ZƐKARƖYA 7:10 - WƖA TENIŊ

¹⁰ Má sɩ́ yo-haalaa, biisinsiŋ, nʋhʋɔraa arɩ summoo nyaga bil. Má sɩ́ wʋbɔŋŋɔɔ bɩɩnʋ a mʋʋ tɩgɛ dɔŋɔba lɛ.

ZƐKARƖYA 7:10 ပူးပေါင်းရင်းမြစ်များ

WƖA YƖƖLAA 140:2

Baa bɩɩnɛ wʋbɔŋŋɔɔ nɛ bʋa na-kala, a hɩhɛ yuosuŋ tapʋlɩɩ kala.

WƖA YƖƖLAA 21:11

Wʋbɔmɔ-la kala ba sɩ vʋʋra dɩ ba ŋaa ŋ lɛ, ba bɩ jaŋ na wombiiŋ.

WƖA YƖƖLAA 36:4

Dɩ ba nɛ paala pɩŋ ma, ba yie bɩbɩɩnɛ wʋbɔŋŋɔɔ nɛ, a joŋ ba nyuŋ kala hɛ wʋbɔmɔ-la ŋaanɩŋ lɛ, a bɩ wʋbɔŋŋɔɔ ŋaanɩŋ ka leŋ.

WƖA YƖƖLAA 72:4

Leŋ dɩ kuoro chɩŋ summoo harɩŋ kpaŋkpaŋ, a yuo laa nɩalɩŋ sɩ bɩ ba tɩtɩa lɛ wuo pɛ ta nɩalɩŋ sɩ nyagɛba bil nɩsɩŋ lɛ.

MOSIS KƐŊ IZIRAL TƖŊŊAA LƖƖ 23:9

Má sɩ́ nɩwogusuŋ dɔgʋsʋ. Má jɩŋ ŋɩɩ ʋ sɩ naga nɛ dɩ ŋ nɛ ŋaa nʋhʋɔrʋ. Ma ma fa ŋaa nɩwogusuŋ nɛ Ijipiti tinteeŋ lɛ.

NAMAGABA 3:29

Sɩ́ bɩɩna dɩ ŋ joŋ wʋbɔmʋŋ ŋaa ŋ dɔŋɔ tɩɩna lɛ, nɩɩ-la sɩ kpagɩŋ a laaŋ dii.

NAMAGABA 6:18

nɩalɩŋ sɩɩ bɩɩnɛ dɩ ba ŋaa wʋbɔŋŋɔɔ, nɩalɩŋ sɩ bɩ diene aŋ ŋɩŋaa wʋbɔŋŋɔɔ,

AZAAYA 1:23

Nɩalɩŋ sɩɩ bemma bɩ mɩ niiŋ ka to, gaaraa nɛ ŋaa ba nandɔsʋŋ, ba cho kpalaa laanɩŋ nɛ woruŋ a kiree to kʋmɔlɩɩba harɩŋ. Ba bɩ chɩna gbɛrɛ biisinsiŋ, dɩ yo-haalaa nɛ kɛŋ wɩaa kɔ ba teeŋ, ba bɩ jegile nɩnɩɩ.

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 21:12

Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 49:11

Má leŋ ma biisinsiŋ pɩmɛ, mɩ jaŋ pɔba. Ma yo-haalaa ma jaŋ wuo joŋ ba yɩɛlaa hɛ mɩ lɛ.”

JƐRƖMAAYA 5:28

a nɛrɛ pɩla pɩla, ba yaraa kala magɛ dɔŋɔ. Ba wʋbɔŋŋɔɔ ŋaanɩŋ bɩ dɛrɛ. Ba bɩ biisinsiŋ wɩaa chɩla, ba bɩ chɩna gbɛrɛ summoo ba nɩna wɩalɩŋ sɩ maga dɩ ba na.”

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

ƐZƖKƖƐL 18:12

Ʋ yie nyagɛ summoo arɩ nɩalɩŋ sɩ bɩ ba tɩtɩa lɛ wuo pɛ bil, a kɛŋ nɩaa kɩaa lɩlaa arɩ doluŋ. Dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ bɩra bɩ kʋ-la joŋo pɩpɩ tɩɩna. Ʋʋ kpaarɛ tɔŋŋɔɔ a ŋɩŋaa wɩalɩŋ mɩ sɩɩ kɩsʋ.

ƐZƖKƖƐL 22:12

Nɩalɩŋ sɩ hɛ ŋ lɛ yie laa kpalaa aŋ kpʋ nɩaa. Ba yie joŋ kɩaa chɩŋ nɩaa aŋ chɩchɛ nyʋʋrʋŋ yʋgɛ, aŋ gʋrɛ ma Iziral tɩŋŋaa dɔnsʋŋ a kuori. Ma yʋ mɩ wɩaa nɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 22:29

Nɩalɩŋ sɩ hɛ tintee-la lɛ ka gʋrɛ nɩaa nɛ, a gurigoo laa nɩaa kɩaa. Ba yie dʋdɔgɩsɛ summoo arɩ nɩalɩŋ sɩ bɩ ba tɩtɩa lɛ wuo pɛ nɛ, a kɛŋ nʋhʋɔraa jɩla tutuu, aŋ vɩa dɩ ba to wʋtɩtɩɩ lɛ.

ƐZƖKƖƐL 22:7

Ŋ lɛ nɛ ba bɩ nyɩmmaba arɩ naamba ka zil. Ba nyagɛ nʋhʋɔra-la sɩ hɔŋ ŋ lɛ bil nɛ, aŋ dʋdɔgɩsɛ biisinsiŋ arɩ yo-haalaa.

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

ZƐKARƖYA 8:17

Má sɩ́ wʋbɔŋ bɩɩnʋ a mʋʋ tɩgɛ ma dɔŋɔ tɩɩna lɛ, a sɩ́ wɩaa nyɩɛ aŋ ŋmɩŋmɩɛsɛ. Mɩ bɛrɛ wɩaa deemba kala nɛ. Mɩ-na ma TƖƖNA nɛ bʋla.”

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Matiu 23:13

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma kɛŋ Wɩa kuorii-la dɩa-boro yagɛ nɛ dɩ nɩaa sɩ́ jʋʋ, bɛɛ wɩaa ma tɩtɩa bɩ chɛ dɩ ma jʋʋ, aŋ bɩra pɔ dɩ nɩalɩŋ sɩɩ walɩmɛ dɩ ba jʋʋ, dɩ ba ma sɩ́ jʋʋ. [

1 Kɔrɩntɩ Nɩaa 6:10

arɩ gaaraa arɩ tʋɔ-luŋ tɩŋŋaa, arɩ sɩ-nyʋaraa, arɩ nɩalɩŋ sɩɩ chei nɩaa yɩrɩŋ, arɩ nɩalɩŋ sɩ gɩrɩma lɩlaa dɔŋɔba kɩaa, nɩaa deemba kʋŋkala bɩ jaŋ wuo jʋʋ Wɩa kuorii-la tʋɔŋ.

MOSIS BƖRA WULLI WƖA WOMBIIŊ 27:19

‘La TƖƖNA ŋmɩaŋ jaŋ dii nɩɩ-la kala sɩ gʋrɛ nʋhʋɔraa, biisinsiŋ arɩ yo-haalaa.’ Nɩalɩŋ kala jaŋ laa bʋl, ‘Amɩɩ.’

Jeems 5:4

Ma vɩa dɩ ma tiŋ nɩalɩŋ ma, ma sɩ ŋaa ba tɩŋ ma bagɩsɩŋ lɛ nɛ. Ba nɛ yele hɩhɛ ma lɛ. Ba yele-la jʋʋ La Tɩɩna Wɩa dɩgɩlaa nɛ, Nɩɩ-la sɩɩ beŋ dʋnɩa kʋŋkala.

1 Jɔɔŋ 3:15

Nɩɩ-la kala sɩ bɛrɛ ʋ dɔŋɔ tɩɩna, ʋ ŋaa nɩkpʋʋrʋ nɛ. Mɩɩsɩ-la sɩ bɩ dɩdɛrɩŋ kɛnɛ, ma jɩma arɩ nɩkpʋʋra bɩ ʋ kɛnɛ.