɛ pʋna-la sɩ hɛ fuolo-ŋmʋlba tʋɔŋ nɛ. Dɔgɩsɛ tinteye-la nɩaa arɩ ba biiriŋ sɩ nagɛ nɛ-belliŋ. Leŋ dɩ ba pʋgʋmɛ a gbiene kɛŋ hɔpʋla kʋ ŋaa zile a pɩŋ. Kɛŋ tinteye-la nɩaa sɩ cho laalɩŋ yuonuŋ a pɩsɛ.

AZAAYA 2:2

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ dʋnɩa tinteyee kala gire mʋ lee-la.

AZAAYA 2:3

Nɩ-daŋ jaŋ kɔ a bʋl, “Má kɔ dɩ la jɩl La TƖƖNA peel-la nyuŋ, a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

AZAAYA 25:7

Peel-la nyuŋ, La TƖƖNA jaŋ giri tʋɔ-chee-la sɩ nagɛ duoŋ-bɩlɩmbaanɩŋ a keese tɔ tinteyee ta.

AZAAYA 49:22

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ pɩ nɩalɩŋ sɩ bɩ Juu tɩŋŋaa ŋaa duosoo dɩ ba kɛŋ ŋ biiriŋ mɩɩra kʋ pɩŋ. Ba jaŋ paa ŋ hambolibiisiŋ a nɔgɛ, aŋ chaalɛ ŋ toloo a kaa kʋ pɩŋ.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 55:5

Lɛɛlɛ tinteye-la nɩaa ma fa sɩ bɩ jɩŋ, ma jaŋ yɩrɛba hilimi. Tinteye-la nɩaa ma sɩ bɩ jɩŋ jaŋ jegile nɩɩ ma teeŋ, ba jaŋ fá a yʋasa kɔ ma teeŋ a tɩŋ yuŋ-la ma TƖƖNA Wɩa sɩ bɩ disiniŋ kɛnɛ sɩ joŋo pɩma wɩaa.”

AZAAYA 66:23

La TƖƖNA bɩra sɩ, “Chɛŋ-falɩɩ na-kala arɩ chɛ-wiesii na-kala, nuhuobiiŋ kala sɩ hɛ dʋnɩa lɛ jaŋ kʋ kpirimi mɩ sɩpaaŋ Jerusalɛm lɛ a zilmi.

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

MƖKA 4:2

Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

MƖKA 4:3

Ʋ jaŋ laa tintee daŋ nɩaa wɩaa jɩma pɩba, a kɛŋ tintee-duoruŋ sɩ hɛ dɩ-boloo arɩ dɩ-kpagɩsɩŋ nɩaa kʋ hɛ dɔŋɔ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩ-kɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

HAGAƖ 2:7

Mɩ jaŋ kɛŋ tinteyee kala jigisi, ŋɩɩ lɛ nɛ tinteyee nɩaa jaŋ kɛŋ dʋa-la ba sɩ cho woruŋ kaa kɔ, dɩ mɩ laa su mɩ dɩɩ-balɩŋ deeŋ. Mɩ jaŋ leŋ dɩ mɩ tʋla su mɩ dɩɩ-balɩŋ deeŋ. Mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 14:16

Ŋɩɩ nɛ tinteye-la nɩaa sɩ kʋ yuo Jerusalɛm aŋ bɩ sʋba, jaŋ mʋ jɩna na-kala a chʋɔlɛ Kuoro sɩ ŋaa La TƖƖNA doluŋ Tɩɩna, aŋ pɛ gbieli lɛŋŋɛɛ gbiele.

ZƐKARƖYA 8:21

Tabalɩŋ nɩaa jaŋ mʋ tabalɩŋ dɔŋɔ nɩaa teeŋ a bʋl, ‘Má leŋ dɩ la guu mʋ La TƖƖNA doluŋ kala Tɩɩna teeŋ a sʋlʋ. La-naa mʋ nɛ.’

Galiisia Nɩaa 3:8

Wɩɩŋ deeŋ hɛ Wɩa teniŋ tʋɔŋ faafaa kala nɛ arɩ nɩalɩŋ sɩ bɩ Juu tɩŋŋaa ŋaa, dɩ ba nɛ laa Wɩa dii, ʋ jaŋ leŋ dɩ ba ma kɛŋ tʋɔpʋla. Faafaa kala nɛ Wɩa bʋl wʋzɔmʋŋ deeŋ a pɩ Abɩraham, “Ŋ lɛ nɛ mɩ jaŋ to a pɛ dʋnɩa nɩaa kala lɛ.”

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 21:24

Ʋ pʋlʋmʋŋ lɛ nɛ dʋnɩa nɩaa kala jaŋ vɛŋ. Dʋnɩa kuoroo kala jaŋ kɛŋ ba dʋa kaa jʋʋ nɩmɛ.