ZƐKARƖYA 4:6 - WƖA TENIŊ

⁶ Ŋɩɩ nɛ ʋ bʋla pɩmɛ, “Wɩɩ-la La TƖƖNA sɩ bʋla pɩ Zerubabɛl nɛ ŋ-la: ‘Ŋ ballɩŋ lɛ dee koo ŋ doluŋ lɛ dee ŋ jaŋ yuo dii, ama mɩ-na Wɩa Dɩma lɛ nɛ ŋ jaŋ to yuo dii.’ La TƖƖNA doluŋ kala Tɩɩna nɛ bʋla.

ZƐKARƖYA 4:6 ပူးပေါင်းရင်းမြစ်များ

WƖAA DƖ-SUOMUŊ 41:16

Ŋɩɩ nɛ Josɛf bʋla pɩ Ijipiti tinteeŋ kuoro a bʋl, “Mɩ-na bɩ doluŋ kɛnɛ, ama Wɩa nɛ jaŋ wuo dagɛ ŋ duoso-la bʋbʋɔŋ.”

1 KUOROO 19:12

Tinteeŋ sɩ zigile a bal, nyiniŋ chol, ama La TƖƖNA fa tuo nyiŋ-la lɛ. Nyiŋ-la ma sɩ cholo a bal, ʋ nɩɩ yikori fɩɛlɩ-bie.

2 IZIRAL TƖŊŊAA NAABARƖŊ 14:11

Ŋɩɩ nɛ Asa sʋl ʋ Tɩɩna Wɩa a bʋl, “La TƖƖNA, ŋ nɛ jaŋ wuo pɛ nɩpʋgʋŋ lɛ dɩ ʋ yuo dii nɩduoŋ. La TƖƖNA Wɩa, pɛ la lɛ, la yɩɛlaa kala hɛ ŋ lɛ nɛ. Ŋ yɩrɩŋ lɛ nɛ la kɔ dɩ la yuo laalɩyuori-daŋ deeŋ. La TƖƖNA, ŋ nɛ la Wɩa, sɩ́ leŋe dɩ nuhuobiine yuo diiŋ.”

ƐZƖRA 2:2

Ba sɩpaalaaraa nɛ fa ŋaa: Zerubabɛl, Jesua, Nɛhɩmaaya, Sɛraaya, Relaaya, Modikaaya, Bɩlɩsaŋ, Mɩsɩpaa, Bɩgɩvaɩ, Rehum arɩ Baana. Iziral tɩmma-la sɩ lɩɩ yoŋ-baga a kɔ arɩ ba doho nɩaa niiŋ nɛ ŋ-la:

ƐZƖRA 3:10

Dɩɩ-saara-la sɩ bil La TƖƖNA dɩɩ-bal-la gentine, Wɩɩsʋllɩ sɩpaalaaraa laalɛ ba tɩntɩnnɩ-gɛnnɩŋ, a kori nyilliŋ. Levi doho nɩaa (Asaf hambolibiisiŋ) ma kori buguloo, ba chɩŋ ba dɩchɩnaa dɩ ba dɛnnɛ La TƖƖNA, arɩ Iziral tɩŋŋaa kuoro Devit sɩ dagɛ ŋɩɩ.

ƐZƖRA 5:2

Ŋɩɩ nɛ Sɩalɩtɩɛl nanʋala Jerubabɛl arɩ Jozadak nanʋala Jesua sii dɩ ba wasa saa Wɩa dɩɩ-bal-la sɩ hɛ Jerusalɛm lɛ. Wɩa wʋlaabʋlla-la ma fa hɛ nɩmɛ a pɩpɛ ba lɛ.

WƖA YƖƖLAA 33:16

Kuoro laalɩyuoroo sɩ yʋga kɩŋkɛŋ dee bɩ jaŋ laaʋ ta. Laalɩyuori babii-balɩŋ ma doluŋ bɩ ʋ wuo laa ta.

TƖƖCHA 9:11

Wɩɩ dɔŋ ma nɛ mɩ bɩra na dʋnɩa lɛ: Naachɛ-lɩmɩŋ tɩɩna dee bɩ fá didii, nɩduoŋ ma dee bɩ laalɩŋ yuo didii. Wʋjɩnna dee bɩ kʋdiilee na didii bʋa-kala, nɩɩ-la sɩ jɩŋ wɩaa sɩaa ma dee bɩ dʋa ka kɛŋ. Nɩalɩŋ sɩ kɛŋ jɩma yie bɩ lere-la sɩ maga dɩ ba jomba hɛ ka na, ama nyu-sɩmɩŋ ka puu nʋʋkala nɛ.

AZAAYA 30:1

La TƖƖNA sɩ, “Wɩaa jaŋ jʋʋ nɩalɩŋ sɩɩ beŋ Juda tinteeŋ. Ba vɩa mɩ niiŋ nɛ. Ba yie vʋʋrɛ wɩaa ŋɩŋaa, ka mɩ bɩ ba ŋɩɩ daga. Ba dɩ nɩaa pɛ niiŋ nɛ a ŋaa wɩalɩŋ mɩ sɩ bɩ cho. Ba ŋaa wʋbɔŋŋɔɔ a dɩdaŋ dɔŋɔ lɛ nɛ.

AZAAYA 32:15

a mʋ yi bʋa-la lɛ Wɩa sɩ jaŋ joŋ ʋ Dɩma a hɛ la lɛ, tintee-hɩlɩŋ jaŋ mɩɩra sɩŋ, dɩ bagɩsɩŋ kɩaa wasɛ woruŋ a lugi a nagɛ duuŋ.

AZAAYA 34:16

Nyilimi La TƖƖNA teniŋ tʋɔŋ a karɩma na wɩalɩŋ ʋ sɩ bʋla tɩgɛ kʋŋ na-kala sɩɩ wiesu lɛ. Kɩaa deemba kʋŋkala bɩ jaŋ kɔ dɩ ʋ lɛlɛ. Ba kʋŋkala bele arɩ haal nɛ jaŋ hɛ nɩmɛ. La TƖƖNA tɩtɩa nɛ bʋla, ʋ Dɩma jaŋ kɛmba kaa kʋ hɛ dɔŋɔ lɛ.

AZAAYA 59:19

Nɩalɩŋ sɩ hɛ wɩɩjʋʋlʋŋ dɩɩrɩŋ jaŋ fɩfá La TƖƖNA nɩalɩŋ ma sɩ hɛ wɩɩpɔsʋŋ dɩɩrɩŋ jaŋ zizilu, ʋ jaŋ kʋ tii paaba a nagɛ fuoŋ sɩ suo a pɩpɛllɛ koo pel-duoŋ.

DANƖƐL 2:34

Ŋ sɩɩ beŋ ŋɩɩ, ŋ na dɩ bʋŋ yɛrɛ lɩɩ ʋ tɩtɩa lɛ peeliŋ nyuŋ, ka nuhuobiine dee bɩ yɛrɛ, ʋ kʋ tuu ŋmoo kʋ-la ba sɩ mɛ naachɛyɛ-la ba sɩ kɛŋ hɔɔŋ arɩ chʋrʋŋ mɛ a yɛrɛ muno muno.

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

HAGAƖ 1:1

Daarus sɩ dii Pɛsɩa tinteeŋ kuoru-balɩŋ, ʋ jɩ-lɩa, chɛŋ-dʋ tapʋl-bumbuŋ lɛ nɛ, La TƖƖNA to ʋ wʋlaabʋlla Hagaɩ lɛ a bʋl wɩaa pɩ Zerubabɛl arɩ Josua. Zerubabɛl nɛ fa ŋaa nɩɩ-la sɩɩ beŋ Juda tinteeŋ, ʋ nyɩmma nɛ Sɩalɩtɩɛl. Josua ma nɛ fa ŋaa Wɩɩsʋllɩ sɩpaalaaraa nɩhɩaŋ, ʋ ma nyɩmma nɛ Jehozadak.

HAGAƖ 2:21

Ʋ sɩ, “Bʋla pɩ Zerubabɛl, nɩɩ-la sɩɩ beŋ Juda tinteeŋ, mɩ jaŋ kɛŋ wɩa-nyuŋ arɩ tinteeŋ jigisi.

ZƐKARƖYA 6:12

Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la.

NAMBABA 27:16

“La TƖƖNA Wɩa, ŋ nɩɩ pɩ nuhuobiiŋ kala mɩɩsɩŋ, mɩɩ sʋlʋŋ, lɩɩsɛ nʋʋ sɩ jaŋ wuo laa Iziral tɩŋŋaa sɩpaaŋ,

Ɛfɛsɩs Nɩaa 6:17

Wɩa sɩ laama ta ŋɩɩ, ʋ maga dɩ ʋ nagɛ hɔɔŋ nyuŋ-chu-gbaŋkogo nɛ ma joŋo chu, aŋ joŋ Wɩa Dɩŋ-zɔmʋŋ tokobiiŋ a kori. Tokobii-la nɛ ŋaa Wɩa niiŋ wɩaa.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

1 SAMƲƐL 14:6

Jonataŋ bɩra bʋla pɩ ʋ bapʋɔsɩ-bie-la sɩɩ kori ʋ laalɩyuori kɩaa, “Kɔ dɩ la chol a mʋ Fɩlɩsɩtɩa tɩmma-la sɩ bɩ la Wɩa ka to leriŋ. Kapo La TƖƖNA jaŋ pɛ la lɛ. Wɩɩkala bɩ jaŋ wuo pɔ dɩ La TƖƖNA sɩ́ la laa ta, dɩ la yʋga koo dɩ la bɩ yʋgɛ.”

1 SAMƲƐL 17:47

Nɩalɩŋ kala sɩ hɛ daha jaŋ jɩŋ arɩ tokobiiŋ koo timiŋ dee La TƖƖNA kaa laa nɩaa tɩta. La TƖƖNA nɛ yie yuo didii ʋ dʋndɔŋŋɔɔ, ʋ jaŋ joŋ ma kala a hɛ la nɩsɩŋ lɛ.”