ZƐKARƖYA 5:4 - WƖA TENIŊ

⁴ La TƖƖNA doluŋ kala Tɩɩna sɩ, ‘Mɩ jaŋ leŋ dɩ teŋ-la lɩɩ, a mʋ jʋʋ gaarʋ kala dɩa arɩ nɩalɩŋ sɩɩ nyɩɛ wɩaa aŋ ŋmɩŋmɩɛsɛ mɩ yɩrɩŋ lɛ. Teŋ-la jaŋ ka ʋ dɩa lɛ a chei dɩa-la daasɩŋ arɩ ʋ tabɩaa kala.’ ”

ZƐKARƖYA 5:4 ပူးပေါင်းရင်းမြစ်များ

JOB 18:15

Nyiniŋ hɛ ʋ lɛbɩŋ lɛ nɛ, jiribiiŋ sɩɩ chol nyiniŋ pɩsa nɛ ʋ dɩjʋʋlʋŋ.

JOB 20:26

Birimiŋ jaŋ tɔ ʋ dʋa kala. Nyiniŋ nʋʋ sɩ bɩ fuuno hɛ jaŋ diiu a kɔlɩmɛ kɩalɩŋ kala sɩ hɛ ʋ dɩa lɛ.

JOB 8:15

Ba yie yelli badɛrɛ ŋmɛsɩ-la, ba kɛrɛ. Ba laara kɛŋ ŋmɛsɩ-la, ama ba bɩ ba lɛ wuo pɛ ba chɩchɩŋ.

JOB 8:22

Ʋ jaŋ leŋ dɩ hɩɩsɩŋ dii ŋ dʋndɔŋŋɔɔ, dɩ nɩbɔŋŋɔɔ dɩɩsɩŋ ma lɛl.”

NAMAGABA 3:33

La Tɩɩna ŋmɩaŋ ka dii nɩbɔŋŋɔɔ dɩɩsɩŋ nɩaa nɛ, ama ʋ yie pɛ tʋɔpʋl tɩŋŋaa dɩɩsɩŋ nɩaa-na lɛ nɛ.

AZAAYA 24:6

Ŋɩɩ leŋe La TƖƖNA ŋmɩaŋ dii tinteeŋ nɛ. Nɩaa maga dɩ ba na hɛɛŋ nɛ a tɩŋ wɩalɩŋ ba sɩ ŋaa chei wɩaa. Ŋɩɩ wɩaa nyiniŋ jaŋ dii dʋnɩa nɩaa aŋ ka nɩaa baŋmɛnɛ.

JƐRƖMAAYA 2:26

A nagɛ ba sɩ yie kɛŋ gaara hɩɩsɩŋ kɛnʋ ŋɩɩ, ŋɩɩ nɛ hɩɩsɩŋ jaŋ kɛŋ Iziral tɩŋŋaa, ba kuoru-balaa, ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba Wɩa wʋlaabʋllaa kala.

HOSIA 4:2

Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa, a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma. Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ, a kpʋ nɩaa tɩtɩgɛ dɔŋɔ lɛ.

HOSIA 4:3

Ŋɩɩ wɩaa nɛ tɩɩ tintee-la nɩaa yel, a kala jɩjagɛ. Baga kɩaa arɩ diibiisiŋ sɩɩ zaarɛ wɩa-nyuŋ arɩ chenfille-la kala sɩ hɛ mʋgʋ-balɩŋ tʋɔŋ ma sʋsʋʋ.

AMƆS 3:10

Ba paala bɩ wɩaa ba bʋa lɛ ŋaanɩŋ jɩŋ. Yuosuŋ nɛ ba yuo a gurigo laa nɩaa kɩaa a su ba dɩɩ-duoruŋ.

ZƐKARƖYA 5:3

Ŋɩɩ nɛ ʋ bʋla pɩmɛ, “Teniŋ deeŋ lɛ nɛ ba ŋmʋnsɛ ŋmɩaŋ-la sɩ jaŋ tɩtɩŋ tintee-la kala lɛ a hɛ. Teŋ-la sɛmɛ dɔŋɔ lɛ ba ŋmʋnsa hɛ a bʋl arɩ ba jaŋ lɩɩsɛ gaaraa kala ta. Teŋ-la sɛmɛ dɔŋɔ ma ba bʋl arɩ nʋʋkala sɩ nyɩɛ wɩaa aŋ ŋmɩɛsɛ, ba jaŋ lɩɩsʋ ta.

ZƐKARƖYA 8:17

Má sɩ́ wʋbɔŋ bɩɩnʋ a mʋʋ tɩgɛ ma dɔŋɔ tɩɩna lɛ, a sɩ́ wɩaa nyɩɛ aŋ ŋmɩŋmɩɛsɛ. Mɩ bɛrɛ wɩaa deemba kala nɛ. Mɩ-na ma TƖƖNA nɛ bʋla.”

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

MOSIS BƖRA WULLI WƖA WOMBIIŊ 28:16

La TƖƖNA jaŋ kalɩba hɛ ma tasɩŋ arɩ ma bagɩsɩŋ lɛ.

MOSIS BƖRA WULLI WƖA WOMBIIŊ 7:26

Ma pʋpɔ má sɩ́ vesiŋ deemba kʋŋkala kaa kʋ jʋʋ ma dɩa. Dɩ ma nɛ ŋaa ŋɩɩ, ŋmɩaŋ-la sɩɩ to vesi-la jaŋ mɩɩra toma. Má kɩkɩsɛ kɩaa deemba a sɩ́ leŋe dɩ ba kpagɛma, bɛɛ wɩaa La TƖƖNA ŋmɩɛsa hɛ vesi-la lɛ nɛ.

JOSUA 9:20

La maga dɩ la leŋ dɩ ba kɛŋ mɩɩsɩŋ nɛ. Dɩ la nɛ chei nii-la sɩ hɛ la dɩ ba pɛgɛ, La TƖƖNA jaŋ na baanɩŋ la nyuŋ a dɔgɩsɛla.