ZƐKARƖYA 7:9 - WƖA TENIŊ

⁹ Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má leŋ dɩ wʋtɩtɩɩ chaasa chɩŋ ʋ bʋa lɛ. Má fɩfá nɩaa nenige, a fɩfá dɔŋɔba nisusuŋ.

ZƐKARƖYA 7:9 ပူးပေါင်းရင်းမြစ်များ

2 SAMƲƐL 9:7

Devit bʋla pʋ, “Sɩ́ leŋe dɩ ŋ bɔyɛ joŋ, mɩ jaŋ chaasa dagɛ mɩ chonuŋ a pɩŋ a tɩŋ ŋ nyɩmma Jonataŋ wɩaa. Mɩ jaŋ joŋ tintee-la kala sɩ ŋaa ŋ naabalɩma Sɔɔl kʋŋ a pɩŋ, aŋ ka dɩ ŋ didii kɩaa ma mɩ dɩa lɛ bʋa na-kala.”

JOB 31:20

mɩ yie joŋ gɛrɩŋ ba sɩ kɛŋ mɩ piesee pʋnaa ŋaa a pʋʋ nɛ. Ŋɩɩ nɛ ba yie bɛsɛ mɩ lɛ arɩ ba tʋɔŋ kala.

JOB 6:14

Dɩ nʋʋ tʋɔŋ nɛ cheye, ʋ maga dɩ ʋ nandɔnsʋŋ nɛ chɩna gbɛrʋ, dɩ tɩɩna nɛ paala bɩra bɩ Wɩa doluŋ kala Tɩɩna ka fá ma.

NAMAGABA 21:3

Dɩ nʋʋ nɩɩ ŋaa wɩaa ba bʋa lɛ a kɛŋ wʋtɩtɩɩ, ŋɩɩ nɩɩ tɔrɛ La Tɩɩna tʋɔŋ a kɩɩ nʋʋ sɩ kpʋ pʋsʋŋ a ŋaa Wɩɩsʋlʋŋ pʋ.

JƐRƖMAAYA 21:12

Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 22:3

wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

JƐRƖMAAYA 7:23

Ama mɩ fa joŋ wɩɩŋ deeŋ ma a dagɛba nɛ: Má sɛɩ mɩ niiŋ, dɩ mɩ ŋaa ma Wɩa, dɩ ma ma ŋaa mɩ nɩaa. Má to wɩalɩŋ kala mɩ sɩ dagɛma, dɩ wɩaa wuo vɛŋ woruŋ a pɩma.

JƐRƖMAAYA 7:5

Dɩ ma nɛ chaasa bɩrɩma lɩɩ ŋɩɩ ma sɩ naga lɛ, a joŋ wɩalɩŋ ma sɩɩ ŋaa ta, aŋ ŋɩŋaa wɩaa ba bʋɔsʋŋ lɛ dɔŋɔba teeŋ,

ƐZƖKƖƐL 18:8

Ʋ bɩ kɩaa joŋo chɩŋ nɩaa aŋ chɩchɛ dɩ ba tiŋ nyʋʋrʋŋ yʋgɛ. Ʋ bɩ wʋbɔŋŋɔɔ ka ŋaa, dɩ nɩaa nɛ kɛŋ kaalɛrɛ, ʋ yie bʋl wɩɩ-la ʋ bʋa lɛ nɛ a pɩba.

ƐZƖKƖƐL 45:9

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Iziral sɩpaalaaraa, ma ŋaa wʋbɔŋŋɔɔ kieli nɛ. Má leŋ doluŋ diiniŋ arɩ nɩaa dɔgʋsʋŋ, aŋ to wʋtɩtɩɩ a ŋɩŋaa wɩaa ba bʋa lɛ. Má leŋ mɩ nɩaa tinteeŋ kaa laanɩŋ. Mɩ-na ma TƖƖNA Wɩɩjarɩbakɔ nɛ bʋla.

HOSIA 12:7

Iziral tɩŋŋaa nagɛ bayalaa sɩ kɛŋ sanɩaba sɩ bɩ zɔŋ nɛ a mɩmagɩsɛ kɩaa, ba cho nɩaa gʋrʋŋ.

LEVI DOHO NƖAA 19:15

Ma pʋpɔ má sɩ́ wʋtɩtɩɩ joŋo faa. Má sɩ́ summo gʋrʋ a tɩŋ ʋ sɩ bɩ kʋŋ kɛnɛ wɩaa, a sɩ́ kɩaa tɩɩna ma lɛ pɛ a tɩŋ ʋ sɩ kɛŋ kɩaa. Má dii nʋʋkala sarɩya arɩ wʋtɩtɩɩ.

AMƆS 5:24

Má leŋ dɩ ma wʋtɩtɩɩ nagɛ fuoŋ sɩɩ pɛllʋ, dɩ tʋɔpʋla ma nagɛ fuoŋ lɩɩŋ sɩ bɩ hʋ.

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

ZƐKARƖYA 7:7

Wɩɩ-la tɩtɩa mɩ-na ma TƖƖNA sɩ to mɩ wʋlaabʋlla-la sɩ laa sɩpaaŋ kɔ, bʋa-la lɛ Jerusalɛm arɩ ʋ tasɩ-la sɩ gollu fa sɩ kɛŋ nɩaa yʋgɛ ba hɔŋ sɔm a kɛŋ dʋa, a pɛ wɩɩpɔsʋŋ nadiiŋ dɩɩrɩŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ a bʋl nɛ ŋɩɩ.”

ZƐKARƖYA 7:8

La TƖƖNA bɩra bʋl wɩaa a pɩ Zɛkarɩya:

Matiu 23:23

Wɩɩŋ puu ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la. Dɩ ma nɛ jaa pɩpaarɩ-la ma sɩ yie joŋo hɛ kʋdiilee lɛ ba sʋɔra sɩŋ, ma yie kɛmba kala kaa kpaa leree fii fii a joŋ ba kʋŋkala leriŋ dɔŋɔ a pɩ Wɩa aŋ vɩa dɩ ma to sɩɩfɩaŋ wɩalɩŋ Mosis fa sɩ bile pɩma dɩ ma tuto. Ba nɛ ŋ-la: Má to wʋtɩtɩɩ wombiiŋ a fá nɩaa nenige a laa Wɩa dii. Ʋ maga dɩ ma kpaa ma kɩalɩŋ leree fii fii nɛ a joŋ kʋbala pɩ Wɩa, ama ʋ bɩ maga dɩ ma vɩa wʋtɩtɩɩ wombiiŋ.

Luuk 11:42

Ma Farisii tɩŋŋaa, ma jaŋ na hɛɛŋ. Kʋbiisiŋ ma yie kaa kpaa leree fii fii, a joŋ leriŋ kʋbala a pɩ Wɩa. Dɩ ma nɛ jaa pɩpaarɩ-la sʋɔra sɩ sɩma arɩ pɩpaarɩ-la sʋɔra sɩ bɩ sɩŋ arɩ pɩpaa-diilee maa, ma yie kɛmba kaa kpaa leree fii fii, a joŋ ba kʋŋkala leriŋ dɔŋɔ a pɩ Wɩa, ama ma vɩa wʋtɩtɩɩ wombiiŋ a bɩ Wɩa cho. Ʋ maga dɩ ma kpaa ma kɩalɩŋ leree fii fii, a joŋ leriŋ kʋbala a pɩ Wɩa, ama ʋ bɩ maga dɩ ma vɩa wʋtɩtɩɩ wombiiŋ.

Jɔɔŋ 7:24

Dɩ nʋʋ nɛ ŋaa wɩɩ, má sɩ́ guu joŋ cheeriŋ pʋ a tɩŋ ma sɩ bɩɩna arɩ ʋ bɩ woruŋ ŋaa wɩaa. Má beŋ wɩɩ-la tʋɔŋ a jɩŋ ʋ wʋtɩtɩɩ, aŋ-na joŋ cheeriŋ pʋ.”

Jɔɔŋ 7:51

Ŋɩɩ nɛ ʋ bʋla pɩba, “La kɩsɩŋ nɛ dɩ la joŋ cheeriŋ a pɩ nʋʋ dɩ ʋ nɛ ŋaa wɩɩ, see dɩ la laa sɩpaaŋ nɩɩ tɩɩna niiŋ, a jɩŋ wɩɩ-la ʋ sɩ ŋaa.”

MOSIS BƖRA WULLI WƖA WOMBIIŊ 22:1

Dɩ ŋ nɛ na ŋ naambie nɛŋ koo ʋ piese dɩ ʋ lɛlɛ, sɩ́ beŋ a nagɛ ŋ bɩ ʋ na, kɛŋ a kaa mʋ pʋ.