ZƐKARƖYA 7:12 - WƖA TENIŊ

¹² Ba leŋe ba tʋɔŋ dol nɛ a nagɛ tabɩɩ-naŋkpachɩla a bɩ chɛ ba jegile nɩɩ wombie-la mɩ-na ba TƖƖNA sɩ bile dɩ ba tuto koo wɩalɩŋ mɩ-na ba TƖƖNA doluŋ kala Tɩɩna sɩ to mɩ Dɩma lɛ a bʋla pɩ mɩ wʋlaabʋlla-la sɩ laa sɩpaaŋ kɔ. Ŋɩɩ nɛ mɩ-na ba TƖƖNA doluŋ kala Tɩɩna faasa na baanɩŋ ba nyuŋ.

ZƐKARƖYA 7:12 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:13

Zedikaaya fa vɩa kuoro Nebukadineza ma niiŋ nɛ, nɩɩ-la sɩ leŋe ʋ ŋmɩɛsɛ Wɩa yɩrɩŋ lɛ arɩ ʋ jaŋ tou arɩ wʋtɩtɩɩ. Ʋ fa kɛŋ nyuduoŋ nɛ a vɩa dɩ ʋ bɩrɩmɛ ʋ tʋɔŋ a to La TƖƖNA, Iziral tɩŋŋaa Wɩa.

2 IZIRAL TƖŊŊAA NAABARƖŊ 36:16

Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.

JOB 9:4

Wɩa wʋjɩmɩŋ yʋga, ʋ doluŋ ma pʋrɩgɛ leriŋ kala. Kʋbɛɛ nɛ ha wuo magɩsɛ Wɩa dɩ wɩɩ bɩ ʋ lɛ ŋaa?

WƖA YƖƖLAA 50:17

Ma bɛrɛ wɩalɩŋ mɩ sɩ daga dɩ ma ŋɩŋaa nɛ, aŋ joŋ harɩŋ yɩa mɩ niiŋ wɩaa.

MOSIS KƐŊ IZIRAL TƖŊŊAA LƖƖ 7:13

Ijipiti tinteeŋ kuoro tʋɔŋ ha pɩrɛ, ʋ bɩ Mosis arɩ Arɔŋ teeŋ jegile arɩ La TƖƖNA sɩ bʋl ŋɩɩ.

AZAAYA 46:12

Má jegile nɩɩ mɩ teeŋ, ma tʋɔ-dol tɩmma-la, ma nɩalɩŋ arɩ tʋɔpʋla pɛgɛ sɩ bolie.

AZAAYA 48:4

Mɩ jɩma ma nyuŋ dolie nɛ woruŋ a nagɛ hɔɔŋ.

AZAAYA 6:10

La TƖƖNA bɩra bʋl, “Leŋ dɩ nɩaa deemba tʋɔŋ dol, ŋaa dɩ ba dɩgɩlaa kparɩmɛ, aŋ ŋaa dɩ ba sɩaa ma tɔ. Dɩ ŋɩɩ dee ba jaŋ na wɩaa koo a nɩɩ wɩaa a bɩrɩmɛ ba tʋɔbɩɩnaa a kɔ mɩ teeŋ dɩ mɩ laaba ta.”

AZAAYA 65:12

mɩ jaŋ leŋ dɩ ma wɩɩ-dagɩŋ ŋaa laalɩŋ sɩ jʋʋma. Ba jaŋ kpʋ ma kala, bɛɛ wɩaa mɩ sɩ yɩrɛma, ma bɩ sɛyɛ. Mɩ sɩ bʋl wɩaa ma teeŋ, ma bɩ jegile nɩɩ, aŋ ŋaa wʋbɔŋŋɔɔ arɩ wɩalɩŋ mɩ sɩ bɩ cho mɩ sɩɩŋ lɛ.”

JƐRƖMAAYA 17:1

La Tɩɩna sɩ, “Hɔɔŋ nɛ ba kaa ŋmʋnsɛ Juda wʋbɔmʋŋ. Hɔɔ-chʋlachʋla-bie nɛ ba kaa tuuri. Ba ŋmʋnsɛ wɩalɩŋ hɛ ba tʋɔŋ lɛ nɛ arɩ ba vʋɩ-kpaarɛ korunuŋ nyilliŋ lɛ.

JƐRƖMAAYA 17:23

Ama ba fa bɩ jegile nɩɩ a kaa tɩŋ. Ba fa kɛŋ nyuduoŋ nɛ a bɩ chɛ ba jegile nɩɩ koo a sɛɩ dagɩŋ.

JƐRƖMAAYA 26:19

Juda tinteeŋ kuoro Hezikaaya koo Juda nʋʋ dɔŋ fa kpʋʋ nɛɛ? Hezikaaya fá La TƖƖNA nɛ, a sʋlʋ dɩ ʋ pɛ ʋ lɛ. Ʋ sɩ ŋaa ŋɩɩ, La TƖƖNA leŋ wʋlɔrʋnʋ-la ʋ fa sɩ sɩ ʋ jaŋ ŋaa ba lɛ nɛ. Laa chɛ dɩ la lɛrɛ wɩɩ sɩ chaasa lɔrɛ nɛ a kʋ hɛ la tɩtɩa lɛ.”

JƐRƖMAAYA 42:21

Mɩ bʋl wɩalɩŋ pɩma nɛ jɩnɩŋ, ama ma ha bɩ La TƖƖNA Wɩa niiŋ to wɩalɩŋ kala ʋ sɩ tɩmmɛ mɩ bʋla pɩma lɛ.

JƐRƖMAAYA 5:3

La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

ƐZƖKƖƐL 11:19

Mɩ jaŋ leŋ dɩ ba kɛŋ tʋɔ-bala a tutomi, a pɩba dɩŋ-falɩŋ. Mɩ jaŋ lɩɩsɛ tʋɔ-dol-la sɩ nagɛ tabɩɩŋ a hɛ ba lɛ ta, aŋ pɩba tʋɔ-la sɩ pʋnyɛ.

ƐZƖKƖƐL 14:5

Ŋɩɩ nɛ mɩ jaŋ ŋaa a kɛŋ Iziral tɩmma-la kala sɩ vɩamɛ aŋ kpʋkpaarɛ vʋɩyaa tʋɔbɩɩnaa bɩrɩmɛ dɩ ba tutomi.’

ƐZƖKƖƐL 2:4

Nɩalɩŋ teeŋ mɩ sɩɩ tɩmɩŋ ŋaa tʋɔ-dol tɩmma nɛ, a kɛŋ nyuduoŋ woruŋ. Bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la.’

ƐZƖKƖƐL 36:26

Mɩ jaŋ pɩma tʋɔ-falɩŋ, a joŋ dɩŋ-falɩŋ ma hɛ ma lɛ. Mɩ jaŋ lɩɩsɛ tʋɔ-dol-la ma sɩ kɛnɛ sɩ nagɛ tabɩɩŋ ta, aŋ pɩma tʋɔ-la sɩ pʋnyɛ.

ZƐKARƖYA 1:2

Ʋ sɩ, “Mɩ-na ma TƖƖNA fa chaasa na baanɩŋ nɛ woruŋ ma naabalɩmaba nyuŋ.

ZƐKARƖYA 7:7

Wɩɩ-la tɩtɩa mɩ-na ma TƖƖNA sɩ to mɩ wʋlaabʋlla-la sɩ laa sɩpaaŋ kɔ, bʋa-la lɛ Jerusalɛm arɩ ʋ tasɩ-la sɩ gollu fa sɩ kɛŋ nɩaa yʋgɛ ba hɔŋ sɔm a kɛŋ dʋa, a pɛ wɩɩpɔsʋŋ nadiiŋ dɩɩrɩŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ a bʋl nɛ ŋɩɩ.”

Matiu 13:15

bɛɛ wɩaa ba bɩ wʋjɩmɩŋ kɛnɛ Wɩa teeŋ, ba vɩa Wɩa niiŋ wɩaa nɛ. Ba tɔ ba dɩgɩlaa ma nɛ dɩ ba sɩ́ wɩɩkala nɩɩ, a kɛŋ ba sɩaa ma tɔ dɩ ba sɩ́ kʋŋkala na. Dɩ ŋɩɩ dee, ba fa jaŋ nɩna, ba dɩgɩlaa ma fa jaŋ nɩnɩɩ. Ba fa jaŋ jɩŋ wɩaa bʋbʋɔŋ a bɩrɩma kɔ mɩ teeŋ dɩ mɩ vaarɛba.’

Maak 4:12

Ŋɩɩ nɛ ba yie nyilimi nyilimi aŋ bɩ kʋŋkala wuo na, a jegili jegili aŋ bɩ ba bʋbʋɔŋ wuo jɩŋ. Dɩ ba nɛ fa jɩŋ ba bʋbʋɔŋ, ba fa jaŋ bɩrɩma to Wɩa, dɩ ʋ joŋ ba wʋbɔŋŋɔɔ chɛba.”

Luuk 8:12

Kɩalɩŋ sɩ tel wombiiŋ tʋɔŋ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ka Sɩtaanɩ kʋ liiri wɩalɩŋ ba tʋɔŋ, dɩ ba sɩ́ wɩalɩŋ laa dii dɩ Wɩa laaba ta.

Tɩntɩŋŋaa 28:27

bɛɛ wɩaa nɩaa deemba tʋɔŋ dolie, ba tɔ ba dɩgɩlaa nɛ dɩ ba sɩ́ wɩɩ nɩɩ. Ba kɛŋ ba sɩaa ma tɔ nɛ dɩ ba sɩ́ kʋŋkala na. Dɩ ŋɩɩ dee, ba sɩaa fa jaŋ nɩna, dɩ ba dɩgɩlaa ma fa nɩnɩɩ wɩaa. Ba nyuŋ ma fa jaŋ jɩjɩŋ wɩaa bʋbʋɔŋ. Ba fa jaŋ bɩrɩma tomi dɩ mɩ ŋaa dɩ ba duori.’ ”

2 Pɩɩta 1:21

Wɩalɩŋ ba sɩ bʋla bɩ ba tɩtɩa tʋɔbɩɩnaa lɛ lɩa. Ama Wɩa Dɩŋ-zɔmʋŋ nɛ kʋ hɛ ba tʋɔŋ a leŋ ba bʋl wɩalɩŋ Wɩa sɩ joŋo pɩba.