ZƐKARƖYA 8:16 - WƖA TENIŊ

¹⁶ Wɩalɩŋ sɩ maga dɩ ma ŋaa nɛ ŋ-la: Má bʋl wʋtɩtɩɩ a pɩpɩ dɔŋɔ. Ma sarɩya dɩ-diilee, má to wʋtɩtɩɩ sɩ jaŋ leŋ dɩ ma hɔŋ arɩ fɩɛlɩŋ.

ZƐKARƖYA 8:16 ပူးပေါင်းရင်းမြစ်များ

WƖA YƖƖLAA 15:2

See nɩalɩŋ sɩɩ to ŋ niiŋ a ŋɩŋaa wɩalɩŋ sɩ maga dɩ baa ŋaa, a bʋbʋl wʋtɩtɩɩ arɩ ba tʋɔŋ kala,

WƖA YƖƖLAA 34:15

La Tɩɩna sɩaa pɛ tʋɔpʋl tɩŋŋaa lɛ nɛ, a jegilee nɩɩ ba nii-ŋmobo.

NAMAGABA 12:17

Wʋtɩtɩɩ wʋpɛ-naara yie bʋl wʋtɩtɩɩ nɛ sarɩya dɩ-diiliŋ, ama wʋnyɩɛrɛ wʋpɛ-naara-na yie nyɩɛ wɩaa nɛ.

NAMAGABA 12:19

Nɩɩ-la sɩ kɛŋ wʋtɩtɩɩ bɩ dɩdɛrɩ kɛnɛ, ama nɩɩ-la sɩɩ nyɩɛ wɩaa-na bɩ jaŋ dieni aŋ lɛl.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

JƐRƖMAAYA 22:3

wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

ƐZƖKƖƐL 18:8

Ʋ bɩ kɩaa joŋo chɩŋ nɩaa aŋ chɩchɛ dɩ ba tiŋ nyʋʋrʋŋ yʋgɛ. Ʋ bɩ wʋbɔŋŋɔɔ ka ŋaa, dɩ nɩaa nɛ kɛŋ kaalɛrɛ, ʋ yie bʋl wɩɩ-la ʋ bʋa lɛ nɛ a pɩba.

ƐZƖKƖƐL 45:9

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Iziral sɩpaalaaraa, ma ŋaa wʋbɔŋŋɔɔ kieli nɛ. Má leŋ doluŋ diiniŋ arɩ nɩaa dɔgʋsʋŋ, aŋ to wʋtɩtɩɩ a ŋɩŋaa wɩaa ba bʋa lɛ. Má leŋ mɩ nɩaa tinteeŋ kaa laanɩŋ. Mɩ-na ma TƖƖNA Wɩɩjarɩbakɔ nɛ bʋla.

LEVI DOHO NƖAA 19:11

Má sɩ́ gaa. Má sɩ́ wɩaa nyɩa. Má sɩ́ dɔŋɔba ma nyɩsʋ.

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

AMƆS 5:24

Má leŋ dɩ ma wʋtɩtɩɩ nagɛ fuoŋ sɩɩ pɛllʋ, dɩ tʋɔpʋla ma nagɛ fuoŋ lɩɩŋ sɩ bɩ hʋ.

MƖKA 6:12

Ma kɩaa tɩŋŋaa ŋaa yuo-hɛɛrɛ nɛ, a ŋaa wʋnyɩɛra ma. Ma wɩɩŋ nɛ dɩ ma nyɩnyɩsɛ nɩaa.

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

ZƐKARƖYA 7:9

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má leŋ dɩ wʋtɩtɩɩ chaasa chɩŋ ʋ bʋa lɛ. Má fɩfá nɩaa nenige, a fɩfá dɔŋɔba nisusuŋ.

ZƐKARƖYA 8:19

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma sɩ yie vɔɔ niiŋ chɛŋ-nɛsɛ, chɛŋ-nɔŋ, chɛŋ-pɛɩ arɩ chɛŋ-fii lɛ ŋɩɩ, ba jaŋ ŋaa jʋɔsa tapʋlɩa arɩ tʋɔtɔrɛ gbielee a pɩ ma Juda nɩaa. Ŋɩɩ wɩaa má cho wʋtɩtɩɩ, a hɔŋ arɩ fɩɛlɩŋ.”

ZƐKARƖYA 8:3

Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”

Matiu 5:9

Wɩa jaŋ pɛ nanjejeeree lɛ. Ʋ jaŋ kɛmba yɩrɛ ʋ biiriŋ.

Ɛfɛsɩs Nɩaa 4:17

La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.

Ɛfɛsɩs Nɩaa 4:25

Ŋɩɩ wɩaa, má bɩra sɩ́ wɩaa nyɩnyɩa. Má leŋ dɩ nʋʋkala bʋl wʋtɩtɩɩ a pɩ ʋ dɔŋɔ tɩɩna, bɛɛ wɩaa la kala nagɛ nandaasɩŋ nɛ a kʋ mɛrɛ dɔŋɔ lɛ a ŋaa kʋbala.

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”