ZƐKARƖYA 4:9 - WƖA TENIŊ

⁹ Ʋ sɩ, “Zerubabɛl nɛ bil mɩ dɩɩ-balɩŋ deeŋ gentine. Ʋ nɛ saa jaŋ saaʋ dɛrɛ ma, dɩ ŋɩɩ nɛ ŋaa, mɩ nɩaa jaŋ jɩŋ arɩ ba TƖƖNA doluŋ kala Tɩɩna nɛ tɩmmɛ ba teeŋ.

ZƐKARƖYA 4:9 ပူးပေါင်းရင်းမြစ်များ

ƐZƖRA 5:16

Ŋɩɩ nɛ Sɛsɩbaza kɔ a bil Wɩa dɩɩ-bal-la gentine Jerusalɛm lɛ. A lɩɩ tapʋlɩɩ-la a kaa kɔ, ba haa saa dɩa-la nɛ, ba ha bɩ dɛrɛ.

AZAAYA 48:16

Má kʋ kpagɛmɛ a nɩɩ wɩɩŋ deeŋ: Faafaa kala mɩ bɩ lʋara bʋl wɩaa, mɩ heele nɛ. Bʋa-la ma lɛ wɩalɩŋ sɩɩ ŋaa, mɩ fa hɛ nɩmɛ nɛ.” Lɛɛlɛ ma TƖƖNA Wɩɩjarɩbakɔ joŋ ʋ Dɩma hɛ mɩ-na Azaaya lɛ nɛ, aŋ tɩmmɛ.

HAGAƖ 2:18

Má chɩŋ tapʋlʋŋ deeŋ sɩ ŋaa chɛŋ-nibi tapʋlaa mara arɩ banɛsɛ jɩnɩŋ, a fɩɛlɛ ma sɩaa a bɩɩnɛ woruŋ na tapʋlɩɩ-la ma sɩ bil mɩ-na ma TƖƖNA dɩɩ-bal-la gentine. Má fɩɛlɛ ma sɩaa a bɩɩnɛ woruŋ na:

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

ZƐKARƖYA 2:13

Nuhuobiinee kala, má chɩŋ sɔm La TƖƖNA sɩpaaŋ, bɛɛ wɩaa ʋ sii ʋ dɩjʋʋlʋŋ sɩ bɩ disiniŋ kɛnɛ lɛ nɛ a kʋkɔ.

ZƐKARƖYA 4:8

Ŋɩɩ nɛ La TƖƖNA bʋl wɩaa pɩmɛ:

ZƐKARƖYA 6:15

Nɩalɩŋ sɩ hɛ dɩ-bolii jaŋ kʋ pɛ dɩ ma saa La TƖƖNA dɩɩ-bal-la, dɩ ŋɩɩ nɛ ŋaa, ma jaŋ jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ. Wɩɩŋ deeŋ jaŋ ŋaa dɩ ma nɛ chaasa to ma TƖƖNA Wɩa niiŋ.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.