ZƐKARƖYA 5:6 - WƖA TENIŊ

⁶ Mɩ pɩɛsɛ, “Bɛɛ kʋŋ nɛ ŋɩɩ?” Ʋ bʋl, “Sime ba sɩ kaa mɩmagɩsɛ kɩaa nɛ.” Ʋ ha bɩra bʋl, “Nɩalɩŋ wʋbɔŋŋɔɔ ba sɩ ŋaa tintee-la kala lɛ nɛ ŋɩɩ.”

ZƐKARƖYA 5:6 ပူးပေါင်းရင်းမြစ်များ

LEVI DOHO NƖAA 19:36

Má kɛŋ kɩalɩŋ ma sɩ kaa magɩsɛ kɩaa a magɩsɛ kɩaa woruŋ. Mɩ nɛ ma TƖƖNA Wɩa sɩ kɛŋ ma lɩɩ Ijipiti tinteeŋ lɛ.

AMƆS 8:4

Ŋɩɩ nɛ Amɔs bʋl, “Má jegile nɩɩ wɩɩŋ deeŋ, ma nɩalɩŋ sɩ yie kɛŋ nɩalɩŋ sɩ bɩ ba tɩtɩa lɛ wuo pɛ a jɩla tutuu, a leŋ summoo nyɩɩgɛ tinteeŋ lɛ.

AMƆS 8:5

Ma yie pɩɛsɛ ma tɩtɩa, ‘Chɛ bɛɛ nɛ chɛŋ-falɩŋ gbiele jaŋ bal ka dɩ la yallɛ mɩaa? Chɛɛ bɛɛ nɛ chɛ-wiesii-la chɛɛŋ jaŋ bal ka dɩ la kɛŋ mɩaa gbaŋa muuri, a hɛ kɩaa yalɩŋ, a kɛŋ sanɩaba-la sɩ bɩ zɔŋ a magɩsa gʋrɛ nɩaa?

AMƆS 8:6

La jaŋ wuo joŋ mɩɩ-hagɩla a yallɛ yal-haaŋ, a yɔɔ summo-la sɩ bɩ ba chɩŋŋaa wuo tiŋ dɩ ba ŋaa la yosi, dɩ ba chɩmɩŋ nɛ paala bɩ nɛntɛŋŋɛɛ yalɩŋ yie ma.’ ”

MƖKA 6:10

Ʋ sɩ, “Mɩ bɩ jaŋ yʋ nɩbɔŋŋɔɔ wɩaa, ma nɩalɩŋ sɩ gɩrɩma dʋa kɩaa su ma dɩɩsɩŋ, a kɛŋ gbaŋa-la sɩ bɩ yie kaa magɩsɛ kɩaa. Wɩɩŋ deeŋ ŋaa wɩɩ mɩ sɩ bɛrɛ nɛ.

ZEFANAAYA 1:9

Tapʋlɩɩ-la mɩ jaŋ dɔgɩsɛ nɩalɩŋ kala sɩɩ ŋaa wɩaa a nagɛ vʋɩ-kpaaraa, nɩalɩŋ sɩ gɩrɩma laa kɩaa a kpʋ nɩaa ma laa kɩaa su ba vene dɩɩ-balɩŋ.”

ZƐKARƖYA 5:7

Ŋɩɩ nɛ ba kɛŋ fanɩ pɩrata sɩ tɔ sime niiŋ suri, dɩ haala hɔŋ sime-la tʋɔŋ.