ZƐKARƖYA 8:20 - WƖA TENIŊ

²⁰ Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Nɩ-daŋ arɩ tabal daŋ nɩaa ha jaŋ kɔ Jerusalɛm.

ZƐKARƖYA 8:20 ပူးပေါင်းရင်းမြစ်များ

1 KUOROO 8:41

Dɩ nʋhʋɔra-la ma sɩ bɩ ŋ nɩaa Iziral tɩŋŋaa kʋŋ ŋaa nɛ nɩɩ ŋ yɩrɩ-balɩŋ wɩaa, ŋ doluŋ wɩaa arɩ wʋduoru-la ŋ sɩ ŋaa wɩaa a lɩɩ tinteye-la sɩ bolie a kɔ dɩ ʋ dɛnnɩŋ, a joŋ ʋ sɩaa chaasɛ ŋ dɩɩ-balɩŋ deeŋ a sʋlʋŋ,

1 KUOROO 8:43

ŋ hɛ ŋ jaŋ lɛ nɛ, jegile nɩɩ nʋhʋɔrʋ-la sʋla a ŋaa wɩɩ-la kala ʋ sɩɩ chɛ pʋ. Ŋɩɩ nɛ dʋnɩa nɩaa kala jaŋ jɩmɩŋ a fɩfáŋ arɩ ŋ nɩaa Iziral tɩŋŋaa sɩɩ ŋaa ŋɩɩ, aŋ bɩra jɩŋ arɩ mɩ saa ŋ dɩɩ-balɩŋ deeŋ a pɩŋ nɛ dɩ ba chʋchʋɔlʋŋ nɩmɛ.

WƖA YƖƖLAA 102:22

dɩ tinteyee nɩaa nɛ kʋ hilimi dɩ ba chʋɔlʋ.

WƖA YƖƖLAA 22:27

Nʋʋkala sɩ hɛ dʋnɩa lɛ jaŋ liisi La Tɩɩna wɩaa a mɩɩra kɔ ʋ teeŋ. Tinteye-la sɩ hɛ dʋnɩa lɛ nɩaa kala jaŋ kpirimi ʋ sɩpaaŋ a chʋɔlʋ,

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

WƖA YƖƖLAA 89:9

Ŋ nɩɩ beŋ mʋgʋ-balɩŋ, dɩ ʋ lɩɩ pel-duoŋ nɛ sie, ŋ yie ŋaa ʋ sigili nɛ.

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

AZAAYA 45:14

Wɩɩ-la La TƖƖNA sɩ bʋla pɩ Iziral tɩŋŋaa nɛ ŋ-la: “Ijipiti tɩŋŋaa arɩ Kus tɩŋŋaa bayal kɩaa jaŋ ŋaa ma kɩaa. Sɛba tɩŋŋaa bawayiile-la kala jaŋ ŋaa ma yosi. Ma jaŋ hɛba chɔrʋmɔɔ, dɩ baa to ma harɩŋ. Ba jaŋ kpirimi ma sɩpaaŋ a suri ba niiŋ bʋl, ‘Wɩa sɩ chɩŋ ma harɩŋ nɛ sɛnɛ ŋaa Wɩa, kʋŋ dɔŋ tuo.’ ”

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

HOSIA 2:23

Mɩ tɩtɩa nɛ jaŋ holluŋ tintee-la lɛ, mɩ jaŋ dagɛ mɩ chonuŋ Lo-Ruhama lɛ, nɩɩ-la mɩ fa sɩ sɩ mɩ bɩ ʋ cho. Mɩ jaŋ bʋla pɩ Lo-Ammi, nɩalɩŋ ma mɩ fa sɩ sɩ ma bɩ mɩ nɩaa ŋaa: Ma ŋaa mɩ nɩaa nɛ lɛɛlɛ. Ba ma jaŋ bʋl, ‘Ŋ nɛ La Wɩa.’ ”

AMƆS 9:12

Ŋɩɩ jaŋ leŋ dɩ Iziral tɩŋŋaa bɩra wuo yuo kɛsɛ Ɛdɔm nɩkaana-la arɩ tinteye-la fa sɩ ŋaa mɩ nɩaa.” La Tɩɩna nɛ bʋla. Ʋ nɛ jaŋ ŋaa wɩaa deemba.

MƖKA 4:3

Ʋ jaŋ laa tintee daŋ nɩaa wɩaa jɩma pɩba, a kɛŋ tintee-duoruŋ sɩ hɛ dɩ-boloo arɩ dɩ-kpagɩsɩŋ nɩaa kʋ hɛ dɔŋɔ dɩ ba ŋaa sɩma. Ba jaŋ kɛŋ ba tokobiee a libi pirisiŋ, aŋ kɛŋ ba tiŋŋee ma a libi sɩɩ-kɔrʋsʋŋ. Tintee kala bɩra bɩ jaŋ joŋ tokobiiŋ a je ʋ dɔŋɔ lɛ, koo a bɩra gʋnnɛ laalɩŋ yuonuŋ.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

Matiu 8:11

Mɩ bʋlaa pɩma, nɩaa jaŋ yʋgɛ a lɩɩ wɩɩpɔsʋŋ arɩ wɩɩjʋʋlʋŋ a kʋ hɔŋ Wɩa kuorii-la tʋɔŋ dɩ ba dɩ Abɩraham arɩ Aɩzɩk arɩ Jekɔb dii kʋdiilee.

Tɩntɩŋŋaa 15:14

Saamɔŋ Pɩɩta bʋla pɩma ŋɩɩ Wɩa sɩ laa sɩpaaŋ cho nɩalɩŋ sɩ bɩ Juu tɩŋŋaa ŋaa, a lɩɩsɛ nɩaa ba tʋɔŋ dɩ ba ŋaa ʋ nɩaa.

Tɩntɩŋŋaa 15:18

Wɩa bʋl ŋɩɩ faafaa kala nɛ dɩ nɩaa jɩŋ.”

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”