Ma bɩ piesee kaa kʋ ŋaa kʋnyɩgaa Wɩɩsʋlʋŋ pɩmɛ. Ma bɩ pʋsʋŋ kpʋ a ŋaa Wɩɩsʋlʋŋ a zilmi. Mɩ bɩ ma fʋga dɩ ma kɛŋ mɩaa Wɩɩsʋlʋŋ kɔ, koo a walɩmɛ ma a tɩŋ kʋsʋɔrʋsʋŋ sʋɔra sɩ sɩma wɩaa.
Ba sɩ, ‘Bɛɛ nɛ tɩɩ la yie vɔɔ niiŋ, a kɛŋ la tɩtɩa muuri ka La TƖƖNA bɩ laa tɔgʋmɛ?’ ” La TƖƖNA bɩra sɩ, “Wʋtɩtɩɩ nɛ, bʋa-la ma sɩ yie vɔɔ niiŋ, ma yie ŋɩŋaa ma tɩtɩa tʋɔtɔrɛ wɩaa nɛ, aŋ dʋdɔgɩsɛ ma tɩntɩnnaa.
Ba tʋɔŋ kala dee ba kaa yele pɩpɩmɛ, ba mɩɩrɛ mɩ harɩŋ nɛ. Dɩ ba nɛ sʋla chɩchɛ kʋdiilee arɩ sɩnɩŋ ba yie pɩŋ ba bɔsʋnʋŋ lɛ nɛ a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.
Ba yie ŋaa wɩɩkala dɩ nɩaa naba nɛ. Ba yie ŋmʋnsɛ Wɩa niiŋ wɩaa a hɛ teŋ-jalaa lɛ a kaa vʋvɔɔ ba gɛnnɩŋ nɩsaa lɛ arɩ ba nyunchuuluŋ lɛ aŋ leŋ ba gɛnnɩŋ jʋɔsaa ma duomi duomi.
Ŋɩɩ nɛ Yesu sɩ, “Dɩ ma nɛ vɔɔ niiŋ, ma sɩ́ sɩaa kaa chei a nagɛ nɩalɩŋ sɩɩ dagɛ ba tɩtɩa. Ba yie gʋgɔllɛ arɩ losuŋ a kɛŋ sɩaa kala chei dɩ nʋʋkala na a jɩŋ arɩ ba vɔɔ niiŋ nɛ. Wʋtɩtɩɩ nɛ, mɩ bʋlaa pɩma, ba-na paala laa ba time kala dɛrɛ nɛ.
Ŋɩɩ nɛ Yesu bɩra bʋl, “Dɩ ma nɩɩ chʋɔlɛ Wɩa, ma sɩ́ nɩalɩŋ sɩɩ dagɛ ba tɩtɩa nagʋ. Ba yie cho dɩ ba chɩŋ Wɩɩchʋɔlɛ dɩɩsɩŋ lɛ arɩ wombiee sɛmɛ a chʋchʋɔlɛ Wɩa dɩ nʋʋkala naba. Wʋtɩtɩɩ nɛ mɩ bʋlaa pɩma, ba paala laa ba time nɛ.