ZƐKARƖYA 7:14 - WƖA TENIŊ

¹⁴ Mɩ leŋe pel-duo nɛ kɛmba pɩsa hɛ tinteyee lɛ, ba ŋaa nʋhʋɔra. Tintee-la fa pɩŋ hoi nɛ, nʋʋkala bɩ nɩmɛ ka mʋ koo a lɩɩ nɩmɛ kʋkɔ. Wɩalɩŋ ba sɩ ŋaa a leŋ tintee-zɔŋ-la pɩŋ hoi nɛ ŋɩɩ.”

ZƐKARƖYA 7:14 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:21

Tintee-la fa pɩŋ pɛɩ nɛ a wiesi jɩsɩ-la kala ba sɩ bɩ leŋe ʋ wiesi. Ʋ pɩŋ ŋɩɩ nɛ a mʋ yi jɩsɩŋ mahɩŋ batori arɩ fii, a leŋ wɩɩ-la La TƖƖNA wʋlaabʋlla Jɛrɩmaaya fa sɩ bʋla kʋ ŋaa wʋtɩtɩɩ.

WƖA YƖƖLAA 58:9

Nɩbɔŋŋɔɔ jaŋ jɩjɩŋ dɩ Wɩa kpʋba a nagɛ yaŋ. Ʋ jaŋ faasa na baanɩŋ ba nyuŋ, a cheiba dɩ ba ha weye.

AZAAYA 17:13

Nɩalɩŋ dɔmɔ nagɛ lɩɩ-balaa sɩ gulimo a vɩvɛŋ nɛ, ama dɩ Wɩa nɛ kpɩa ba lɛ, ba yie pɩsɛ nɛ a fá mʋ dɩ-bolii, a nagɛ pel-vinvilimiŋ sɩ paa kʋŋkɔlʋŋ koo nɩsʋrʋŋ.

AZAAYA 21:1

Wɩɩ-la Wɩa sɩ bʋla pɩmɛ a mʋ tɩgɛ Babɩlɔŋ tinteeŋ lɛ nɛ ŋ-la: Dʋndɔŋŋɔɔ jaŋ lɩɩ tintee nɩaa sɩ tɛrɛ tʋɔŋ a kʋ yuoba a nagɛ pel-vinvilimiŋ sɩ lɩɩ wɩɩpɔsʋŋ nadiiŋ dɩɩrɩŋ tintee-hɩlɩŋ kʋkɔ.

AZAAYA 60:15

Nɩaa fa bɛrɩŋ nɛ woruŋ a vɩaŋ ta, nʋʋkala bɩŋ to a bɩbal. Ama lɛɛlɛ mɩ jaŋ leŋ dɩ ŋ zɔŋ dɩ nɩaa kɛnɩŋ ŋmuŋmoo bɔyɛ, a kɛŋ tʋɔtɔrʋŋ ŋ lɛ a kaa mʋ wuu.

AZAAYA 66:15

Má bee na, La TƖƖNA ka kɔ nɛ arɩ nyiniŋ, ʋ janɩŋ torukoba kala nagɛ pel-vinvilimiŋ nɛ. Ʋ jaŋ chaasa na baanɩŋ a joŋ nyiŋgeliŋ dɔgɩsɛ nɩalɩŋ nyuŋ ʋ baanɩŋ sɩ sie.

JƐRƖMAAYA 12:10

Sɩpaalaaraa yʋga a jaŋ chei mɩ girep tɩɩsɩŋ baga a nʋɔsɛ mɩ tinteeŋ kpal. Ba jaŋ ŋaa dɩ mɩ tintee-la sɩ sɩma mɩɩra bɩrɩmɛ kʋŋkʋlʋŋ a pɩŋ hoi.

JƐRƖMAAYA 23:19

Bee na, mɩ-na ma TƖƖNA baanɩŋ nagɛ pel-duoŋ nɛ. Ʋ jaŋ lu a nagɛ pel-vinvilimiŋ a kʋ tuu nɩbɔŋŋɔɔ nyuŋ.

JƐRƖMAAYA 30:23

Ma bee na, La TƖƖNA baanɩŋ jaŋ sii a nagɛ duoŋ-peliŋ, ʋ jaŋ nagɛ pel-vinvilimiŋ a tuu nɩbɔŋŋɔɔ nyuŋ.

JƐRƖMAAYA 36:19

Ŋɩɩ nɛ tɩntɩnnɩ-hɩasɩ-la bʋla pɩ Baruk, “Ŋ dɩ Jɛrɩmaaya, má mʋ faa. Má sɩ́ leŋe dɩ nʋʋkala jɩŋ lee-la ma sɩ hɛ.”

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JƐRƖMAAYA 5:15

La TƖƖNA bɩra sɩ, “Ou, Iziral tɩmma, Mɩ kɛŋ tintee dɔŋ nɩaa nɛ a lɩɩ dɩ-bolii a kʋkɔ dɩ mɩ hɛ ma lɛ. Tintee-la nɩaa hɛ nɩmɛ faafaa kala nɛ a kɛŋ doluŋ woruŋ. Ma bɩ ba yikoro jɩŋ. Ma bɩ ba wʋbʋlʋŋ ma ka nɩɩ.

JƐRƖMAAYA 52:30

Ʋ jɩsɩŋ mara arɩ batori lɛ, Nebuzaradaŋ sɩ ŋaa nɩalɩŋ sɩɩ pɔ kuoro nɩhɩaŋ kɛsɛ Juu tɩŋŋaa zɔɔ-balɩpɛ arɩ mahɩŋ balɩa arɩ banɔŋ nɛ a kaa mʋ yoŋ-baga. Ba kala fa ŋaa nɩaa bʋɩ banɛsɛ arɩ zɔɔ-balɩdʋ nɛ.

ƐZƖKƖƐL 12:19

Bʋla pɩ tintee-la nɩaa: Wɩɩ-la mɩ-na ma TƖƖNA Wɩɩjarɩbakɔ sɩ bʋla tɩgɛ nɩalɩŋ sɩ hɛ Jerusalɛm arɩ Iziral tinteeŋ lɛ nɛ ŋ-la: Ba jaŋ dii ba kʋdiilee arɩ fawʋllʋŋ, a nyʋa lɩɩŋ ma arɩ tʋɔ-cheeŋ. Nɩaa jaŋ chei ba tinteeŋ dɩ ʋ pɩŋ hoi, a tɩŋ ba nɩalɩŋ sɩ hɔŋ lee-la sɩ ŋaa yuo-hɛɛrɛɛ wɩaa.

ƐZƖKƖƐL 22:15

Mɩ jaŋ kɛmma pɩsa hɛ tintee-wogusuŋ lɛ. Mɩ jaŋ leŋ dɩ ma disiŋ wɩalɩŋ dɛrɛ.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

DANƖƐL 8:9

Nyilli-la banɛsɛ dɔŋɔ lɛ nyil-bie nyʋ a waa a kɛŋ doluŋ a chaasɛ wɩɩpɔsʋŋ nadiiŋ dɩɩrɩŋ, wɩɩpɔsʋŋ arɩ Iziral tɩŋŋaa tintee-zɔŋ-la.

HOSIA 9:17

Mɩ Wɩa jaŋ vɩaba ta, a tɩŋ ba sɩ bɩ ʋ niiŋ ka to wɩaa. Ba jaŋ ŋaa nɩa sɩ gɔllɔɔ baarɛ tinteyee lɛ.

JOWƐL 2:3

Nyiniŋ jaŋ didii ba sɩpaaŋ, dɩ nyiŋgeliŋ ma sisii ba harɩŋ. Ba sɩpaaŋ tintee-la jaŋ nagɛ Ɛdɩŋ ŋmaŋkaa-la, ka ba harɩŋ dɩɩrɩŋ nagɛ tintee-hɩlɩŋ kʋŋ sɩ tuo. Kʋŋkala bɩ ba nɩsɩŋ lɛ ka fori.

LEVI DOHO NƖAA 26:22

Mɩ jaŋ leŋ dɩ baga kɩaa kʋ kpʋ ma biiriŋ arɩ ma pʋsʋŋ, dɩ ma nɩaa faasa muuri, dɩ ma wombiee kala pɩŋ hoi.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.

AMƆS 1:14

La Tɩɩna bɩra sɩ, “Mɩ jaŋ joŋ nyiniŋ hɛ dɩ ʋ dii taŋ-la ba sɩɩ yɩrɛ Raba jeyee arɩ ʋ dɩɩ-duoruŋ. Tapʋlɩɩ-la ba dʋndɔŋŋɔɔ jaŋ ŋaa laalɩyuoru goŋ, aŋ tɔba hɛ a nagɛ pel-vinvilimiŋ a yuoba.”

NAHUM 1:3

La TƖƖNA baanɩŋ bɩ lɩma lɩma ka sii, ama ʋ kɛŋ doluŋ nɛ woruŋ. Ʋ bɩ jaŋ leŋ nɩalɩŋ sɩ ŋaa wɩaa chei pɛɩ, ʋ jaŋ dɔgɩsɛba. Ʋ wombiiŋ hɛ pel-vinvilimiŋ arɩ duoŋ-peliŋ tʋɔŋ nɛ, ʋ naasɩŋ bʋmbʋgʋŋ nɛ duoŋ-bɩlɩmbaanaa.

HABAKU 3:14

Ʋ tɩtɩa timiŋ nɛ ŋ laa a tɔɔ gɩrɩgɛ ʋ nyuŋ lɛ, ʋ bayuoroo sɩ gbu lɩɩ dɩ ba ŋmoola pɩsɛ. Ba faa jʋɔsʋ nɛ dɩ ba kɛŋ nɩalɩŋ sɩ bɩ ba tɩtɩa lɛ wuo pɛ sɩ faa a liŋ.

ZEFANAAYA 3:6

La TƖƖNA sɩ, “Mɩ kpʋ tinteyee nɩaa nɛ a ŋmoo ba dɩɩ-duoruŋ lo. Mɩ leŋe ba womporunuŋ pɩŋ hoi nɛ, nʋʋkala bɩ ba ka to. Mɩ chei ba tabalaa nɛ, nʋʋkala bɩ ka nɩmɛ, nɩbala ma bɩ ka.

ZƐKARƖYA 2:6

La TƖƖNA sɩ, “Má kɔ, má kɔ. Má fá lɩɩ wɩɩpɔsʋŋ nagʋa tinteeŋ lɛ. Mɩ kɛmma pɩsa hɛ dʋnɩa loŋgorunuŋ banɛsɛ-la lɛ nɛ.

ZƐKARƖYA 8:1

La TƖƖNA doluŋ kala Tɩɩna bɩra bʋl wɩaa pɩmɛ.

ZƐKARƖYA 9:14

La TƖƖNA jaŋ kʋ chuguli ʋ nɩaa nyuŋ. Ʋ to-hɛŋŋɛɛ jaŋ lɩlɩgɩsɛ a nagɛ taŋ sɩɩ lɩgɩsʋ. La TƖƖNA Wɩɩjarɩbakɔ jaŋ ŋmʋʋ banyile, aŋ to wɩɩpɔsʋŋ nadiiŋ pel-duoruŋ tʋɔŋ.

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.

MOSIS BƖRA WULLI WƖA WOMBIIŊ 28:49

La TƖƖNA jaŋ kɛŋ tinteeŋ nɩaa yikoro ma sɩ bɩ nɩɩ a lɩɩ dʋnɩa lee sɩ bolie a kʋ hɛ ma lɛ dɩ ba yuoma a nagɛ kachuuŋ sɩ yie kʋ tuu jiŋŋee lɛ ŋɩɩ.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.

MOSIS BƖRA WULLI WƖA WOMBIIŊ 4:27

La TƖƖNA jaŋ ŋmooma pɩsa hɛ tintee-wogusuŋ lɛ. Tintee-wogusu-la lɛ, ma jesiŋ kala jaŋ sʋʋ aŋ ka nɩaa baŋmɛnɛ.