ZƐKARƖYA 4:14 - WƖA TENIŊ

¹⁴ Ŋɩɩ nɛ ʋ bʋl, “Kɩaa deemba balɩa ŋaa nɩa nɛ Wɩa lɩɩsɛ dɩ ba tɩma pɩpɩ ʋ-na La TƖƖNA sɩ tɩɩ dʋnɩa kala.”

ZƐKARƖYA 4:14 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

ƐZƖRA 5:2

Ŋɩɩ nɛ Sɩalɩtɩɛl nanʋala Jerubabɛl arɩ Jozadak nanʋala Jesua sii dɩ ba wasa saa Wɩa dɩɩ-bal-la sɩ hɛ Jerusalɛm lɛ. Wɩa wʋlaabʋlla-la ma fa hɛ nɩmɛ a pɩpɛ ba lɛ.

WƖA YƖƖLAA 110:4

La Tɩɩna ŋmɩɛsa nɛ, ʋ bɩ jaŋ kɛŋ ʋ tʋɔbɩɩnaa bɩrɩmɛ, Ʋ sɩ, “Ŋ nɛ nɩɩ-la sɩ laa nɩaa nyuŋ a tɩma pɩpɩ Wɩa a kaa mʋ wuu, a nagɛ baal-la ba sɩɩ yɩrɛ Mɛlɩkɩzɛdɛk fa sɩ tɩma pɩpɩ Wɩa ŋɩɩ.”

WƖA YƖƖLAA 2:6

“Mɩ bil mɩ kuoro nɛ Zaayɔŋ lɛ, mɩ dundolo-la mɩ sɩ lɩɩsa pɩ mɩ tɩtɩa lɛ.”

WƖA YƖƖLAA 89:20

Mɩ lɩɩsɛ mɩ tɩntɩnna Devit nɛ, a joŋ Wɩɩsʋllɩ nʋʋŋ tɩsʋ, ʋ dii kuoruŋ.

MOSIS KƐŊ IZIRAL TƖŊŊAA LƖƖ 29:7

Joŋ Wɩɩsʋllɩ nʋʋŋ a bɩsa hɛ ʋ nyuŋ lɛ.

MOSIS KƐŊ IZIRAL TƖŊŊAA LƖƖ 40:15

Joŋ Wɩɩsʋllɩ nʋʋ-la tɩsɛba arɩ ŋ sɩ joŋo tɩsɛ ba nyɩmma ŋɩɩ, dɩ ba ŋaa Wɩɩsʋllɩ sɩpaalaaraa. Wɩɩsʋllɩ nʋʋ-la ŋ sɩ joŋo tɩsɛba jaŋ leŋ dɩ ba nɛ ŋaa doho-la nɩaa sɩ jaŋ ŋaa Wɩɩsʋllɩ sɩpaalaaraa a kaa mʋ wuu.”

AZAAYA 5:1

Mɩ jaŋ yɩɩ yɩɩlɩŋ a pɩ nɩɩ-la mɩ sɩ cho, yɩɩl-la mʋʋ tɩgɛ ʋ girep tɩɩsɩŋ baga lɛ nɛ. Mɩ nandɔŋɔ kɛŋ girep tɩɩsɩŋ baga nɛ tintee-sɩŋ kʋbala lɛ peeliŋ sɛmɛ.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

JƐRƖMAAYA 49:19

A nagɛ naachigiŋ sɩ lɩɩ Jɔdaŋ duuŋ tʋɔŋ a kʋkɔ a mʋmʋ pʋsʋŋ dɩ-diiliŋ sɩ kɛŋ ya-zɔmʋŋ, mɩ jaŋ kɔ a guu kiri Ɛdɔm tɩŋŋaa ba tinteeŋ lɛ. Kʋbɛɛ nɛ mɩ jaŋ lɩɩsɛ dɩ ʋ ŋaa wɩɩŋ deeŋ? Kʋbɛɛ nɛ nagɛmɛ a jaŋ wuo magɩsɛmɛ? Sɩpaalaarɩ bɛɛ nɛ jaŋ wuo kɛŋ ʋ tɩtɩa magɩsɛmɛ?”

LEVI DOHO NƖAA 8:12

aŋ wansɛ nʋʋ-la dɔnsʋŋ ma a hɛ Arɔŋ nyuŋ lɛ a sʋl Wɩa hɛ ʋ lɛ a joŋu hɛ Wɩa nɩsɩŋ lɛ.

MƖKA 4:13

Zaayɔŋ nɩaa, má sii ŋmoo mɩɩ-jagɩsɩ-la, bɛɛ wɩaa mɩ jaŋ leŋ dɩ ma kɛŋ doluŋ a nagɛ hɔɔŋ. Mɩ jaŋ leŋ dɩ ma naachɩgɩsɩŋ nagɛ kɔlɩɩŋ dɩ ma kaa nʋɔsɛ tintee daŋ nɩaa bʋrɩgɛ. Ma jaŋ laa kɩalɩŋ kala ba sɩ gɩrɩma laa a kaa kʋ pɩ mɩ-na ma TƖƖNA, a joŋ ba dʋa kala pɩ mɩ-na ma TƖƖNA sɩ tɩɩ dʋnɩa kala.”

ZƐKARƖYA 6:13

Ʋ nɛ jaŋ saa mɩ-na ma TƖƖNA dɩɩ-bal-la, ʋ jaŋ kɛŋ yɩrɩŋ woruŋ. Ʋ jaŋ hɔŋ ʋ kuoru kpasa nyuŋ a beŋ ʋ nɩaa, a bɩra ŋaa nʋʋ sɩ jaŋ laa nɩaa nyuŋ a tɩma pɩpɩ mɩ-na Wɩa. Ʋ jaŋ ŋaa wɩalɩŋ balɩa kala hɩhɛ dɔŋɔ dɩ fɩɛlɩŋ hɛ nɩmɛ.

ZƐKARƖYA 6:5

Ʋ bʋla pɩmɛ, “Dɩnsɩŋ banɛsɛ sɩ hɛ Wɩa-jaŋ lɛ nɛ ŋɩɩ. Ba lɩɩ La TƖƖNA sɩ tɩɩ dʋnɩa kala sɩpaaŋ nɛ a kʋkɔ ŋɩɩ.

Luuk 1:19

Ŋɩɩ nɛ Wɩa tɩndaarʋ-la bʋla pʋ, “Mɩ yɩrɩŋ nɛ Gebiral a hɔŋ Wɩa sɛmɛ. Ʋ nɛ tɩmmɛ dɩ mɩ kʋ bʋl wʋzɔmʋŋ deeŋ a pɩŋ.

MOSIS BƖRA WULLI WƖA WOMBIIŊ 10:8

Peel-la nyuŋ nɛ La TƖƖNA lɩɩsɛ Levi doho nɩaa baalaa, dɩ ba nɛ chʋchʋŋ Wɩa niiriŋ daga-la aŋ tɩtɩŋ Wɩa dɩa tɩntɩŋŋaa a sʋl Wɩa pɩpɩ Iziral tɩŋŋaa. Ba tɩntɩŋŋaa nɛ ha ŋɩɩ arɩ jɩnɩŋ kala.

JOSUA 3:11

dɩ La TƖƖNA sɩ tɩɩ tinteeŋ kala niiriŋ daga-la nɛ laa ma sɩpaaŋ a chol Jɔdaŋ fuo-la.

JOSUA 3:13

Dɩ Wɩɩsʋllɩ sɩpaalaaraa sɩ chʋŋ La TƖƖNA sɩ tɩɩ tinteeŋ kala niiriŋ daga nɛ joŋ ba naasɩŋ a nʋɔsɛ Jɔdaŋ fuo-la tʋɔŋ, lɩɩ-la sɩɩ pɛllʋ jaŋ kɛrɛ, a chɩŋ dɩ-bala aŋ sii chʋɔrɛ.”

Jɔɔŋ Wʋnaalaa 11:4

Wɩa pɛ-naara-la balɩa nɛ ŋaa Olif tɩɩsɩ-la balɩa arɩ chaaŋ daasɩ-la balɩa sɩ chɩŋ La Tɩɩna sɩpaaŋ, nɩɩ-la sɩ tɩɩ tinteeŋ.

1 SAMƲƐL 10:1

Ŋɩɩ nɛ Samʋɛl joŋ nʋʋŋ arɩ loŋ, a wansa hɛ Sɔɔl nyuŋ lɛ, aŋ guoru a bʋl, “La TƖƖNA lɩɩsɩŋ nɛ dɩ ŋ ŋaa ʋ nɩaa Iziral tɩŋŋaa sɩpaalaara.

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”