ZƐKARƖYA 8:12 - WƖA TENIŊ

¹² Ba jaŋ duu ba kɩaa arɩ yarɩfɩɛlaa. Ba girep tɩɩsɩŋ jaŋ nɛŋ, tinteeŋ jaŋ leŋ dɩ kɩalɩŋ ba sɩ duo wasɛ, dɩ duonuŋ ma nɩɩ woruŋ. Mɩ jaŋ joŋ kɩaa deemba kala a pɩ mɩ nɩaa nɩkaana-la.

ZƐKARƖYA 8:12 ပူးပေါင်းရင်းမြစ်များ

WƖAA DƖ-SUOMUŊ 26:12

Ŋɩɩ nɛ Aɩzɩk bil baga tintee-la lɛ a duu kɩaa. Jɩna-la tɩtɩa ʋ na kɩaa woruŋ, bɛɛ wɩaa La TƖƖNA pɛ ʋ lɛ nɛ.

WƖAA DƖ-SUOMUŊ 27:28

Wɩa jaŋ leŋ dɩ wɩa-nyuŋ nyal-zɔmʋŋ nyal ŋ baga lɛ dɩ ʋ sɩŋ, a leŋ dɩ ŋ na kʋdiilee yʋgɛ arɩ tɩɩnɛnɛɛ sɩnɩŋ.

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

WƖA YƖƖLAA 72:3

Leŋ dɩ tintee-la nɩbalaa arɩ nɩbiisiŋ kala dʋa, dɩ tʋɔpʋla hɛ nɩmɛ.

WƖA YƖƖLAA 85:12

La Tɩɩna jaŋ ŋaa wʋzɔŋŋɔɔ pɩla dɩ la tinteeŋ kʋpɛrɛɛ wasɛ woruŋ.

NAMAGABA 19:12

Kuoro baanɩŋ nɛ sie, ʋ yie nagɛ naachigiŋ sɩɩ huosu nɛ. Ama dɩ ʋ tʋɔŋ nɛ tɔrɔ nɩa nyuŋ, ʋ yie nagɛ nyalɩŋ sɩ nyala hɛ yaŋ lɛ nɛ.

AZAAYA 30:23

Ʋ jaŋ leŋ dɩ duonuŋ nɩɩ dɩ ma duu kɩaa dɩ ba wasɛ woruŋ, dɩ kʋdiilee pʋrɩgɛ. Bʋa-la lɛ ma nɛsɩŋ jaŋ na yaŋ a dii woruŋ.

AZAAYA 61:7

Mɩ nɩaa sɩ dii hɩɩsɩŋ ŋɩɩ, ba jaŋ nɩɩ sɩma kɩɩ ŋɩɩ bʋlɩa bʋlɩa ba tinteeŋ lɛ. Ba sɩ jolimiba ŋɩɩ, ba kpaalɩŋ jaŋ ŋaa bʋlɩa tintee-la lɛ dɩ ba kɛŋ tʋɔtɔrʋŋ a kaa mʋ wuu.

JƐRƖMAAYA 31:12

Ba jaŋ kɔ a ŋaa goŋ arɩ tʋɔtɔrʋŋ Zaayɔŋ dundolluŋ nyuŋ. Ba jaŋ jʋɔsɛ a tɩŋ kʋ-daŋ-la mɩ-na ma TƖƖNA sɩ joŋo pɩba wɩaa. Mɩ pɩba mɩaa, girep nɛnɛɛ sɩ-falɩŋ arɩ nʋʋŋ, a pɛ biiri-la ba nɛsɩŋ arɩ ba piesee sɩ lʋla lɛ. Ba jaŋ nagɛ lɩga sɩ kɛŋ fɩɛlɩŋ woruŋ, ba tʋɔŋ bɩra bɩ jaŋ chei.

ƐZƖKƖƐL 34:28

Tintee-wogusuŋ nɩaa bɩra bɩ jaŋ kʋ laa ba kɩaa. Baga kɩaa ma bɩra bɩ jaŋ kɛsɛba dii. Ba jaŋ hɔŋ sɔm, nʋʋkala bɩ jaŋ joŋ fawʋllʋŋ hɛ ba lɛ.

ƐZƖKƖƐL 36:12

Mɩ jaŋ kɛŋ ma-na Iziral tɩŋŋaa, mɩ nɩaa mɩɩra kɔ tintee-la. Ʋ jaŋ ŋaa ma kʋŋ, ʋ bɩra bɩ jaŋ leŋ dɩ ma biiriŋ sʋsʋʋ.

ƐZƖKƖƐL 36:30

Mɩ jaŋ leŋ dɩ ma tɩɩsɩŋ faasa nɛnɛ yʋgɛ, dɩ ma kʋpɛrɛɛ ma faasa wasɛ, dɩ hɩɩsɩŋ bɩra sɩ́ ma dii tinteye-la lɛ a tɩŋ losuŋ wɩaa.

ƐZƖKƖƐL 36:9

Mɩ chɩl ma wɩaa nɛ, mɩ jaŋ dagɛ mɩ chonuŋ a pɩma, ma jaŋ bɩra pɛrɛ ma tinteeŋ lɛ a duu kɩaa nɩmɛ.

HOSIA 13:3

Ŋɩɩ wɩaa ba jaŋ nagɛ bʋrʋŋ sɩ tɔ chʋchʋɔŋ, a nagɛ chʋchʋɔ-fɩɛla nyalɩŋ sɩ guu huo, a nagɛ peliŋ sɩ paa mɩɩ-jɔrʋŋ taha lɛ viiri, a nagɛ nyʋɔsʋŋ sɩ to viise lɩlɩɩ.

HOSIA 14:5

Mɩ jaŋ nagɛ nyalɩŋ a nyala hɛ Iziral tɩŋŋaa lɛ. Ʋ jaŋ fɩɩlɛ a nagɛ tɩa sɩ fɩɩla. Ʋ jaŋ nagɛ kuolo sɩ hɛ Lɛbanɔŋ lɛ, ʋ naapoloo tuu tinteeŋ,

JOWƐL 2:19

La TƖƖNA jaŋ mɩɩra bʋla pɩba: “Mɩ jaŋ pɩma mɩaa, girep nɛnɛɛ sɩ-falɩŋ arɩ nʋʋŋ, dɩ ba yʋgɛ woruŋ dɩ ma dii vɔgɛ. Mɩ maachie bɩra bɩ jaŋ leŋ dɩ ma ŋaa mɔmɩa a pɩ tinteyee nɩaa.

JOWƐL 2:22

Bagɩlaa, má sɩ́ leŋe dɩ fawʋllʋŋ kɛmma, tintee-hɩlɩŋ bɩra suomo nyʋnyʋ yaŋ nɛ. Tɩɩsɩŋ ka nɛŋ nɛ, tutogusuŋ arɩ girep tɩɩsɩŋ bɩra faasa nɩnɛŋ nɛ.

LEVI DOHO NƖAA 26:3

Dɩ ma nɛ fɩɛlɛ ma sɩaa aa to mɩ niiŋ arɩ wombie-la mɩ sɩ dagɛma,

ZEFANAAYA 3:13

Iziral nɩkaana-la sɩ bɩ sʋba bɩ jaŋ ŋaa wʋbɔŋ, ba bɩ jaŋ nyɩnyɩɛ wɩaa, ba bɩ jaŋ nyɩnyɩsɛ nɩaa ma. Ba jaŋ dii kɩaa aŋ pɩŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

HAGAƖ 1:10

Ŋɩɩ wɩaa nɛ tɩɩ duonuŋ bɩ nɩɩ, ma kʋduuloo ma bɩ wasɛ.

HAGAƖ 2:18

Má chɩŋ tapʋlʋŋ deeŋ sɩ ŋaa chɛŋ-nibi tapʋlaa mara arɩ banɛsɛ jɩnɩŋ, a fɩɛlɛ ma sɩaa a bɩɩnɛ woruŋ na tapʋlɩɩ-la ma sɩ bil mɩ-na ma TƖƖNA dɩɩ-bal-la gentine. Má fɩɛlɛ ma sɩaa a bɩɩnɛ woruŋ na:

HAGAƖ 2:19

Kʋdoho nɛ ka vire tʋɔŋ? A kaa kɔ lɛɛlɛ, girep tɩɩsɩŋ arɩ tutogusuŋ, tɩa-la nɛnɛɛ sɩ nagɛ kampoi nɛnɛɛ arɩ nʋʋŋ tɩɩsɩŋ bɩ nɛŋ kala nɛnɛ. Ama a chɩŋ jɩnɩŋ a kaa mʋ, mɩ jaŋ pɛ ma lɛ.’ ”

ZƐKARƖYA 8:6

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Bʋa-la lɛ ʋ jaŋ wuo ŋaa wʋkpuŋkpere nɩalɩŋ nɩkaana-la teeŋ, ama ʋ bɩ jaŋ wuo ŋaa wʋkpuŋkpere mɩ-na teeŋ. Mɩ-na ma TƖƖNA doluŋ kala Tɩɩna nɛ bʋla.”

MALAKAƖ 3:11

Mɩ bɩ jaŋ leŋ dɩ diiree chei ma baga kɩaa, ma girep tɩɩsɩŋ jaŋ chaasa nɛŋ woruŋ.

Matiu 6:33

Ŋɩɩ wɩaa má laa sɩpaaŋ chɛ kɩalɩŋ sɩ hɛ Wɩa kuorii-la tʋɔŋ a chɛ ŋɩɩ ma sɩ jaŋ ŋaa a kɛŋ tʋɔpʋla ʋ sɩpaaŋ. Ʋ jaŋ joŋ kɩaa deemba kʋŋkala pɛ pɩma.

1 Kɔrɩntɩ Nɩaa 3:21

Ŋɩɩ wɩaa nʋʋkala saa sɩ́ ʋ bɔyɛ lɛ ŋmoo a dagɛ wɩɩ-la nuhuobiine sɩ jaŋ wuo ŋaa. Wʋtɩtɩɩ, ma nɛ tɩɩ kʋŋkala.

MOSIS BƖRA WULLI WƖA WOMBIIŊ 32:2

Leŋ dɩ wɩalɩŋ mɩ sɩɩ dagʋ nagɛ duonuŋ sɩɩ nɩɩ, dɩ mɩ wʋbʋlaa nagɛ nyalɩŋ, a nagɛ duonuŋ sɩ mirise hɛ yaŋ sɩ bumo nyʋ lɛ, a nagɛ duonuŋ sɩ faasa nɩɩ a hɛ kʋduuloo ha sɩ bɩ waa lɛ.

MOSIS BƖRA WULLI WƖA WOMBIIŊ 33:13

Josɛf doho nɩaa ma lɛ, ŋ-la nɛ ʋ bʋl: “La TƖƖNA, leŋ dɩ duonuŋ nɩɩ woruŋ a pɩba, dɩ lɩɩŋ ma bulo lɩɩ tinteeŋ dɩ ba tinteeŋ kɛŋ fɩɛlɩŋ.

MOSIS BƖRA WULLI WƖA WOMBIIŊ 33:28

Iziral tɩŋŋaa jaŋ hɔŋ tintee-la sɩ kɛŋ fɩɛlɩŋ lɛ, tintee-la duoŋ-zɔmʋŋ sɩ jaŋ nɩɩ, dɩ kʋdiilee arɩ tɩɩnɛnɛɛ sɩnɩŋ hɛ nɩmɛ.

Jeems 3:18

Dɩ nanjejeeree nɛ pɛ nɩaa lɛ dɩ ba hɔŋ sɔm, wʋzɔŋŋɔɔ nɛ ba yie na.