ZƐKARƖYA 6:7 - WƖA TENIŊ

⁷ Ja-duoru-la sɩ lɩa, ba kpʋkpʋ ba tɩtɩa dɩ ba wuo gɔllɛ dʋnɩa kala. Wɩa tɩndaarʋ-la bʋl, “Má gɔllɛ dʋnɩa kala.” Ŋɩɩ nɛ ba gɔllɛ ʋ kala.

ZƐKARƖYA 6:7 ပူးပေါင်းရင်းမြစ်များ

WƖAA DƖ-SUOMUŊ 13:17

Sii a vɛnɛ golli tintee-la, ʋ duomuŋ arɩ ʋ jalɩŋ. Ʋ nɛ mɩɩ chɛ mɩ joŋo pɩŋ.”

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

DANƖƐL 7:19

Ŋɩɩ nɛ mɩ chɩchɛ dɩ mɩ jɩŋ baga kʋnɛsɛ-la bʋbʋɔŋ. Ʋ nɛ fa bɩ dɔnsʋ-la naga ŋɩɩ aŋ kɛŋ fawʋllʋŋ kɩŋkɛŋ. Ʋ nyɩlaa ŋaa hɔɔnʋŋ, ʋ naanii-fʋlaa nagɛ kɔlɩɩŋ. Ʋ nɛ dɩŋ ʋ dʋndɔŋŋɔɔ yɛrɛ liŋ aŋ nʋɔsɛ kʋkaanaa bʋrɩgɛ ŋɩɩ.

DANƖƐL 7:24

Nyilli-la fii ŋaa kuoroo fii nɛ sɩ jaŋ lɩɩ kuori-gentine deeŋ lɛ a dii kuoruŋ deeŋ aŋ ka pɩpɩ dɔŋɔ. Ba harɩŋ lɛ kuoro dɔŋɔ ma jaŋ bɩra dii kuoruŋ, ʋ bɩ jaŋ nagɛ faafaa kuorie-la, ʋ jaŋ yuo dii kuoroo batori.

ZƐKARƖYA 1:10

Ŋɩɩ nɛ baal-la sɩ chɩŋ chɛyɛ-la tʋɔŋ bʋl, “Ba nɛ ŋaa kɩalɩŋ La TƖƖNA sɩ tɩma dɩ ba gɔllɔ beŋ dʋnɩa.”

NAMBABA 21:4

Ŋɩɩ nɛ Iziral tɩŋŋaa sii peel-la ba sɩɩ yɩrɛ Hɔɔ lɛ, a to wombii-la sɩɩ mʋ mʋga-la ba sɩɩ yɩrɛ Mʋgʋ-fɩaŋ dɩɩrɩŋ, dɩ ba golli Ɛdɔm tinteeŋ a mʋ. Ba sɩ mʋ magɛ ŋɩɩ, ba kenyiri kala dɛrɛ.