ZƐKARƖYA 7:6 - WƖA TENIŊ

⁶ Ma fa sɩ yie gbiele dii kɩaa aŋ nyʋnyʋa kɩaa, ma tɩtɩa dee ma ŋaa wɩaa deemba a pɩpaa?

ZƐKARƖYA 7:6 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:22

Tapʋlɩɩ-la nɩalɩŋ tʋɔŋ chaasa tɔrɛ nɛ ba dii kɩaa aŋ nyʋa kʋnyʋalaa La TƖƖNA sɩpaaŋ. Ba bɩra wasa lɩɩsɛ Solomoŋ, Devit nanʋala lɩa ʋ ŋaa kuoro a joŋ nʋʋŋ tɩsʋ La TƖƖNA sɩpaaŋ, aŋ lɩɩsɛ Zadɔk ma a joŋ nʋʋŋ tɩsʋ ʋ ŋaa Wɩɩsʋllɩ sɩpaalaara.

AZAAYA 43:23

Ma bɩ piesee kaa kʋ ŋaa kʋnyɩgaa Wɩɩsʋlʋŋ pɩmɛ. Ma bɩ pʋsʋŋ kpʋ a ŋaa Wɩɩsʋlʋŋ a zilmi. Mɩ bɩ ma fʋga dɩ ma kɛŋ mɩaa Wɩɩsʋlʋŋ kɔ, koo a walɩmɛ ma a tɩŋ kʋsʋɔrʋsʋŋ sʋɔra sɩ sɩma wɩaa.

AZAAYA 58:3

Ba sɩ, ‘Bɛɛ nɛ tɩɩ la yie vɔɔ niiŋ, a kɛŋ la tɩtɩa muuri ka La TƖƖNA bɩ laa tɔgʋmɛ?’ ” La TƖƖNA bɩra sɩ, “Wʋtɩtɩɩ nɛ, bʋa-la ma sɩ yie vɔɔ niiŋ, ma yie ŋɩŋaa ma tɩtɩa tʋɔtɔrɛ wɩaa nɛ, aŋ dʋdɔgɩsɛ ma tɩntɩnnaa.

HOSIA 8:13

Ba yie kpʋ pʋsʋŋ a ŋaa Wɩɩsʋlʋŋ pɩmɛ, aŋ joŋ nammɩa-la chaŋ, ama mɩ-na ba TƖƖNA tʋɔŋ bɩ ba Wɩɩsʋlʋŋ-la nyuŋ tɔrɔ. Lɛɛlɛ mɩ jaŋ liise yi ba nɩbɔŋ wɩalɩŋ lɛ a dɔgɩsɛba a tɩŋ ba wʋbɔŋŋɔɔ wɩaa. Ba jaŋ mɩɩra mʋ Ijipiti tinteeŋ.

HOSIA 9:4

Ba bɩ jaŋ na wombiiŋ nɩmɛ a kɛŋ sɩnɩŋ ŋaa kʋnyʋalaa Wɩɩsʋlʋŋ a pɩ La TƖƖNA. Pʋsʋ-la ba sɩ jaŋ kpʋ a ŋaa Wɩɩsʋlʋŋ ma bɩ jaŋ tɔrɛ ʋ tʋɔŋ. Ba Wɩɩsʋlʋŋ kɩaa jaŋ nagɛ nɩalɩŋ sɩɩ yel yoho kʋdiilee, nɩalɩŋ kala sɩ diiba jaŋ kɛŋ disiniŋ. Kʋdiilee deemba jaŋ ŋaa ba tɩtɩa kɩaa, ba bɩ jaŋ wuo kɛmba jʋʋ La TƖƖNA dɩɩ-balɩŋ.

ZƐKARƖYA 7:5

“Pɩɛsɛ tintee-la nɩaa arɩ Wɩɩsʋllɩ sɩpaalaaraa kala: Ma sɩ vɔɔ niiŋ a yel chɛŋ-nɔŋ arɩ chɛŋ-pɛɩ tʋɔŋ jɩsɩŋ mahɩŋ batori arɩ fii-la kala sɩ bala lɛ, mɩ wɩaa nɛ ma sɛnɛ vɔɔ nii-la?

ZƐKARƖYA 7:7

Wɩɩ-la tɩtɩa mɩ-na ma TƖƖNA sɩ to mɩ wʋlaabʋlla-la sɩ laa sɩpaaŋ kɔ, bʋa-la lɛ Jerusalɛm arɩ ʋ tasɩ-la sɩ gollu fa sɩ kɛŋ nɩaa yʋgɛ ba hɔŋ sɔm a kɛŋ dʋa, a pɛ wɩɩpɔsʋŋ nadiiŋ dɩɩrɩŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ a bʋl nɛ ŋɩɩ.”

1 Kɔrɩntɩ Nɩaa 10:31

Ŋɩɩ wɩaa kʋŋ na-kala ma sɩɩ dii arɩ kʋŋ na-kala ma sɩɩ nyʋa, wɩɩ-na kala ma sɩɩ ŋaa, má ŋaa ba kala dɩ Wɩa yɩrɩŋ yɩrɛ.

MOSIS BƖRA WULLI WƖA WOMBIIŊ 12:7

Nɩmɛ nɛ ma dɩ ma dɩa nɩaa jaŋ dii kɩalɩŋ ma TƖƖNA Wɩa sɩpaaŋ, aŋ jʋɔsɛ kɩalɩŋ kala ma sɩ kɛnɛ lɛ, bɛɛ wɩaa ma TƖƖNA Wɩa nɛ pɛ ma lɛ ma naba.

MOSIS BƖRA WULLI WƖA WOMBIIŊ 14:26

Ma joŋ moribie-la a yɔɔ kʋŋ na-kala ma sɩɩ chɛ: Nɛsɩŋ, piesee, tɩɩnɛnɛɛ sɩnɩŋ koo sɩ-yele. Ma dɩ ma dɩa nɩaa jaŋ dii kɩalɩŋ ma TƖƖNA Wɩa sɩpaaŋ aŋ gbieli.

Koloosi Nɩaa 3:17

Wɩɩ na-kala ma sɩɩ ŋaa koo ma sɩɩ bʋl, má ŋaa ba kala La Tɩɩna Yesu yɩrɩŋ lɛ a lɔllɛ la Nyɩmma Wɩa ʋ yɩrɩŋ lɛ.

1 SAMƲƐL 16:7

La TƖƖNA bʋla pɩ Samʋɛl, “Sɩ́ ŋɩɩ ʋ sɩ zɔmɔ koo ʋ sɩ waayi lɛ beŋ, ʋ dee mɩ lɩɩsɛ. Mɩ-na ma TƖƖNA bɩ kɩalɩŋ nuhuobiine sɩɩ beŋ nɩɩ beŋ. Nuhuobiine yie beŋ yaraa zɔmʋŋ lɛ nɛ, ka mɩ-na ma TƖƖNA ma bibeŋ tʋɔŋ lɛ.”