ZƐKARƖYA 3:9 - WƖA TENIŊ

⁹ Má beŋ tabɩɩ-la mɩ sɩ joŋo bil Josua sɩpaaŋ, tabɩɩ-bala nɛ aŋ kɛŋ sɩaa balɩpɛ. Mɩ jaŋ tuuri kʋŋ a hɛ ʋ lɛ, aŋ lɩɩsɛ tinteeŋ deeŋ nɩaa wʋbɔŋŋɔɔ ta tapʋl-bala. Mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 3:9 ပူးပေါင်းရင်းမြစ်များ

1 KUOROO 1:20

Mɩ kʋhɩaŋ, Iziral tɩŋŋaa kala sɩaa pɛ ŋ lɛ nɛ, dɩ ŋ dagɛba nɩɩ-la sɩ jaŋ laa ŋ nyuŋ a dii kuoruŋ.

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

WƖA YƖƖLAA 103:12

La Tɩɩna laa la wʋbɔŋŋɔɔ ta dɩ-bolii nɛ, ʋ bolie magɛ a chɩŋ wɩɩpɔsʋŋ a kaa mʋ wɩɩjʋʋlʋŋ nɛ.

WƖA YƖƖLAA 118:22

Tie-bii-la dɩɩ-saaraa sɩ vɩa ta nɛ kʋ ŋaa tie-bii-duoŋ ba sɩ joŋo bil dɩa gentine.

MOSIS KƐŊ IZIRAL TƖŊŊAA LƖƖ 28:11

Leŋ dɩ nɩɩ-la sɩ kɛŋ jɩma arɩ tabɩaa kaa tɩmɩŋ ŋmʋnsɛ Iziral hambolibiisiŋ yɩraa hɛ tabɩa-la lɛ, a joŋo hɛ ba sɩ kɛŋ sɛlɩmɛ libi kʋ-taalɩsɩŋ balɩa a luri bʋɔsʋŋ balɩdʋ balɩdʋ a kɛŋ sɛlɩmɛ taarɛ.

MOSIS KƐŊ IZIRAL TƖŊŊAA LƖƖ 28:21

Tabɩa-la jaŋ ŋaa fii arɩ balɩa, dɩ ŋ ŋmʋnsɛ Jekɔb hambolibiisi-la fii arɩ balɩa yɩraa hɛ, dɩ tabɩɩ na-kala chɩŋ doho kala nyuŋ lɛ.

MOSIS KƐŊ IZIRAL TƖŊŊAA LƖƖ 28:36

Ŋ jaŋ kɛŋ sɛlɩmɛ libi pɩrata a ŋmʋnsa hɛ ʋ lɛ a bʋl, ‘Ʋ ŋaa La TƖƖNA kʋzɔŋ nɛ.’

AZAAYA 28:16

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la, “Má bee na, mɩ joŋ tabɩɩŋ mɩ sɩ magɩsa a jɩŋ ʋ maŋŋaa nɛ a bil Zaayɔŋ lɛ, ʋ ŋaa je-gʋnʋŋ tabɩɩ-zɔŋ nɛ sɩ jaŋ leŋ dɩ Zaayɔŋ gentine chɩŋ kpaŋkpaŋ. Dɩ nʋʋ nɛ laa tabɩɩ-la wɩaa dii, hɩɩsɩŋ bɩ jaŋ dii tɩɩna.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 50:20

Bʋa-la lɛ ba jaŋ chɛ dɩ ba na Iziral tɩŋŋaa wʋcheeliŋ. Mɩ-na ma TƖƖNA nɛ bʋla, ama ba bɩ jaŋ na wʋcheeli kala. Ba jaŋ chɛ dɩ ba na Juda nɩaa ma wʋbɔŋŋɔɔ, ama ba bɩ jaŋ na wʋbɔŋ kala, bɛɛ wɩaa mɩ jaŋ joŋ nɩalɩŋ sɩ ka wʋbɔŋŋɔɔ chɛba.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

ZƐKARƖYA 3:4

Ŋɩɩ nɛ Wɩa tɩndaarʋ-la bʋla pɩ ʋ tɩntɩnnaa, “Má wuri ʋ gɛnnɩ-la.” Ŋɩɩ nɛ aŋ bʋla pɩ Josua ma, “Bee na mɩ laa ŋ wʋbɔŋŋɔɔ ta nɛ, mɩ jaŋ joŋ gɛnnɩŋ sɩ kɛŋ yɩrɩŋ a laalɩŋ.”

ZƐKARƖYA 4:10

Má sɩ́ bee gʋʋnɛ wɩaa dɩ-suomuŋ sɩ muuro. Nɩaa tʋɔŋ jaŋ tɔrɛ dɩ ba nɛ na Zerubabɛl kori dɩɩsaarɩ-ŋmɛnɩŋ. Chaaŋ ŋmɛsɩ-la balɩpɛ nɛ ŋaa mɩ-na Wɩa sɩaa mɩ kaa bibeŋ dʋnɩa kala.”

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Tɩntɩŋŋaa 4:11

Yesu wɩaa nɛ ba ŋmʋnsɛ Wɩa teniŋ tʋɔŋ a bʋl, ‘Tie-bii-la dɩɩ-saaraa sɩ vɩa, ʋ nɛ kʋ ŋaa tie-bii-duoŋ ba sɩ joŋo bil dɩa gentine.’

Rom Tɩŋŋaa 9:33

Ba ŋmʋnsɛ Wɩa teniŋ tʋɔŋ a tɩgɛ tabɩɩ-la lɛ nɛ a bʋl, “Bee na, mɩ joŋ tabɩɩ-la sɩ jaŋ leŋ dɩ nɩaa gɛrɛ a bil lee-la ba sɩɩ yɩrɛ Zaayɔŋ nɛ. Tabɩɩ-la ŋaa bʋŋ nɛ. Ʋ jaŋ leŋ dɩ nɩaa gɛrɛ titel. Ama nʋʋ na-kala sɩ laa nɩɩ-la la sɩɩ yɩrɛ bʋŋ-la wɩaa dii, ʋ bɩ jaŋ dii hɩɩsɩŋ.”

2 Kɔrɩntɩ Nɩaa 1:22

a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.

2 Kɔrɩntɩ Nɩaa 3:3

Ma nɛ saa chaasa dagɛ arɩ ma ŋaa teŋ-la Kirisito sɩ leŋe la ŋmʋnsɛ. Teniŋ deeŋ, ʋ bɩ naga kʋ-la nɩaa sɩ kaa ŋmʋnsɛ tenniŋ nɛ. Wɩa sɩ weye joŋ ʋ Dɩŋ-zɔmʋŋ nɛ a kaa ŋmʋnsɛ wɩalɩŋ hɛ ma tʋɔŋ. Ba saa bɩra bɩ ŋmʋnsa hɛ tabɩɩ-taala lɛ, ama ba ŋmʋnsa hɛ nuhuobiinee tʋɔŋ lɛ nɛ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Hiburu TƖŊŊAA 7:27

Wɩɩsʋllɩ sɩpaalaaraa kʋhɩasɩŋ fa yie kpʋ pʋsʋŋ tapʋlɩɩ-na kala nɛ. Ʋ fa maga dɩ ba kpʋ pʋsʋŋ a tɩŋ ba tɩtɩa wʋbɔŋŋɔɔ wɩaa nɛ, aŋ bɩra kpʋ dɔnsʋŋ ma a tɩŋ nɩaa wʋbɔŋŋɔɔ wɩaa. Yesu-na bɩ ŋɩɩ ŋaa. Ʋ bɩ pʋsʋŋ kpʋa a tɩŋ ʋ tɩtɩa wʋbɔŋŋɔɔ wɩaa. Ʋ ŋaa Wɩɩsʋlʋŋ bala nɛ a pɩ Wɩa a tɩŋ nɩaa wʋbɔŋŋɔɔ wɩaa. Ʋ tɩtɩa mɩɩsɩŋ nɛ ʋ kaa ŋaa Wɩɩsʋlɩɩ-la.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.