ZƐKARƖYA 8:13 - WƖA TENIŊ

¹³ Tinteyee nɩaa fa kɛŋ ma-na Juda arɩ Iziral nɩaa yɩrɩŋ a ŋmɩɛsa hɩhɛ nɩaa lɛ nɛ. Ama lɛɛlɛ mɩ jaŋ laama ta a to ma lɛ a pɛ ba lɛ. Má sɩ́ leŋe dɩ fawʋllʋŋ kɛmma, má nyɩrɛ bɔyɛ.

ZƐKARƖYA 8:13 ပူးပေါင်းရင်းမြစ်များ

WƖAA DƖ-SUOMUŊ 26:4

Mɩ jaŋ leŋ dɩ ŋ doho nɩaa pʋŋ a nagɛ chɛnwʋlaa sɩ hɛ wɩa-nyuŋ a joŋ leriŋ deeŋ kala pɩba. Ba lɛ nɛ mɩ jaŋ to pɛ dʋnɩa nɩaa kala lɛ,

WƖA YƖƖLAA 44:16

a tɩŋ mɩ dʋndɔmɔ-la sɩɩ sieri mɩ lɛ aŋ mʋmɔmmɛ, a joŋ ba baanɩŋ aa fɩɩsɛ mɩ lɛ.

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

WƖA YƖƖLAA 79:4

Tinteye-la nɩaa sɩ gollila tʋʋsɛla, a mɔnla, aŋ sisieri la lɛ.

AZAAYA 43:28

Ŋɩɩ wɩaa, mɩ jaŋ leŋ dɩ ma Wɩɩchʋɔlɛ dɩa nɩhɩasɩŋ dii hɩɩsɩŋ. Mɩ jaŋ chei Iziral kala aŋ leŋ dɩ nɩaa tʋʋsɛ ʋ joŋŋoo.”

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 25:18

Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 33:24

“Ŋ bɩ nɩa arɩ nɩaa ka bʋl arɩ mɩ vɩa kuori gentisiŋ deemba balɩa mɩ sɩ lɩɩsa ta nɛɛ? Ŋɩɩ wɩaa ba sɩɩŋ bɩ mɩ nɩaa ka su, a bɩra bɩ bene arɩ ba ŋaa tintee ma.

JƐRƖMAAYA 42:18

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JƐRƖMAAYA 44:12

Mɩ jaŋ kpʋ Juda nɩkaana-la kala sɩ ŋaa siri a kɔ Ijipiti tinteeŋ a hɔŋ nɩmɛ. Ba kala jaŋ sʋʋ Ijipiti tinteeŋ lɛ. Ba jaŋ sʋʋ laalɩŋ lɛ koo losuŋ kpʋba. A chɩŋ ba nɩbiisiŋ lɛ a kaa jɩl ba nɩbalaa, ba jaŋ sʋʋ laalɩŋ lɛ koo losuŋ lɛ. Ba jaŋ kɛŋ nyɛsɩŋ nɩaa sɩaa lɛ. Nɩaa jaŋ sisieri ba lɛ, a kɛŋ ba yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩba.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JEMBIEE 4:15

Nɩaa yie bʋl ba lɛ, “Má sʋrɩsa lɩɩ, ma kɛŋ disiniŋ nɛ. Má sʋrɩsa mʋ, má sʋrɩsa lɩɩ. Má sɩ́ la digu.” Dɩ ba nɛ fá mʋ guoli tinteyee nɩaa tʋɔŋ a gɔllɔɔ baarɛ, nɩalɩŋ ma yie bʋl, “Ba bɩ daha wuo hɔŋ.”

ƐZƖKƖƐL 34:26

Mɩ jaŋ ŋaa wʋzɔŋŋɔɔ mɩ nɩaa lɛ, a leŋ dɩ ba hɔnɔ golli mɩ dundolo-la mɩ sɩ lɩɩsa pɩ mɩ tɩtɩa. Dɩ ba nɩɩ chɛ duonuŋ, mɩ jaŋ leŋ dɩ duoŋ-zɔmʋŋ nɩɩ ʋ bʋa lɛ pɩba.

ƐZƖKƖƐL 37:11

Ŋɩɩ nɛ ʋ bʋla pɩmɛ, “Nuhuobiiŋ, haŋgbelee deemba nɛ ŋaa Iziral tɩŋŋaa kala. Ba sɩ, ‘La haŋgbelee kala hɩla nɛ, la bɩra bɩ yɩɛlaa kɛnɛ, la lɛlɛ nɛ.’

ƐZƖKƖƐL 5:15

Ŋ jaŋ ŋaa mɔmɩɩ, dɩ nɩaa bʋl wɩaa sisii ŋ baanɩŋ. Dɩ mɩ nɛ faasa na baanɩŋ a dɔgʋsʋŋ, ŋɩɩ jaŋ ŋaa chagɩlɩna a pɩ tinteye-la sɩ golluŋ, dɩ fawʋllʋŋ kɛmba dɩ ba hirigi. Mɩ-na ŋ TƖƖNA nɛ bʋla.

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

MƖKA 5:7

Jekɔb doho nɩalɩŋ sɩ ka a bɩ sʋba jaŋ guoli nɩ-daŋ tʋɔŋ. Ba jaŋ pɛ ba lɛ a nagɛ La TƖƖNA sɩ yie leŋ nyalɩŋ nyala hɛ kɩaa lɛ, koo duonuŋ sɩ yie mirise hɛ kɩaa lɛ ba wasɛ ŋɩɩ. Wɩaa deemba kala ka ŋaa Wɩa doluŋ lɛ nɛ, nuhuobiine doluŋ lɛ dee.

ZEFANAAYA 3:16

Tapʋlɩɩ-la ba jaŋ bʋla pɩ Jerusalɛm tɩŋŋaa, “Má sɩ́ fawʋllʋŋ fá, Zaayɔŋ nɩaa, má sɩ́ leŋe dɩ ma nandaasɩŋ yʋɔrɛ.

ZEFANAAYA 3:20

Bʋa-la lɛ, mɩ jaŋ kɛsɛma kʋ hilimi. Bʋa-la nɛ yie, mɩ jaŋ kɛsɛma kɔ dɩa. Mɩ jaŋ leŋ dɩ dʋnɩa nɩaa kala bɩbɛsɛ ma lɛ a zizilma dɩ mɩ nɛ leŋe dɩ ma bɩra dʋa ba sɩɩŋ lɛ.” La TƖƖNA nɛ bʋla.

HAGAƖ 2:19

Kʋdoho nɛ ka vire tʋɔŋ? A kaa kɔ lɛɛlɛ, girep tɩɩsɩŋ arɩ tutogusuŋ, tɩa-la nɛnɛɛ sɩ nagɛ kampoi nɛnɛɛ arɩ nʋʋŋ tɩɩsɩŋ bɩ nɛŋ kala nɛnɛ. Ama a chɩŋ jɩnɩŋ a kaa mʋ, mɩ jaŋ pɛ ma lɛ.’ ”

HAGAƖ 2:5

Wɩɩ-la mɩ sɩ hɛ niiŋ mɩ dɩ ma pɛgɛ a bʋl nɛ ŋɩɩ bʋa-la lɛ ma sɩ lɩɩ Ijipiti tinteeŋ lɛ. Mɩ ha hɛ ma teeŋ nɛ, má sɩ́ fawʋllʋŋ fá.”

ZƐKARƖYA 1:19

Ŋɩɩ nɛ mɩ pɩɛsɛ Wɩa tɩndaarʋ-la sɩɩ bʋl wɩaa mɩ teeŋ, “Bɛɛ kɩaa nɛ ŋ-la?” Ʋ bʋla pɩmɛ, “Nyilliŋ deemba nɛ pɩsɛ Juda, Iziral arɩ Jerusalɛm nɩaa ŋɩɩ.”

ZƐKARƖYA 14:11

Nɩaa jaŋ bɩra hɔŋ nɩmɛ, ba maachie kala bɩra bɩ jaŋ chei lee-la. Jerusalɛm nɩaa jaŋ hɔŋ sɔm.

ZƐKARƖYA 8:15

mɩ kɛŋ mɩ tɩtɩa hɛ dɔŋɔ nɛ lɛɛlɛ dɩ mɩ bɩra ŋaa wʋzɔŋŋɔɔ a pɩ Jerusalɛm arɩ Juda nɩaa. Má sɩ́ fawʋllʋŋ fá.

ZƐKARƖYA 8:9

Wɩɩ-la La TƖƖNA doluŋ kala sɩ bʋla nɛ ŋ-la: “Ma-na nɩalɩŋ lɛɛlɛ sɩɩ nɩɩ wɩalɩŋ mɩ wʋlaabʋlla-la fa sɩ bʋla bʋa-la lɛ ba sɩɩ bil mɩ-na ma TƖƖNA doluŋ kala Tɩɩna dɩɩ-bal-la gentine, má nyɩrɛ bɔyɛ a wasa saa mɩ dɩɩ-bal-la.

ZƐKARƖYA 9:13

Mɩ jaŋ kɛŋ Juda gʋɔrɛ a nagɛ mɩ sɩ gʋɔrɛ mɩ toŋ, dɩ Efirem nɛ ŋaa ʋ to-hɛŋŋɛɛ. Mɩ jaŋ leŋ dɩ Zaayɔŋ nɩaa nagɛ laalɩyuori babii-balɩŋ tokobiiŋ, dɩ mɩ kaa yuo Giriisi nɩaa.”

1 Kɔrɩntɩ Nɩaa 16:13

Má pɔ, a chɩŋ wɩalɩŋ ma sɩ laa dii lɛ kpaŋ kpaŋ. Má kɛŋ bɔɩ-duoŋ a kɛŋ doluŋ Wɩa teeŋ.

Galiisia Nɩaa 3:14

Kirisito ŋaa wɩɩŋ deeŋ pɩ nɩalɩŋ sɩ bɩ Juu tɩŋŋaa ŋaa dɩ ba wuo to ʋ lɛ a na pɛnɛ-la Wɩa sɩ hɛ niiŋ pɩ Abɩraham arɩ ʋ jaŋ joŋo pɩba. Dɩ la nɛ laa Kirisito wɩaa dii, ʋ Dɩŋ-zɔŋ-la ʋ sɩ hɛ niiŋ arɩ ʋ jaŋ joŋo pɩla, la jaŋ wuo laa.

MOSIS BƖRA WULLI WƖA WOMBIIŊ 26:19

Ʋ daga arɩ ʋ jaŋ leŋ dɩ ma nɛ kɩɩ tinteyee kala ʋ sɩ ŋaa, a kɛŋ yɩrɩŋ dɩ nɩaa bɩbɛsɛ ma lɛ. Ʋ jaŋ leŋ dɩ ma ŋaa tʋɔpʋl tɩmma ʋ-na ma TƖƖNA Wɩa teeŋ arɩ ʋ sɩ hɛ niiŋ pɩma ŋɩɩ.”

MOSIS BƖRA WULLI WƖA WOMBIIŊ 28:37

Tintee-wogusu-la lɛ La TƖƖNA sɩ jaŋ kirima mʋ hɛ, ʋ jaŋ ŋaa nɩalɩŋ wʋkpuŋkpere dɩ ba mʋmɔmma aŋ sisieri ma lɛ.