ZƐKARƖYA 8:14 - WƖA TENIŊ

¹⁴ Wɩɩ-la La TƖƖNA doluŋ kala bɩra sɩ bʋla nɛ ŋ-la: “A nagɛ mɩ fa sɩ kɛŋ mɩ tɩtɩa hɛ dɔŋɔ dɩ mɩ kɛŋ wʋlɔrʋŋ kʋ hɛ ma lɛ ŋɩɩ, a sɩ́ ma nenige fá a tɩŋ ma nyɩmmaba fa sɩ leŋe mɩ baanɩŋ sii wɩaa,

ZƐKARƖYA 8:14 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:16

Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.

WƖA YƖƖLAA 33:11

Ama wɩalɩŋ La Tɩɩna-na sɩ bɩɩna dɩ ʋ ŋaa jaŋ chɩŋ a kaa mʋ wuu. Ʋ tʋɔbɩɩnaa jaŋ chɩŋ a kaa mʋ wuu.

AZAAYA 14:24

La TƖƖNA doluŋ kala Tɩɩna ŋmɩɛsa nɛ a bʋl, “Tɛŋɛ, wɩalɩŋ mɩ sɩ bɩɩna nɛ jaŋ ŋaa, wɩalɩŋ mɩ sɩ kɛŋ mɩ tɩtɩa hɛ dɔŋɔ dɩ mɩ ŋaa, mɩ jaŋ ŋaaba.

JƐRƖMAAYA 20:16

A leŋ dɩ baal-la nagɛ tasɩ-la La TƖƖNA sɩ cheye a bɩ ba nenige fá. A leŋ dɩ ʋ nɩɩ nii-ŋmobo chʋchʋɔŋ, aŋ nɩɩ laalɩŋ goŋ ma wɩɩhɛyɛ.

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 31:28

Mɩ fa sɩ beŋ ba nyuŋ a kɛmba churi ŋɩɩ, a yigiba lo, a cheiba, a lɛrɛ wʋlɔrʋŋ kʋ hɛ ba lɛ, ŋɩɩ tɩtɩa nɛ mɩ jaŋ bɩra beŋ ba nyuŋ dɩ ba wasa hɔŋ a leŋ dɩ ba chɩŋ woruŋ. Mɩ-na ma TƖƖNA nɛ bʋla.

JƐRƖMAAYA 32:42

Wɩɩ-la La TƖƖNA bɩra sɩ bʋla nɛ ŋ-la: “Mɩ sɩ lɛrɛ wʋbɔŋ-balaa deemba kala kʋ hɛ nɩaa deemba lɛ ŋɩɩ, ŋɩɩ tɩtɩa nɛ mɩ jaŋ pɩba dʋa-la kala mɩ sɩ hɛ niiŋ arɩ mɩ jaŋ joŋo pɩba.

JƐRƖMAAYA 4:28

Dʋnɩa nɩaa jaŋ yel, dɩ wɩa-nyuŋ ma biri lim, bɛɛ wɩaa, wɩɩ-la mɩ sɩ bʋla, mɩ bɩ jaŋ kɛŋ mɩ tʋɔbɩɩnaa bɩrɩmɛ. Mɩ kɛŋ tʋɔŋ dɩ mɩ ŋaa nɛ, mɩ bɩ jaŋ mɩɩrɛ harɩŋ.”

ƐZƖKƖƐL 24:14

Mɩ-na ma TƖƖNA nɛ bʋla. Bʋa-la yie nɛ dɩ mɩ ŋaa wɩaa. Mɩ bɩ jaŋ leŋ, mɩ bɩ jaŋ fá nʋʋ nenige, koo a kɛŋ mɩ tʋɔbɩɩnaa bɩrɩmɛ. Mɩ jaŋ dɔgʋsʋŋ a tɩŋ ŋɩɩ ŋ mɛlɛ arɩ ŋ wʋŋaalaa sɩ naga. Mɩ-na ma TƖƖNA Wɩɩjarɩbakɔ nɛ bʋla.”

ZƐKARƖYA 1:2

Ʋ sɩ, “Mɩ-na ma TƖƖNA fa chaasa na baanɩŋ nɛ woruŋ ma naabalɩmaba nyuŋ.

ZƐKARƖYA 1:6

Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”