ZƐKARƖYA 5:3 - WƖA TENIŊ

³ Ŋɩɩ nɛ ʋ bʋla pɩmɛ, “Teniŋ deeŋ lɛ nɛ ba ŋmʋnsɛ ŋmɩaŋ-la sɩ jaŋ tɩtɩŋ tintee-la kala lɛ a hɛ. Teŋ-la sɛmɛ dɔŋɔ lɛ ba ŋmʋnsa hɛ a bʋl arɩ ba jaŋ lɩɩsɛ gaaraa kala ta. Teŋ-la sɛmɛ dɔŋɔ ma ba bʋl arɩ nʋʋkala sɩ nyɩɛ wɩaa aŋ ŋmɩɛsɛ, ba jaŋ lɩɩsʋ ta.

ZƐKARƖYA 5:3 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 20:15

Má sɩ́ gaa.

NAMAGABA 29:24

Nɩɩ-la sɩ pɛ gaara lɛ, bɛrɛ ʋ tɩtɩa mɩɩsɩŋ nɛ. Ʋ nɛ paala ŋmɩɛsɛ ma, ʋ ha bɩ wʋtɩtɩɩ ka bʋl.

NAMAGABA 3:33

La Tɩɩna ŋmɩaŋ ka dii nɩbɔŋŋɔɔ dɩɩsɩŋ nɩaa nɛ, ama ʋ yie pɛ tʋɔpʋl tɩŋŋaa dɩɩsɩŋ nɩaa-na lɛ nɛ.

NAMAGABA 30:9

Dɩ ŋɩɩ dee, ka dɩ mɩ kɛŋ kɩaa yʋgɛ, mɩ jaŋ wuo vɩaŋ aŋ pɩɛsɛ, ‘Kʋbɛɛ nɛ ŋaa La Tɩɩna?’ Koo mɩ jaŋ ŋaa summu a gaa, a chei ŋ-na mɩ Wɩa yɩrɩŋ.”

AZAAYA 24:6

Ŋɩɩ leŋe La TƖƖNA ŋmɩaŋ dii tinteeŋ nɛ. Nɩaa maga dɩ ba na hɛɛŋ nɛ a tɩŋ wɩalɩŋ ba sɩ ŋaa chei wɩaa. Ŋɩɩ wɩaa nyiniŋ jaŋ dii dʋnɩa nɩaa aŋ ka nɩaa baŋmɛnɛ.

AZAAYA 43:28

Ŋɩɩ wɩaa, mɩ jaŋ leŋ dɩ ma Wɩɩchʋɔlɛ dɩa nɩhɩasɩŋ dii hɩɩsɩŋ. Mɩ jaŋ chei Iziral kala aŋ leŋ dɩ nɩaa tʋʋsɛ ʋ joŋŋoo.”

AZAAYA 48:1

Ma Iziral tɩmma-la sɩ ŋaa Juda doho nɩaa, má jegile nɩɩ: Ma nyɩɛ wɩaa arɩ maa chʋɔlɛ Iziral tɩŋŋaa Wɩa nɛ, ama ma bɩ wʋtɩtɩɩ arɩ tʋɔpʋla kɛnɛ.

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 5:2

Ba yie bʋl, ‘La ŋmɩɛsɛ La TƖƖNA sɩ weye,’ aŋ ha nyɩɛ wɩaa a ŋmɩŋmɩɛsɛ.”

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

ƐZƖKƖƐL 2:9

Ŋɩɩ nɛ mɩ beŋ a na nɩa nɩsɩŋ tɩɛna a chaasɛmɛ. Nɩsɩ-la tʋɔŋ teniŋ hɛ nɩmɛ,

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

HOSIA 4:2

Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa, a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma. Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ, a kpʋ nɩaa tɩtɩgɛ dɔŋɔ lɛ.

LEVI DOHO NƖAA 19:11

Má sɩ́ gaa. Má sɩ́ wɩaa nyɩa. Má sɩ́ dɔŋɔba ma nyɩsʋ.

LEVI DOHO NƖAA 19:12

Ma pʋpɔ má sɩ́ wɩaa nyɩa aŋ ŋmɩɛsɛ mɩ yɩrɩŋ lɛ a chei mɩ yɩrɩŋ. Mɩ nɛ ma TƖƖNA.

AMƆS 3:10

Ba paala bɩ wɩaa ba bʋa lɛ ŋaanɩŋ jɩŋ. Yuosuŋ nɛ ba yuo a gurigo laa nɩaa kɩaa a su ba dɩɩ-duoruŋ.

ZƐKARƖYA 5:4

La TƖƖNA doluŋ kala Tɩɩna sɩ, ‘Mɩ jaŋ leŋ dɩ teŋ-la lɩɩ, a mʋ jʋʋ gaarʋ kala dɩa arɩ nɩalɩŋ sɩɩ nyɩɛ wɩaa aŋ ŋmɩŋmɩɛsɛ mɩ yɩrɩŋ lɛ. Teŋ-la jaŋ ka ʋ dɩa lɛ a chei dɩa-la daasɩŋ arɩ ʋ tabɩaa kala.’ ”

ZƐKARƖYA 8:17

Má sɩ́ wʋbɔŋ bɩɩnʋ a mʋʋ tɩgɛ ma dɔŋɔ tɩɩna lɛ, a sɩ́ wɩaa nyɩɛ aŋ ŋmɩŋmɩɛsɛ. Mɩ bɛrɛ wɩaa deemba kala nɛ. Mɩ-na ma TƖƖNA nɛ bʋla.”

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

MALAKAƖ 4:6

Ʋ jaŋ kɛŋ nyɩmmaba arɩ biiriŋ bɩra hɛ dɔŋɔ dɩ ba sɩŋ, dɩ ba nɛ bɩ sɛyɛ mɩ jaŋ kɔ a chei ma tinteeŋ kala gbelem gbelem.”

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Luuk 21:35

Tapʋlɩɩ-la jaŋ kɛŋ dʋnɩa nʋʋkala lee-kala lɛ.

Ɛfɛsɩs Nɩaa 4:28

Nɩɩ-la kala fa sɩɩ gaa, ʋ maga dɩ ʋ leŋ gaarɩŋ, aŋ kɛŋ ʋ nɩsaa faasa tɩŋ tɩntɩŋ-zɔŋŋɔɔ a wuo na kʋ-la kala ʋ sɩɩ chɛ ʋ tɩtɩa lɛ, aŋ wuo pɛ summoo ma lɛ.

1 Timoti 1:9

Ʋ bɩra maga dɩ la jɩŋ arɩ wɩalɩŋ Mosis fa sɩ ŋmʋnsa bil dɩ nɩaa tuto, ʋ bɩ ŋmʋnsa pɩ tʋɔpʋl tɩŋŋaa. Ama ba ŋmʋnsa pɩ nɩalɩŋ sɩɩ chei Wɩa niiŋ wʋbʋlaa nɛ. Ʋ bɩra ŋmʋnsa pɩ nɩbɔŋŋɔɔ, arɩ nɩalɩŋ sɩ bɩ Wɩa ka fá, arɩ wʋbɔŋ ŋaaraa, arɩ nɩalɩŋ sɩ bɩ Wɩa ka to, arɩ nɩalɩŋ sɩɩ kpʋ ba nyɩmmaba arɩ ba naamba, arɩ nɩkpʋʋraa.

Jeems 5:12

Mɩ naambiiriŋ, wɩaa deemba kala harɩŋ lɛ, sɩɩfɩaŋ wɩɩ nɛ mɩɩ chɛ mɩ bʋla pɩma. Ʋ nɛ ŋ-la: Dɩ ma nɛ sɩ ma jaŋ ŋaa wɩɩ, má sɩ́ ŋmɩɛsʋ. Má sɩ́ wɩa-nyuŋ kʋŋ ŋmɩɛsʋ, má sɩ́ tinteeŋ kʋŋ ma ŋmɩɛsʋ, koo má sɩ́ kʋŋkala ŋmɩɛsʋ. Dɩ ma nɛ sɛyɛ, ʋ maga dɩ ma bʋl, “Oo, la sɛyɛ nɛ.” Dɩ ma nɛ bɩra bɩ sɛyɛ ma, ʋ maga dɩ ma bʋl, “Aɩ, la bɩ sɛyɛ,” aŋ sɩ́ ŋmɩɛsʋ. Dɩ ma nɩɩ ŋaa ŋɩɩ, Wɩa bɩ jaŋ joŋ cheeriŋ pɩma bʋa-la lɛ ʋ sɩ jaŋ dii ma sarɩya.

Jeems 5:4

Ma vɩa dɩ ma tiŋ nɩalɩŋ ma, ma sɩ ŋaa ba tɩŋ ma bagɩsɩŋ lɛ nɛ. Ba nɛ yele hɩhɛ ma lɛ. Ba yele-la jʋʋ La Tɩɩna Wɩa dɩgɩlaa nɛ, Nɩɩ-la sɩɩ beŋ dʋnɩa kʋŋkala.

JOSUA 9:20

La maga dɩ la leŋ dɩ ba kɛŋ mɩɩsɩŋ nɛ. Dɩ la nɛ chei nii-la sɩ hɛ la dɩ ba pɛgɛ, La TƖƖNA jaŋ na baanɩŋ la nyuŋ a dɔgɩsɛla.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.