ZƐKARƖYA 6:12 - WƖA TENIŊ

¹² Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la.

ZƐKARƖYA 6:12 ပူးပေါင်းရင်းမြစ်များ

2 SAMƲƐL 7:13

Ʋ nɛ nɩɩ-la sɩ jaŋ saa dɩa pɩmɛ. Mɩ jaŋ leŋ dɩ ʋ kuoruŋ chɩŋ a kaa mʋ wuu.

ƐZƖRA 3:10

Dɩɩ-saara-la sɩ bil La TƖƖNA dɩɩ-bal-la gentine, Wɩɩsʋllɩ sɩpaalaaraa laalɛ ba tɩntɩnnɩ-gɛnnɩŋ, a kori nyilliŋ. Levi doho nɩaa (Asaf hambolibiisiŋ) ma kori buguloo, ba chɩŋ ba dɩchɩnaa dɩ ba dɛnnɛ La TƖƖNA, arɩ Iziral tɩŋŋaa kuoro Devit sɩ dagɛ ŋɩɩ.

ƐZƖRA 3:8

Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 4:2

Wɩaa deemba kala harɩŋ, La TƖƖNA jaŋ leŋ dɩ Iziral tinteeŋ zɔŋ a pɩ nɩalɩŋ sɩ bɩ sʋba. Ba tʋɔŋ jaŋ tɔrɛ dɩ ba bibigisi a tɩŋ kɩalɩŋ ba sɩ pɛrɛ sɩ jaŋ wasɛ tintee-la lɛ.

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

ƐZƖKƖƐL 37:25

Ba jaŋ hɔŋ tintee-la mɩ fa sɩ joŋo pɩ mɩ tɩntɩnna Jekɔb lɛ, lee-la ba naabalɩmaba fa sɩ hɔnɔ. Ba dɩ ba biiriŋ arɩ ba nihee kala jaŋ hɔŋ nɩmɛ a kaa mʋ wuu. Mɩ tɩntɩnna Devit nɛ jaŋ ŋaa ba sɩpaalaara a kaa mʋ wuu.

ƐZƖKƖƐL 41:1

Ŋɩɩ nɛ baal-la kɛmmɛ kʋ jʋʋ Wɩa dɩɩ-bal-la tʋɔŋ dɩ-balɩŋ tɩtɩa, a magɩsɛ ʋ jebie-la sɩ hɛ boiŋ niiŋ, sɛmɛ na-kala barɩmɩŋ ŋaa naakieliŋ butori.

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

MƖKA 5:5

Ʋ nɛ jaŋ leŋ dɩ ba hɔŋ arɩ fɩɛlɩŋ. Dɩ Asiiria tɩŋŋaa nɛ kɔ dɩ ba yuo la tinteeŋ a chichei la dɩ-duoruŋ, la jaŋ leŋ la sɩpaalaarɩ duoruŋ baŋmɛnɛ ku lɩɩ yuoba.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

ZƐKARƖYA 3:8

Josua, Wɩɩsʋllɩ sɩpaalaaraa nɩhɩaŋ arɩ ŋ tɩntɩnnɩ dɔsʋ-la sɩ hɔŋ ŋ sɩpaaŋ, ma ŋaa magɩl nɛ aa dagɛ wɩalɩŋ maachie sɩ jaŋ kɔ. Má jegile nɩɩ: Mɩ jaŋ kɛŋ mɩ tɩntɩnna ba sɩɩ yɩrɛ Naakeliŋ a kaa kɔ.

ZƐKARƖYA 8:9

Wɩɩ-la La TƖƖNA doluŋ kala sɩ bʋla nɛ ŋ-la: “Ma-na nɩalɩŋ lɛɛlɛ sɩɩ nɩɩ wɩalɩŋ mɩ wʋlaabʋlla-la fa sɩ bʋla bʋa-la lɛ ba sɩɩ bil mɩ-na ma TƖƖNA doluŋ kala Tɩɩna dɩɩ-bal-la gentine, má nyɩrɛ bɔyɛ a wasa saa mɩ dɩɩ-bal-la.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Matiu 26:61

a bʋl, “Baala deeŋ sɩ ʋ jaŋ wuo ŋmoo Wɩa dɩɩ-bal-la lo aŋ bɩra saaʋ tapʋlaa batori pɛgɛ.”

Maak 14:58

“La nɩa arɩ Yesu sɩ ʋ jaŋ ŋmoo Wɩa dɩɩ-bal-la nɩaa sɩ saa a lo aŋ bɩra wuo saa ʋ dɔŋɔ tapʋlaa batori chɛɛŋ, dɩ nɩaa dee bɩ jaŋ saa dɩa-la-na.”

Maak 15:29

Ba sɩ kpaasʋ mɛrɛ daagɛsɛ nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi a bʋl, “Oi, ŋ nɛ nɩɩ-la sɩ sɩ ŋ jaŋ ŋmoo la Wɩa dɩɩ-balɩŋ lo aŋ bɩra wuo saaʋ tapʋlaa batori pɛgɛ.

Maak 15:39

Ŋɩɩ nɛ dɩ laalɩyuoroo zɔlɔ kʋhɩaŋ kʋbala fa chɩŋ Yesu sɩpaaŋ a pɔʋ. Ʋ sɩ na Yesu dɩ ʋ wiesi ʋ wiesi katɩɩ ŋɩɩ, ʋ bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Luuk 1:78

Wɩa kɛŋ zile aŋ fɩfá nɩaa nenige. Ʋ jaŋ laala ta a leŋ dɩ la hɔŋ pʋlʋmʋŋ tʋɔŋ.

Jɔɔŋ 1:45

Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 19:5

Ŋɩɩ nɛ Yesu kʋ lɩɩ a ha chu sɔsʋŋ kuoru nyunchuul-la arɩ gɛrɩ-fɩaŋ-la ba sɩ joŋo laalʋ. Ŋɩɩ nɛ Paalɩt bʋla pɩba, “Má na baal-la.”

Tɩntɩŋŋaa 13:38

Mɩ naambiiriŋ, mɩɩ chɛ dɩ ma kala jɩŋ woruŋ arɩ baala deeŋ wɩaa nɛ tɩɩ la wuo bʋbʋl arɩ Wɩa jaŋ joŋ ma wʋbɔŋŋɔɔ chɛma.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

1 Kɔrɩntɩ Nɩaa 3:9

La kala ŋaa tɩntɩnnɩ-dɔsɛ nɛ a pɛ Wɩa lɛ laa tɩŋ. Ma saa nagɛ Wɩa baga nɛ, a bɩra nagɛ Wɩa dɩa.

Hiburu TƖŊŊAA 10:12

Ama Kirisito sʋba a joŋ ʋ tɩtɩa a pɩ Wɩa bala nɛ dɩ ʋ laa nɩaa wʋbɔŋŋɔɔ ta. Ʋ sɩ ŋaa ŋɩɩ dɛrɛ, ʋ jɩl Wɩa-jaŋ a hɔŋ Wɩa nadiiŋ.

Hiburu TƖŊŊAA 7:24

Ama Kirisito-na jaŋ ŋaa Wɩɩsʋllɩ sɩpaalaara a kaa mʋ wuu, bɛɛ wɩaa ʋ bɩ sʋʋ.

Hiburu TƖŊŊAA 7:4

Ma jaŋ na dɩ ʋ fa ŋaa nɩbal nɛ. La naabalɩma Abɩraham fa sɩ lɩɩ laalɩŋ kɔ, ʋ paala kɛŋ kɩalɩŋ ʋ sɩ yuo dii laal-la lɛ a kaa kpaa leree fii, a joŋ kʋbala pʋ.

Hiburu TƖŊŊAA 8:3

Dɩ ba nɛ lɩɩsɛ Wɩɩsʋllɩ sɩpaalaaraa kʋhɩaŋ-na kala, ba yie lɩɩsʋ dɩ ʋ laa kɩaa pɩpɩ Wɩa nɛ, aŋ pɛ kpʋ pʋsʋŋ ma pʋpʋ. Ŋɩɩ wɩaa ʋ maga dɩ Wɩɩsʋllɩ sɩpaalaaraa kʋhɩaŋ deeŋ ma joŋ kʋŋ nɛ a pɩ Wɩa.