ZƐKARƖYA 7:3 - WƖA TENIŊ

³ Dɩ ba pɩɛsɛ Wɩɩsʋllɩ sɩpaalaaraa sɩ hɛ La TƖƖNA doluŋ kala Tɩɩna dɩa lɛ arɩ Wɩa wʋlaabʋllaa wɩɩŋ deeŋ, “Ʋ maga dɩ la ha yel aŋ vɔɔ niiŋ chɛŋ-nɔŋ lɛ arɩ ŋɩɩ la sɩ vɛnɛɛ ŋaa jɩ-daŋ-la sɩ bala lɛ nɛɛ?”

ZƐKARƖYA 7:3 ပူးပေါင်းရင်းမြစ်များ

ƐZƖRA 3:10

Dɩɩ-saara-la sɩ bil La TƖƖNA dɩɩ-bal-la gentine, Wɩɩsʋllɩ sɩpaalaaraa laalɛ ba tɩntɩnnɩ-gɛnnɩŋ, a kori nyilliŋ. Levi doho nɩaa (Asaf hambolibiisiŋ) ma kori buguloo, ba chɩŋ ba dɩchɩnaa dɩ ba dɛnnɛ La TƖƖNA, arɩ Iziral tɩŋŋaa kuoro Devit sɩ dagɛ ŋɩɩ.

TƖƖCHA 3:4

Bʋa-la lɛ nɩaa sɩ jaŋ yel arɩ bʋa-la lɛ ba sɩ jaŋ mɔŋ. Bʋa-la lɛ ba sɩ jaŋ ŋmoo niiŋ arɩ bʋa-la lɛ ba sɩ jaŋ gbieli.

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

JOWƐL 2:17

Má leŋ dɩ Wɩɩsʋllɩ sɩpaalaaraa, nɩalɩŋ sɩɩ tɩŋ La TƖƖNA sɩpaaŋ chɩŋ Wɩa dɩɩ-bal-la zawʋra arɩ Wɩɩsʋlʋŋ koru-la pɛgɛ a yiyel. Má leŋ dɩ ba bʋl, “La TƖƖNA, laa sʋlʋŋ, joŋo chɛ ŋ nɩaa. Sɩ́ leŋe dɩ nɩalɩŋ ŋ sɩ lɩɩsa ŋaa mɔmɩa, dɩ tinteyee nɩaa sisieri ba lɛ. Sɩ́ leŋe dɩ tinteyee nɩaa pɩɛsɛ arɩ nɩɩ nɛ ba Wɩa hɛ.”

HAGAƖ 2:11

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Pɩɛsɛ Wɩɩsʋllɩ sɩpaalaaraa wɩalɩŋ wombii-la ba sɩ bile dɩ ba tuto sɩ daga:

ZƐKARƖYA 7:4

Ŋɩɩ nɛ La TƖƖNA doluŋ kala Tɩɩna bʋla pɩmɛ:

ZƐKARƖYA 7:5

“Pɩɛsɛ tintee-la nɩaa arɩ Wɩɩsʋllɩ sɩpaalaaraa kala: Ma sɩ vɔɔ niiŋ a yel chɛŋ-nɔŋ arɩ chɛŋ-pɛɩ tʋɔŋ jɩsɩŋ mahɩŋ batori arɩ fii-la kala sɩ bala lɛ, mɩ wɩaa nɛ ma sɛnɛ vɔɔ nii-la?

ZƐKARƖYA 8:19

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma sɩ yie vɔɔ niiŋ chɛŋ-nɛsɛ, chɛŋ-nɔŋ, chɛŋ-pɛɩ arɩ chɛŋ-fii lɛ ŋɩɩ, ba jaŋ ŋaa jʋɔsa tapʋlɩa arɩ tʋɔtɔrɛ gbielee a pɩ ma Juda nɩaa. Ŋɩɩ wɩaa má cho wʋtɩtɩɩ, a hɔŋ arɩ fɩɛlɩŋ.”

MALAKAƖ 2:7

Ma Wɩɩsʋllɩ sɩpaalaaraa nɛ maga dɩ ma dagɛ nɩaa dɩ ba jɩŋ mɩ wɩaa. Nɩaa maga dɩ ba kɔ ma teeŋ nɛ a gʋnnɛ wɩalɩŋ mɩ sɩɩ chɛ dɩ ba jɩŋ, bɛɛ wɩaa ma nɛ ŋaa mɩ-na ma TƖƖNA doluŋ kala Tɩɩna tɩndaaraa.

Matiu 9:15

Ŋɩɩ nɛ Yesu pɩɛsɛba, “Dɩ nʋʋ nɛ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la tʋɔŋ jaŋ chei? Aɩ. Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”

1 Kɔrɩntɩ Nɩaa 7:5

Dɩ baala nɩɩ chɛ ʋ haala, ʋ bɩ maga dɩ haala vɩa, dɩ haala ma nɩɩ chɛ ʋ bala, ʋ bɩ maga dɩ ʋ bala ma vɩa, see dɩ ba kala sɛyɛ arɩ ba bɩ jaŋ jɩŋ dɔŋɔ a magɛ tapʋlaa baŋmɛnɛ, aŋ joŋ ba tɩtɩa kala hɛ Wɩɩ-chʋɔlʋŋ lɛ. Ama dɩ ma nɛ chʋɔlɛ Wɩa dɛrɛ, má bɩra suomo jɩŋ dɔŋɔ. Dɩ ma nɩɩ ŋaa ŋɩɩ, Sɩtaanɩ bɩ jaŋ wuo na wombiiŋ a jomma hɛ wʋbɔmʋŋ lɛ a tɩŋ ma sɩ bɩ ma tɩtɩa kɛnɩŋ jɩŋ wɩaa.

MOSIS BƖRA WULLI WƖA WOMBIIŊ 33:10

Levi doho nɩaa nɛ yie dagɛ wɩalɩŋ kala ŋ sɩɩ chɛ arɩ ŋ wombiee a pɩ Iziral tɩŋŋaa. Ba nɛ yie nyɩgɛ kʋsʋɔrʋsʋŋ sʋara sɩ sɩma ŋ sɩpaaŋ, aŋ nyɩgɛ kʋnyɩgaa Wɩɩsʋlʋŋ ma ŋ koru-la nyuŋ.