ZƐKARƖYA 5:9 - WƖA TENIŊ

⁹ Ŋɩɩ nɛ mɩ beŋ wɩa-nyuŋ a na haalaa balɩa dɩ ba file chaasɛmɛ kʋkɔ. Ba kɩŋkɛnsɩŋ fa nagɛ naliiribommie kɩŋkɛnsɩŋ nɛ. Ba kʋ joŋ sime-la a file jɩl wɩa-nyuŋ.

ZƐKARƖYA 5:9 ပူးပေါင်းရင်းမြစ်များ

WƖA YƖƖLAA 104:17

Diibiisiŋ saa ba dɛllɩŋ ba lɛ, tɩɩ-kokoba lɔsɛ ba bʋɔsʋŋ tɩɩsɩ-la lɛ.

JƐRƖMAAYA 8:7

Naliiribommie sɩɩ fil wɩa-nyuŋ ma paala jɩŋ yibiiniŋ arɩ tafaaŋ bʋa nɛ. Kokosuŋ, zaarɩ-kokobiisiŋ arɩ chakpoliba ma paala jɩŋ bʋa-la lɛ ba sɩ yie gɔllɔ mʋ leree nɛ. Ama mɩ nɩaa-na bɩ wɩalɩŋ mɩ-na ba TƖƖNA sɩɩ chɛ jɩŋ.

HOSIA 8:1

La TƖƖNA sɩ, “Má ŋmʋʋ banyile, dʋndɔŋŋɔɔ nagɛ kachuuŋ nɛ aa zaarɛ mɩ-na ma TƖƖNA dɩa nyuŋ, bɛɛ wɩaa mɩ nɩaa chei nii-la sɩ hɛ mɩ dɩ ba pɛgɛ nɛ, a vɩa wombii-la ma mɩ sɩ bile dɩ ba tuto.

LEVI DOHO NƖAA 11:13

Má sɩ́ diibiisiŋ deemba chaŋ: kachuuŋ, duuŋ arɩ duuŋ-bine,

LEVI DOHO NƖAA 11:19

Diibii-kaŋ-tɔmʋŋ, jɩŋ arɩ kʋlʋŋkʋɔl doho na-kala.

ZƐKARƖYA 5:10

Mɩ pɩɛsɛ Wɩa tɩndaarʋ-la fa sɩɩ bʋl wɩaa mɩ teeŋ, “Nɩɩ nɛ ba kɛŋ sime-la mʋmʋ?”

Matiu 24:28

Lee-la kala kʋpʋa sɩ pɩna, duunuŋ ma yie hihilimi nɩmɛ nɛ.”

MOSIS BƖRA WULLI WƖA WOMBIIŊ 28:49

La TƖƖNA jaŋ kɛŋ tinteeŋ nɩaa yikoro ma sɩ bɩ nɩɩ a lɩɩ dʋnɩa lee sɩ bolie a kʋ hɛ ma lɛ dɩ ba yuoma a nagɛ kachuuŋ sɩ yie kʋ tuu jiŋŋee lɛ ŋɩɩ.