ZƐKARƖYA 6:11 - WƖA TENIŊ

¹¹ Kɛŋ hɔpʋla-la arɩ sɛlɩmɛ-la a ŋaa kuoru nyunchuulo a joŋo chu Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ.

ZƐKARƖYA 6:11 ပူးပေါင်းရင်းမြစ်များ

2 SAMƲƐL 12:30

Ŋɩɩ harɩŋ Devit tɩtɩa mʋ Raba a suri ba kuoru nyunchuulo. Sɛlɩmɛ-la ba sɩ kaa ŋaa nyunchuulo-la yuŋuŋ fa ŋaa kilo mara arɩ fii nɛ. Tabɩɩ-tʋlaa nɛ ba kaa kpɩɛrʋ. Devit chaarɛ tabɩa-la a kpɩɛrɛ ʋ kuoru nyunchuulo a joŋo chu. Devit paa kʋ-dandaŋ nɛ tabal-la lɛ,

ƐZƖRA 10:18

Wɩɩsʋllɩ sɩpaalaaraa doho nɩaa tʋɔŋ, nɩaa deemba nɛ jaa tintee-wogusuŋ toloo: Jozadak nanʋala Jesua arɩ ʋ naambiiriŋ doho nɩaa tʋɔŋ, Maasɛya, Elieza, Jarɩb arɩ Gedalia.

ƐZƖRA 3:2

Ŋɩɩ nɛ Jozadak nanʋala Jesua arɩ ʋ tɩntɩnnɩ dɔnsʋŋ sɩ ŋaa Wɩɩsʋllɩ sɩpaalaara arɩ Zerubabɛl sɩ ŋaa Sɩalɩtɩɛl nanʋala arɩ ʋ naambiiriŋ suomo sɩsaa Iziral tɩŋŋaa Wɩɩsʋllɩ koruŋ dɩ ba kaa ŋaa kʋnyɩgaa Wɩɩsʋlʋŋ, arɩ wombie-la Wɩa tɩntɩnna Mosis sɩ ŋmʋnsa bil dɩ la tuto sɩ dagɛ ŋɩɩ.

WƖA YƖƖLAA 21:3

Ŋ chaga laaʋ nɛ, a pɛ ʋ lɛ woruŋ a joŋ sɛlɩmɛ sɩ chaasa zɔŋ ba sɩ kaa ŋaa kuoru nyunchuulo a chuu.

MOSIS KƐŊ IZIRAL TƖŊŊAA LƖƖ 29:6

Joŋ nyu-bɛlɛ a bɛ ʋ nyuŋ a joŋ ŋ sɩ kɛŋ sɛlɩmɛ libi pɩrata-la sɩ ŋaa La TƖƖNA kʋa a mɛrɛ nyu-bɛlɛ-la lɛ Arɔŋ tile lɛ.

MOSIS KƐŊ IZIRAL TƖŊŊAA LƖƖ 39:30

Ŋɩɩ nɛ ba kɛŋ sɛlɩmɛ sɩ chaasa zɔŋ libi pɩrata a tuuro hɛ ʋ lɛ: “Ʋ ŋaa La TƖƖNA kʋzɔŋ nɛ.”

SOLOMOŊ YƖƖL-SƖMƖŊ 3:11

Zaayɔŋ toloo, má kʋ lɩɩ a bagɩsɛ kuoro Solomoŋ sɩ chu kuoru nyunchuulo, kuoru nyunchuul-la ʋ naaŋ sɩ joŋo chuu tapʋlɩɩ-la ʋ sɩ jaa haala, tapʋlɩɩ-la ʋ tʋɔŋ sɩ tɔrɔ.

LEVI DOHO NƖAA 8:9

Ŋɩɩ nɛ ʋ joŋ nyu-bɛlɛ a bɛ Arɔŋ nyuŋ, a joŋ ba sɩ kɛŋ sɛlɩmɛ libi Wɩa kʋmagɩla-la a mɛrɛ ʋ tile lɛ nyu-bɛlɛ-la lɛ, ŋɩɩ dagɛ arɩ Arɔŋ hɛ Wɩa nɩsɩŋ lɛ nɛ. Mosis ŋaa wɩaa deemba arɩ ŋɩɩ La TƖƖNA sɩ dagʋ nɛ.

HAGAƖ 1:1

Daarus sɩ dii Pɛsɩa tinteeŋ kuoru-balɩŋ, ʋ jɩ-lɩa, chɛŋ-dʋ tapʋl-bumbuŋ lɛ nɛ, La TƖƖNA to ʋ wʋlaabʋlla Hagaɩ lɛ a bʋl wɩaa pɩ Zerubabɛl arɩ Josua. Zerubabɛl nɛ fa ŋaa nɩɩ-la sɩɩ beŋ Juda tinteeŋ, ʋ nyɩmma nɛ Sɩalɩtɩɛl. Josua ma nɛ fa ŋaa Wɩɩsʋllɩ sɩpaalaaraa nɩhɩaŋ, ʋ ma nyɩmma nɛ Jehozadak.

HAGAƖ 1:14

Ŋɩɩ nɛ La TƖƖNA joŋ tʋɔbɩɩnaa hɛ Zerubabɛl lɛ, nɩɩ-la sɩɩ beŋ Juda tinteeŋ arɩ Josua ma sɩ ŋaa Wɩɩsʋllɩ sɩpaalaaraa nɩhɩaŋ arɩ nɩkaanaa kala lɛ. Zerubabɛl nyɩmma nɛ fa Sɩalɩtɩɛl, Josua ma nyɩmma nɛ fa Jehozadak. Ba kʋ suomo tɩtɩŋ ba TƖƖNA doluŋ kala Tɩɩna dɩɩ-bal-la tɩntɩŋŋaa.

HAGAƖ 2:4

La TƖƖNA bɩra sɩ, “Zerubabɛl, kɛŋ bɔɩ-duoŋ a tɩŋ, Jehozadak nanʋala Josua ma sɩ ŋaa Wɩɩsʋllɩ sɩpaalaaraa nɩhɩaŋ, ŋ ma kɛŋ bɔɩ-duoŋ a tɩŋ. Ma nɩkaana-la kala sɩ hɛ tintee-la lɛ, má ma kɛŋ bɔɩ-duoŋ a tɩŋ. Mɩ hɛ ma teeŋ nɛ, mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 3:1

Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua.

ZƐKARƖYA 3:5

Ŋɩɩ nɛ mɩ ma bʋl, “Leŋ dɩ ba joŋ nyu-bɛlɛ sɩ bɩ disiniŋ kɛnɛ a bɛ ʋ nyuŋ.” Ŋɩɩ nɛ ba joŋ nyu-bɛlɛ sɩ bɩ disiniŋ kɛnɛ a bɛ ʋ nyuŋ, a laalʋ gɛnnɩŋ, ka La TƖƖNA tɩndaarʋ-la chɩŋ ba sɛmɛ.

ZƐKARƖYA 6:14

Kuori nyunchuul-la jaŋ hɛ mɩ-na ma TƖƖNA dɩɩ-bal-la lɛ dɩ ba kaa liliisi Hɛlɩdaɩ, Tobija, Jedaaya arɩ Zefanaaya nanʋala Josaaya wɩaa.”

Hiburu TƖŊŊAA 2:9

La na arɩ Wɩa fa leŋe Wɩa tɩndaaraa nɛ kɩɩ Yesu mʋa. Ama lɛɛlɛ Wɩa zilu nɛ a leŋ ʋ kɛŋ doluŋ arɩ yɩrɩŋ, bɛɛ wɩaa ʋ na hɛɛŋ nɛ a sʋʋ. Wɩa lahɔrɩmɔ lɛ nɛ ʋ fa ŋaa ŋɩɩ, dɩ ʋ wuo laa nuhuobiinee kala nyuŋ a sʋʋ.

Jɔɔŋ Wʋnaalaa 19:12

Ʋ sɩaa kala chuchol a nagɛ nyiŋgeliŋ, aŋ ka ʋ chu kuori-nyunchuuluŋ a yʋgɛ. Ba ŋmʋnsɛ yɩrɩŋ hɛ ʋ lɛ, ama nʋʋkala bɩ yɩrɩ-la jɩŋ, see ʋ tɩtɩa.

Jɔɔŋ Wʋnaalaa 6:2

Ŋɩɩ nɛ mɩ bee na ja-pʋla dɩ nʋʋ hɔŋ ʋ nyuŋ a kori toŋ. Ba joŋ kuori-nyunchuul-la pʋ. Ʋ jɩl jɔɔ-la lɩɩ a yuo laalɩŋ dii lee-kala.